Luka 20:22 - Mawu a Mulluku

²² Sika munilleelle hiyaano. Tti ddawaakhullelliwa ni malamulwaahu okhoma musonkho wa Kaisara,* o Roma apaalle khe ddiiddo?”

Luka 20:22 ပူးပေါင်းရင်းမြစ်များ

Nehemiya 9:37

Vano ddoohata ddinchichi ddinaya wa mamwene mwanivelleelleenyu m'mattani mwiwa vawi naachimwa. Aakhalla ni masiva oonilamulella ni eziweto ddahu sika niri mu ddookatamiha dduullupalli.”

Mitteko 5:37

Aviralle yooyo, Yudasi a o Galileya aawattho enthawi ya kalembera akopa mulloko wa athu anchichi koma nayeenettho ahiiphiwa nave attheene yamuthwanraayo yaapallalleya.

Mateyu 17:25

“Petro ahaakhulla wi, Ee, ennakhoma.” Petro avollowille mpa mulle, Yesu aallota vawaamba wi, “Simoni maganizwaawo tti awi tini? Ttaani anakhoma musonkho wa mamwene a va ellapo yavattheella? Alleto apaalle athu a mutundwiiwa?”

Nehemiya 5:4

Nave athu amodda yaallotattho wi, “Nookongola makobiri wi nikhome musonkho wa mwene wa emata ddahu ni emata ddahu ddampesa.

Ezara 9:7

Waambeella enthawi ya makhollwaahu ophiyera ollello nikhallelle ochimwa wunchichi. Vano ekaamba ya machimwaahwaayo, hiyaano, mamwene a ellapo ddimodda ni allupa mukuthwaahu noovelleelliwa m'mattani mwa mamwene a mwiillaponi wiiphiwa okhotoni, opharelliwa wuukaporoni, waakhiwa ddeko ni owullihiwa muru wonanko mmo ddikhallelliiwa ollello.

Ezara 4:13

Vano amwene edduwelle wi muzindoolla wamakiwattho ni esiri ddiwa ddamallihiwa khekhomaka musonkho naari ovelleella kasitomu apaalle okhoma musonkho wa erive ello nave yoophura ya amwene eneeroyevihiwa.

Deuteronomo 17:15

Vano mwenooyo anaphwanella akhalle muthu ootthoolliwa ni Apwiya Mullukwaanyu nave akhalle muthu a mutundwaanyu. Nave muhimutthoolle mulleto wi akhalle mwenaanyu vawi olliye khe mbalaanyu.

Luka 20:21

Athwaayo yaamukoha wi, “Ahuddihi, ninnadduwella wi munnallota ddawoona moohiwehattho wi olla ttaani. Koma munnahuddiha ddawoona dda opaalla wa Mulluku wa athu.

Luka 20:23

Nave Yesu voodduwellani woottha wiiwa aallota wi,

Luka 23:2

Wenko yahaamba omuhumullulla wi oochimwa voollotani wi, “Naamphwanya aweerihaka athu a mutundwaahu wi ewukile nave aahiihaka okhoma musonkho wa Kaisara.* Nave aniiromolla yeekha wi tti Mesiya,* mwene.”

Aroma 13:7

Muvelleelleke wa arive muthu eyo munaphwanelleenyu ovelleella, wonanko okhoma misonkho, ovaha olemu apaalle oriiha.