Luka 2:37 - Mawu a Mulluku

³⁷ Vano aari ni miyakha 84. Khaavenyillemo mu enyumba ya Mulluku koma aanallapella mahiiyu ni otthaana, voohallani ocha ni ovekella.

Luka 2:37 ပူးပေါင်းရင်းမြစ်များ

1 Timoteo 5:5

Oyo ari naamukhwellekhwelle navettho khanna oomukavihera, akeraatthihe etiyerellwaaye mwa Mulluku navettho avirellelle ovekella otthaana ni mahiiyu wi amukavihere.

Mitteko 14:23

Va orive mpingo yahaatthoollavo attekweene nave ni mavekello owaakattho ohalla ocha* yahaavelleella wa Apwiya, ayo yaakhulupililiiwa.

Masalimo 23:6

Ddawoona, ddooreera ddanyu ni echikondaanyu yoohisintheya, ddinaakhalle ni miyaano okumaaka muttheene, kinaakhalleke mpa mwanyu wa enthawi yoohimalla.

Masalimo 27:4

Kinaveka ello emodda wa Apwiya, ello yoopaalleya wunchichi, yawi kikhalleke mu enyumba ya Apwiya, mallapo mattheene a okumaaka, wi kihakallalleke ni oreera murima wa Apwiya, wi kaallapelleke alliwa mu enyumbiiwa.

Mitteko 13:3

Vano yaahalla ocha, yaavekella, yahiiyaatthi mattiiwa va alliwaayo nave yaaruma.

Mitteko 26:7

Ddeko ddennddo malloko khumi ni meelli a athwaahu enatiyeriiwa wi yaakhelle, voomullapellani Mulluku otthaana ni mahiiyu, tti ddennddo kiniipiweemina mullatu ni Ayudaalla, mwene nyu!

Masalimo 22:2

Mullukwaaka kinnawiithanani orive otthaana koma khamunakaakhulla, kinnawinllellani orive mahiiyu koma nginoopiwa ephevo.

Yawuupullulla 7:15

Ella sika ekaambiiwa yiimenlliiwa vamiitthoni va mpando woomwene wa Mulluku nave enamurumeyella otthaana ni mahiiyu mu enyumbaaye. Oyo anakeraatthi vampandoni wa omwene aneerewaakhuneella ni muuthuuchaaye ni waawehera.

Yawuupullulla 3:12

Athu enaapambanaayo kineeroweeriha wi ekhalle apoto a mu enyumba ya Mullukwaaka nave khevenyamo. Kineerolemba va alliwaayo nnddina na Mullukwaaka ni nnddina na muzinda wa Mullukwaaka, Yerusalemu anaanweene, oyo anawa akitthe vatthi ovenyera oddullu wa Mullukwaaka. Kineerolembattho va alliwaayo nnddina naka nanaanweene.

Luka 5:33

Amodda yaallota wa Yesu wi, “Oohuddera a Yohane Oobatiza ennahalla ocha* wiilliwiilli ni ovekella wiilliwiilli, emoddamoddavettho ni oohuddera a Afarisi koma aanywaalla enimoona ocha ni owirya.”

Masalimo 84:10

Okhalla nllapo nimodda mu nipuro nanyu tti waphaama wunchichi okhwaranya okhalla mallapo manchichi orive weko. Ddeerokiddivella okhalla va mullako wa enyumba ya Mullukwaaka okhwaranya okhalla mpa mwa athu oonanara.

Masalimo 84:4

Oodala tti athu ayo enakhalla mpa mwanyu, eniipa machipo awuutitimihani enthawi ettheene.

1 Samuele 2:2

“Khaavo ari aweella ophwanaphwana ni Apwiya, khaavo mmodda koma alliwave, khaavo ari ooteteza wonanko Apwiya.

Eksodo 38:8

Nave aapanga nibeseni namukuwa noohapellamo ni yowiimeseravo yamukuwa. Aapangille ddenndda ni magalasi awiiweherana a atthiyana oorumeyella va mullako wa musasa wamutthukumano.

Masalimo 92:13

Tti wonanko miteekho ddawaalliwa mu enyumba ya Apwiya, ddoohakallalla m'mathatoni a Mullukwaahu.