Luka 2:38 - Mawu a Mulluku

³⁸ Va enthawi yeeyo aayattho wa Mariya ni Yosefe, aamba omutitimiha Mulluku, allotakattho dda mwaanooyo wa attheene ayo yatiyera wi Mulluku amoopolle Yerusalemu.

Luka 2:38 ပူးပေါင်းရင်းမြစ်များ

Luka 2:25

Mallapo yaayo waakhalla mullopwana o Yerusalemunko nnddina naye Simiyoni. Aari muthu oolungama, oomwiiwellella Mulluku, atiyera enthawi yawi Mulluku aavulluse a Israele nave Munepa Waweella aari va olliyooyo.

2 Akorinto 9:15

Nimuthokoze Mulluku ekaamba ya emphaswaaye yoottikhiniha wunchichi.

Luka 24:21

Hiyaano natiyera wi tti olliyenooyo anaawoopolle Aisraele. Wawiddiidda, ollello tti nllapo naneeraru waambeella mvo ddeereyilliiwa ddenndda.

Luka 1:68

“Ootitimiheya tti Apwiya Mulluku a Aisraele! Oowa wi aakavihere athwaaye nave awoopolle.

Aefeso 1:3

Hankoni nimuthokoze Mulluku, Attiitthiiwa a Apwiihu Yesu Khrisitu! Vawi mu eyaattanweehu ni Khrisitu oonidalisa voonivahani ovenyera oddullu erive madaliso a Munepa.

Mariko 15:43

Vano Yosefe o Arimateya mmodda oodduwanyeya, a attekweene a millatu a Ayuda,* aaya moollipa murima wa Pilato wi amuveke mutembo wa Yesu. Yosefe nayeenettho aanatiyerella owa wa omwene wa Mulluku.

Luka 2:36

Namallotella aamutthiyana Anna aakhallattho mu enyumba ya Mulluku, aari, mwaana a Fanuwele, a mulloko wa Asheri. Nave aari awuulluvalla, aatthelliwa ari namwalli, wa miyakha mitthanu ni miillive koma mamune aakhwa.