Luka 2:10 - Mawu a Mulluku

¹⁰ Koma mungelooyo aallota wi, “Muhoove! Vawi kiwiille wi kuulleelleni othenga waphaama, oyo onaahakallallihe athu attheene a mu ellapwaanyu.

Luka 2:10 ပူးပေါင်းရင်းမြစ်များ

Yesaya 40:9

We oollalleya othenga waphaama o Yerusalemu, wella va mwaango woorekama. We oollalleya othenga waphaama o Ziyoni, khuwa mwamasiva. Welliha mawu, ohoove, olleelle mizinda dda o Yuda wi, “Olla sika Mullukwaanyu!”

Yesaya 61:1

Munepa wa Apwiya Mulluku ari va miyaano ekaamba yawi Apwiya aakizoza. Aakirumiha wi killalleye othenga waphaama wa oohoowa wi kaallipihe ootathilla murima, kallalleye ottaphulliwa wa akaporo, navettho ottaphulliwa wa oomakeya.

Yesaya 52:7

Tti woohakallalliha owa wa oollalleya othenga waphaama, voomoonani eetaka m'miyaangoni, allalleyaka dda murendelle, awaakana epilli yaphaama, allalleyaka ovullusa, aalleellaka athu a o Ziyoni wi, “Mullukwaanyu tti mwene!”

Mateyu 28:18

Yesu aaphiya vakhuviru allota wi, “Attiitthaaka aakivaha olamulello muttheene wa oddullu ni wa vatthimva.

Genesis 12:3

Kineerewaadalisa attheene enuudalisa weyaano, koma kineeromutembelela arive muthu anuutembelela weyaano. Oweella mwa weyaano mitundu ddittheddene dda va ellapo yavatthi ddineerodalisiwa.”

Mateyu 14:27

Enthawi yeeyo Yesu aallota wa alliwaayo wi, “Llipani murima! Tti miyaano, muhoove.”

Luka 1:30

Mungelooyo aallota wi, “Ohoove, Mariya, Mulluku ooweerella echifundo.

Yesaya 41:27

Mi Apwiya sika kaambille omulleella Ziyoni wi, ‘Athwaawo enimawa! Enimawa owaani!’ Miyaano sika kamurumihalle oollalleya othenga waphaama o Yerusalemu.

Akolose 1:23

Koma munaphwanella muvirellelle okhulupilila va matthipello oollipa awoona nave muhitikheyeke va otiyera wanyu mwaakhenlleenyu mwiiwalle othenga waphaama. Miyaano Paulo kaakhalla oorumeyella a othenga waphaama yoolla oyo ollalleyiwe wa arive muthu va ellapo yavatthi.

Mitteko 13:32

Nave noollalleya othenga waphaama wa nyuwaano, oyo Mulluku alonjezilleeye khalle wa makhollwaahu wi aneereweera.

Luka 24:47

Nave mu nnddina naye ollalleyiwe othenga woorukunusa murima ni okhululukiwa wa machimo wa athu attheene, waambeella mu Yerusalemu.

Luka 8:1

Vatulli viwa Yesu aheetella mu matawoni ni m'mizi, allalleyaka othenga waphaama wa omwene wa Mulluku. Oohudderaaye khumi ni eelli yaamuthwara,

Aefeso 3:8

Mi tti mung'onong'ono wunchichi waakhwaranya athu attheene a Mulluku. Naari ddiri ddiiddo, Mulluku aakivaha mutteko yoolla wi killalleye wa athu ayo ehiri Ayuda othenga waphaama wa dda waata wa eyuuma ya Khrisitu,

Luka 1:19

Mungelooyo ahaakhulla wi, “Mi tti Gaburiyele, oorumeyella a Mulluku, oyo akirumalle wi kuulleelle othenga waphaamoolla.

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Luka 1:13

Koma mungelooyo aallota wi, “Zakariya, ohoove! Mulluku ohiiwa nivekello nawo sika mwaariyo, Elizabeti, aneerewuuyarella mwaana aamullopwana nave oneeromuvaha nnddina nawi Yohane.

Mariko 1:15

Olliye aallota wi, “Enthawi yookwakhwanihiwa nave omwene wa Mulluku wohaatamella. Rukunuwani murima nave mukhulupilile othenga waphaama!”

Yesaya 49:6

Apwiya enallota wi, “Tti ello yoovevuwa wi okhalle oorumeyellaaka, wi waavenyihe malloko a Yakobo, waahokollosella owaniwa Aisraele oohalla. Kineeroweerani wi mukhalle owala wa mitundu ddimodda dda athu, wi ovullusa waka ophiye o makomello a ellapo yavatthi.”

Aroma 10:15

Nave othengooyo onaallalleyiwe mwawiidde athu ehirumiwe? Mawu a Mulluku eni, “Tti woohakallalliha owa wa oollalleya othenga waphaama”

Mariko 16:15

Nave allota wi, “Khaweni o ellapo yavatthi ettheene, mwallalleye othenga waphaama wa athu attheene.

Mateyu 28:5

Mungeloolle aallota ni atthiyanaalle wi, “Muhoove vawi kinnadduwella wi munamwaasha Yesu oyo aatthomeyiwe vamutandani.

Daniele 10:19

Aallota wi, “We ookondiwesesa, ohoove. Murendelle okhalle ni weyaano. Khalla amasiva nave llipa murima.” Allotilleeye ddenndda, kaaphwanya masiva nave kaallota wi, “Apwiyaaka, llotani vawi mookillipiha.”

Yesaya 52:10

Apwiya aaphariha mutteko masiviiwa aweella vamiitthoni va mitundu dda athu ddittheddene. Ellapo ettheene yavatthi ophiya o makomello wiwa eneerewoona ovullusa wa Mullukwaahu.

Luka 2:11

Ollello vaava mu etawoni ya Davide, oovullusaanyu ooyariwa, nnddina naye Khrisitu Apwiya!