Luka 20:20 - Mawu a Mulluku

²⁰ Vano emweetellelle Yesu, yahaaruma athu ookhalla wonanko oolungama wi yamukoheke ddoomuwaka muwano nave emphwanyelle mullatu, yamuvelleelle wa oolamulella a o Roma oyo aari ni masiva ni olamulello.

Luka 20:20 ပူးပေါင်းရင်းမြစ်များ

Luka 11:54

Vawi yapaalla omuphwanyella yoomwiipella mullatu voomuwakani muwano.

Mateyu 27:2

Yaammaka emukusa, emuvelleella wa Pilato, oolamulella a o Roma.

Yeremiya 11:19

Kaari wonanko mwaanaankhosa oomaalleya oyo anakuselliwa wawiiphiwa. Ngaadduwenlle wi yakipanganella miyaano yallotiiwa wi, “Hankoni niwuuhe muteekhoolla ori ni okumi ddiidda. Hankoni nimwiiphe muthu yoolla wi ahuupuwelleyettho.”

Masalimo 81:15

Athu ayo eniitana ni Apwiya, yeerowarama vamiitthoni viwa, otulliiwa weerokhallawo wa enthawi yoohimalla.

2 Petro 2:3

Ekaamba ya nrima ahuddihi awoottha yaalla eneerewuullekani vawuulleellani miyaha ddawoottha. Ollakiwa wiwa wookhozeka khalle nave oowoonongiiwa khanakona!

Luka 20:26

Vano kheyaaworille omuphwanyella mullatu vamiitthoni va athu. Koma yaattikhina ni ddoowaakhulla ddaye, emaalla.

Mariko 3:2

Nave athu amodda yaamweetellella Yesu wi yoone eeki amuchirihe muthooyo va nllapo na Sabata wi emwiipe mullatu.

Yeremiya 20:10

Kinnawiiwa anchichi enong'onaka wi, “Ddawoopiha ddiri orive weko!” Enallota wi, “Khaweni mwamootthere! Hankoni namusumelle!” Akhwaaka ennatiyerella olephela waka, ennallota wi, “Apaalle ttuumootthella, sika nineeromuphara wi nimuhokolloselle ddoonanara.”

Yeremiya 18:18

Vano athu yaallota wi, “Hankoni niiwanane ddoomweerella echiwembu Yeremiya wi nivirellelle okhalla ni allupa mukutho oonihoollella, athu eezeru oonilangiza ni anamallotella oonillalleyella mawu a Mulluku. Hankoni nimwiipe mullatu nave nihiye opwatha mawaaye.”

Masalimo 66:3

Mulleelleni Mulluku wi, mitteko ddanyu tti ddoottikhiniha. Masivaanyu tti muullupalli, adanaanyu ennawaramella vatthi moowoovani.

Masalimo 38:12

Awaashaasha okumaaka, ennakireya millapa, oopaalla okivoreya ennallota ddookoononga, nllapo nittheene ennapanganella ddoonanara.

2 Samuele 14:2

Vano Yowabu ahaaruma athu a o etawoni ya Tekowa wi yamukusewo mutthiyana eezeru. Aamulleella mutthiyanooyo wi, “Okhalle wonanko mutthiyana ookhwelliwa, oware ddoowara dda mutthiyana ookhwelliwa. Ohiniihella makhura koma okhalle wonanko mutthiyana oyo akhanlle inllaka mallapo manchichi.

Daniele 6:4

Nave oowehera akhwaaye ni enduna yaheeseesa omuphwanyella mullatu Daniele va mmo eetihelleeye omwene. Koma kheyaamuphwanyille ni erive yoolakwa kaambiiwa Daniele aari oororomelleya nave kheera ddawaanganyera apaalle ddoolleka.

Luka 20:21

Athwaayo yaamukoha wi, “Ahuddihi, ninnadduwella wi munnallota ddawoona moohiwehattho wi olla ttaani. Koma munnahuddiha ddawoona dda opaalla wa Mulluku wa athu.