Luka 20:14 - Mawu a Mulluku

¹⁴ Koma oollimaayo yamoonilliiwa yaalleellana wi, ‘Olla sika mwanaye aamullopwana anaahallena eyuumeella, hankoni nimwiiphe wi eyuumeella ekhalle yaahu.’

Luka 20:14 ပူးပေါင်းရင်းမြစ်များ

Aroma 8:17

Vawi hiyaano tti anaaye, nineerewaakhella madaliso anaasungelleeye athwaaye, ninaakhelle ddenndda nimodda ni Khrisitu vawi noona ddoohoosa ni Khrisitu, nineerewaakhellattho ntitimiho naye.

Aheberi 1:2

Koma mu mallapo oomallihellaalla anallota wa hiyaano oweella mwa Mwanaye. Mwa olliyoolla Mulluku aaphatusa ellapo ni ddittheddene ddinakhalla mwemmo. Nave Mulluku aamutthoolla wi omamallihello wene ddeko ddittheddene ddikhalle ddaayeddaaye.

Mitteko 3:15

Nave mwaamwiipha oyo aari oovaha okumi koma Mulluku aamuvenyiha wa ookhwa nave hiyaano tti amboni a ddenndda.

Mitteko 2:23

Yesu yoolla aavelleelliwa moollikana ni opaalla wa Mulluku vawi aadduwella khalle wi mwaamutthomeya vamutandani nave mumwiipha voomuvelleellani wa athu oonanara.

Luka 22:2

Allupa mukutho uullupalli ni ahuddihi a malamulo* yahaashaasha ettilla yawi emwiiphe Yesu koma yawoova athu.

Luka 20:19

Ahuddihi a malamulo ni allupa mukutho uullupalli enthawi yeeyo yaapaalla wi emmake Yesu kaambiiwa yaadduwella wi ahaalleella niphwanaphwaniho nowaavaanyiha. Koma yawoova athwaayo.

Luka 20:5

Yaakambirana weekhiiwa wi, “Nillote wi tini? Namwaakhulla wi wa Mulluku, aneerollota wi, ‘Khamwaamukhulupililalle Yohane kaambiiwa tini?’

Luka 19:47

Nllapo ni nllapo Yesu aanahuddiha mu enyumba ya Mulluku. Nave allupa mukutho uullupalli, ahuddihi a malamulo* ni attekweene a Ayuda* yaanaashaasha ettilla yoomwiiphella.

Mateyu 21:25

Yohane aakusalle wuuwi olamulello woobatiza, waavenyenre wa Mulluku apaalle wa athu?” Yaakambirana weekhiiwa wi, “Nillote wi tini? Namwaakhulla wi wa Mulluku, aneerollota wi, ‘Khamwaamukhulupililalle Yohane kaambiiwa tini?’

Mateyu 16:7

Oohudderaayo yaatakhellana weekhiiwa wi, “Anallota ddenndda kaambiiwa khanimukusalle buledi.”

Masalimo 89:27

Kineeromutthattusa mwanaka awaamba wi aakhwaranya mamwene mattheene a va ellapo yavatthi.

Masalimo 2:8

Ngakiveke woone, kineerotthattusa mitundu wi ddikhalle yoohallanaawo. Ellapo ettheene yavatthi enaakhalle yaawo.

Mateyu 21:34

Yakwakhwanilliiwa enthawi yootthukumaniha ezipaso ddampesooyo, ahaarumiha allupa muttekwaaye wa oollimaayo wi yaakhelle ezipaso dda m'matanimmo.

Luka 20:13

Nave mwaneena a ematooyo aallota wi, ‘Keere tini vano? Kineeromurumiha mwanaka ookondiwa apaalle yoollave eneeromuvaha olemu!’

Luka 20:15

Vano yaamuvokhella otte wa emateeyo emwiipha.” Yesu ahaakoha wi, “Vano mwaneena a ematoolle anaaweere tini wa oollimaalle?