Luka 20:16 - Mawu a Mulluku

¹⁶ Aneeroowa wi awiiphe oollimaayo nave aneeropolleyiha emateeyo wa athu amodda.” Athwaalle yiiwalliiwa yaallota wi, “Ddennddo ddiheereye!”

Luka 20:16 ပူးပေါင်းရင်းမြစ်များ

Luka 19:27

Vano wa adanaaka ayo yahipaalla wi kikhalle mweniiwa, akuseni muweena wuno nave muwiiphe kiwoonaka!’ ”

Mitteko 13:46

Koma Paulo ni Baranaba yaallota moollipa murima wi, “Waari woophwanella wi mawu a Mulluku ellotiwe wa nyuwaano vawaamba. Ekaamba yawi mohaakhoota, mohooniha wi khamunaphwanella okumi woohimalla, nineerewuuhiyani niye wa athu ayo ehiri Ayuda.

Mateyu 21:41

Yahaakhulla wi, “Eneerowiipha mowaahoosa oollima oonanaraayo apolleyihe emateeyo wa athu amodda, ayo enaamukawelle ezipaso ddampesa ddaye va enthawi yoohata.”

Mateyu 22:7

Mwenoolle aasha murima wunchichi, sika ahaaruma akhotwaaye wi yawiiphe awiiphaalle ni woosa muzindiiwa.

Mateyu 21:34

Yakwakhwanilliiwa enthawi yootthukumaniha ezipaso ddampesooyo, ahaarumiha allupa muttekwaaye wa oollimaayo wi yaakhelle ezipaso dda m'matanimmo.

Mariko 12:9

Yesu ahaakoha wi, “Vano anaaweere tini mwaneena a ematoolla? Aneeroowa wi awiiphe oollimaayo nave apolleyihe emateeyo wa athu amodda.

Luka 20:15

Vano yaamuvokhella otte wa emateeyo emwiipha.” Yesu ahaakoha wi, “Vano mwaneena a ematoolle anaaweere tini wa oollimaalle?

Aroma 3:4

Khe ddiiddo! Mulluku tti awoona naari athu attheene eri awoottha. Mawu a Mulluku enallotattho wi, “Nyu, Mulluku, mwaallotaka arive muthu annoona wi munnallota ddawoona, munnapambana mu orive mullatu.”

Aroma 3:6

Khe ddiiddo! Mulluku aarimi ari oohikhalla ni echilungamo, anaaweeruze ellapo yavatthi mwawiidde?

Aroma 3:31

Ethiyo malamulo khenna mutteko ekaamba ya echikhulupililo? Khe ddiiddo! Koma ninnasimikiza malamulwaayo.

Aroma 6:2

Khe ddiiddo! Ethiyo ninaavirellelle ochimwa mwawiidde vawi niri wonanko athu ookhwa o masiva a machimo?

Aroma 6:15

Vano ninaallote tini? Ethiyo nichimweke kaambiiwa khaninalamulelliwa ni malamulo koma ninalamulelliwa ni echisomo ya Mulluku? Khe ddiiddo!

Aroma 7:7

Vano ninaallote tini? Ethiyo ninaallote wi malamulo tti machimo? Khe ddiiddo! Koma malamulo yaariki ehikhallewo, ngaadduwelle machimo. Nave ngaadduwelle osilila malamulo yaariki ehillote wi, “Ohisilile.”

Aroma 7:13

Ethiyo ello yaphaameella sika yeerihalle okhwa waka? Khe ddiiddo! Yoochimwa sika yeerihalle. Voopharihani mutteko yaphaama yeella, machimo yaakiipha miyaano wi yawoona ya yoochimweeyo yuupullulliwe. Sika vano, ekaamba ya malamulo machimo yohooneya wi tti oonanara wunchichi.

Aroma 9:14

Sika vano nillote wi Mulluku khanna echilungamo? Khe ddiiddo.

Aroma 11:1

Vano kinakoha wi, “Ethiyo Mulluku ohaakhoota athwaaye?” Khe ddiiddo. Mi tti Muisraele, edduullu ya Abrahamu navettho mmodda a nlloko na Benjamini.

Aroma 11:11

Sika kinakoha wi, “Ethiyo Aisraele yaakwakwatuwa ni wiikuha wi ehiwe evenya?” Khe ddiiddo. Koma ekaamba ya machimo a Aisraele, athu ayo ehiri Aisraele yaawora ovullusiwa nave Aisraelaayo eneerewaakhallella ehache.

1 Akorinto 6:15

Ethiyo khamunadduwella wi miilli ddanyu tti eziwalo dda mwiilli wa Khrisitu? Miyaano ttuukusa eziwalo dda Khrisitu ni odditthattusa eziwalo dda mutthiyana ooraruwa? Khe ddiiddo!

Agalatiya 2:17

Vano hiyaano vaweeseesani weeriwa oolungama ni Mulluku oweella mwa Khrisitu, ninnaphwanyiwa niri oochimwa moophwanaphwana ni athu ayo ehiri Ayuda. Ddenndda ddinattaphullella wi Khrisitu sika ananeeriha wi nichimweke? Khe ddiiddo.

Agalatiya 3:21

Ethiyo malamulo ennavaanyana ni malonjezano a Mulluku? Kheneera ddiiddo! Vawi vakhanlleke lamulo noovaha okumi sika arive muthu aaweerekokhalla oolungama vawiiwellellani lamulonno.

Agalatiya 6:14

Nave miyaano kinakotella dda mutandave wa Apwiihu Yesu Khrisitu; vawi ekaamba ya mutandaaye, ellapo yavatthi wa miyaano tti yookhwa nave miyaano tti ookhwa o ellapo yavatthi.