Luka 2:41 - Mawu a Mulluku

⁴¹ Makhollwaaye a Yesu yaanaya o Yerusalemu muyakha ni muyakha o Ehakallallo ya Paska.

Luka 2:41 ပူးပေါင်းရင်းမြစ်များ

Deuteronomo 12:18

Nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ookhalla m'mizi ddanyu, mwacheke ddoovelleella ddittheddenenndda vamiitthoni va Apwiya Mullukwaanyu va nipuro nimodda nno Apwiya Mullukwaanyu enaatthoolliiwa. Wenkottho mwahakallalleke vamiitthoni va Apwiya Mullukwaanyu ekaamba ya mitteko ddanyu ddittheddene.

Yohane 2:13

Enthawi ya Ehakallallo ya Paska a Ayuda yahaatamella, sika Yesu aaya o Yerusalemu.

1 Samuele 1:21

Vano Elikana ni nibanja naye nittheene yaahokollweellawottho woovelleella mukutho. Aakusa emphaso eyo allupenlleeye ovelleella wa Apwiya.

1 Samuele 1:3

Elikana aanaya o Shilo ovenyera o etawoni yoowaniwa omodda vamuyakhani. Ayeellawo waallapella ni ovelleella mukutho wa Apwiya Amasiva Mattheene. O Shilonko waakhalla Hofini ni Finehasi, anamwani eelli a Eli ayo yaari allupa mukutho a Apwiya.

Deuteronomo 16:16

“Allopwana attheene a mutundwaanyu ewe wi yaallapelle Apwiya Mullukwaanyu o nipuro namallapello, oraru vamuyakhani. Ewe va enthawi ya Paska, Ehakallallo ya Ddoohata navettho va Ehakallallo ya Misasa. Nave ehiweeke vamiitthoni va Apwiya mattave

Deuteronomo 12:11

Sika Apwiya eneerotthoolla nipuro noollapellavo wi ekeraatthihevo nnddina niwa nave muneerekowaana wenko ddittheddene kuulamulalleemini monga mikutho ddanyu ddooshellelliha, mikutho ddanyu ddimodda, ddoovelleella ddanyu ddaneekhumi, ddoovelleella ddoohiwatiheriwa navettho ddoovelleella ddanyu ddoollupella.

Numeri 28:16

“Va nllapo na 14 misikuwa na mweeri wawaamba, tti nllapo na Paska a Apwiya.

Levitiko 23:5

“Va nllapo na 14 misikuwa na mweeri wawaamba, tti nllapo na Paska a Apwiya.

Eksodo 34:23

“Allopwana attheene yooneyelleke vamiitthoni va mi Apwiya Mulluku a Aisraele, oraru vamuyakhani.

Eksodo 12:14

Munuupuwelleke nllapo nenna mvo munaakhallekeenyu ni ehakallallo yookititimihana miyaano, Apwiya. Mibado ddanyu ddittheddene ddisungeke nllaponna wi nikhalle lamulo wa enthawi yoohimalla.”

Yohane 13:1

Vano Ehakallallo ya Paska ehinaphiye, Yesu aadduwella wi enthawaaye yoovenyera mu ellapo yavatthi ni oya wa Attiitthinnya yaaphiya. Ahaakonda oomuthwarellellaaye mu ellapo yavatthi nave aanaakonda ophiyera okhwa waye.

Yohane 11:55

Vano Ehakallallo ya Paska a Ayuda yahaatamella. Sika athu anchichi yaavenyera m'muzi oya o Yerusalemu Paskooyo ahinaphiye wi yeellihiwe.

Yohane 6:4

Nave enthawi ya Ehakallallo ya Paska a Ayuda yahaatamella.

Eksodo 12:11

Ocha wene mucheke muwarille mookhozekella olendo, esapato ddanyu ddiri omanyalloni, ekopo ddiri m'mattani. Mucheke mwawaakuviha. Nenna sika nllapo na Paska ookititimihana miyaano, Apwiya.

Luka 2:42

Yesu aariiye ni miyakha khumi ni miilli, aaya ni makhollwaaye o Ehakallallonko moollikana ni mmo yaddollweellelliiwa.