Luka 2:13 - Mawu a Mulluku

¹³ Moorurumusa, waawa mulloko wa angelo woovenyera oddullu, emutitimihaka Mulluku ellotaka wi,

Luka 2:13 ပူးပေါင်းရင်းမြစ်များ

Yawuupullulla 5:11

Kahoonattho nave kahiiwa mawu a angelo anchichi yiimenlle moowaapheella mpando woomwene, ddoophatusiwa ddookumi ddisese ni attekweenaalle. Nave vaakhalla angelo anchichi ooheerengeya.

1 Mamwene 22:19

Vano Mikaya aallota wi, “Sika iwellellani mawu a Apwiya. Mi kaawoona Apwiya ekeraatthille va mpandwiiwa woomwene ni angelo attheene yiimenlle onnattanatta ni wuunyotthoni wiwa.”

Masalimo 148:2

Nyu angelwiiwa attheene, atitimiheni, nyu akhotwiiwa attheene ooddullu, atitimiheni!

Aheberi 1:14

Vano angelwaayo ttaani? Yaalla sika minepa ddinamurumeyella Mulluku nave Mulluku annaddiruma wi ddaakavihereke ayo enaavullusiwe.

Daniele 7:10

Muhinje wamunllo waakhuma oneeta vamiitthoni vaye. Mulloko wa athu anchichi waanamurumeyella nave mulloko mmodda wa athu ooheerengeya wahiimella vamiitthoni vaye. Sika nthato nahaamba weeruza mullatu nave mabukhu yaakhunuulliwa.

Luka 15:10

Sika, kinimuulleellani wi, emoddamoddave yeeyo angelo a Mulluku ennahakallalla kaambiiwa muthu oochimwa mmodda oorukunuwa murima.”

Yobu 38:7

Valle etheneeri ddoohinase ddiipiiwa vamodda nave anamwani aallopwana a Mulluku yakhuwiiwa moohakallalla?

Masalimo 68:17

Apwiya yaaphiya onipuroni niwa naweella ovenyera o Sinai, yaakhalla ni magareta manchichi amasiva.

Aefeso 3:10

wi va enthawi yeella, oweella mu mpingo, oolamulella ni masiva ooddullu edduwelle dda ezeru ddaye ddoohiyanahiyana.

Genesis 28:12

Muullohani ahoona makwelelo oovenyera vatthi ophiyera oddullu nave aawoonattho angelo ewellaka navettho ekitthaka vamakwelelonimvo.

Ezekiele 3:12

Vano Munepa a Mulluku waakitukhulla nave otulli waka kahiiwa mawu amasiva wonanko echivomerezi yuullupalli, oollota wi, ‘Niriiheye ntitimiho na Apwiya nko enakhalliiwa.’ ”

1 Petro 1:12

Mulluku ahuupullulla wa anamallotella yaalla wi muttekwiiwa khawaari wawi epindulevo weekhiiwa koma nyuwaano. Vawi yaallota dda ddeko ddennddo mwiiwalleenyu vano ovenyera wa murummwa ayo yavuwihalle othenga waphaama ni masiva a Munepa Waweella woorumihiwa ovenyera oddullu. Nndda tti ddeko ddawi naari angelo yaapaalla wiiwesesa.

Luka 2:12

Echizindikirweene tti ella, muneeromuphwanya kantchewa ahuruwelliwe ni ekuwo nave akonaatthihiwe moochella enama.”

Luka 2:14

“Ntitimiho nikhalle wa Mulluku Muullupalli, nave murendelle okhalle va athu ayo anahakallalleeyena vatthimva!”

1 Timoteo 3:16

Ndithu, ella tti yoovittheya yawoona yuullupalli ya echikhulupililwaahu yawi, “Yooyo ahuupullulliwa mu mwiilli wa muthu, Munepa aamweerella omboni wi olliye tti awoona. Nave ahooniwa ni angelo. Aallalleyiwa mwa athu a mitundu ddittheddene, aakhulupililiwa mu ellapo yavatthi ettheene, nave aawellihiwa oddullu mu ntitimiho.”