Luka 19:47 - Mawu a Mulluku

⁴⁷ Nllapo ni nllapo Yesu aanahuddiha mu enyumba ya Mulluku. Nave allupa mukutho uullupalli, ahuddihi a malamulo* ni attekweene a Ayuda* yaanaashaasha ettilla yoomwiiphella.

Luka 19:47 ပူးပေါင်းရင်းမြစ်များ

Mariko 11:18

Allupa mukutho uullupalli ni ahuddihi a malamulo* yiiwalliiwa yeella, yahaamba waashaasha ettilla yawi emwiiphelle Yesu. Yaanamoova kaambiiwa athu attheenaayo yaattikhina wunchichi ni ehuddihwaaye.

Mateyu 26:55

Enthawi yeeyo Yesu aallota wa mullokoolle wi, “Muphiyalle ni masupada ni ekoonda wi mukimake, ethiyo miyaano tti echigawenga? Nllapo ni nllapo kaanakhalla mu enyumba ya Mulluku kihuddihaka koma khamwaakimakille.

Yohane 18:20

Yesu ahaakhulla wi, “Mi kaanallota moohikhuwa wa arive muthu. Kaanaahuddiha wiilliwiilli ddittheddene mu enyumba ddamavekello* ni mu enyumba ya Mulluku nko watthukumana Ayuda attheene. Ngaallotillevo erive ello mookhuwa.

Yohane 10:39

Yaapaallattho omphara olliye koma ahaathawa.

Yohane 7:44

Amodda mwa yaayo yapaalla omuphara koma khaavo oyo aworille weera ello va olliye.

Yohane 7:19

Mose ahuuvahani malamulo, khe ddiiddo? Koma khaavo a nyuwaano anathwara malamulwaalla. Muneeseesella tini okiipha?”

Mariko 14:1

Vahanlle mallapo meelli wi niphiye nllapo na Paska ni Ehakallallo ya Buledi Oohikhalla ni Yisiti. Allupa mukutho uullupalli ni ahuddihi a malamulo* yahaashaasha ekaamba yoom'makella ni omwiiphella Yesu moowiipittheya.

Mariko 12:12

Attekweene a Ayuda* yaapaalla wi emmake Yesu kaambiiwa yaadduwella wi ahaalleella niphwanaphwaniho nowaavaanyiha. Koma yawoova athwaayo, sika yaamuhiya evenyavo.

Mateyu 21:23

Yesu aahokollweella mu enyumba ya Mulluku nave ahuddiheeye allupa mukutho uullupalli ni attekweene yaamuweella emukoha wi, “Muneera ddenndda ni olamulello woovenyera wuuwi? Uuvahilleni olamulello yoolla ttaani?”

Mariko 14:49

Nllapo ni nllapo kakhalla ni nyuwaano mu enyumba ya Mulluku ohuddiha koma khamwaakimakille. Koma nndda ddineereya wi mawu a Mulluku ekwakhwanihiwe.”

Luka 19:48

Koma kheyaaphwanyille ettilla yoomwiiphella kaambiiwa athu attheene yamwiiwenlle yahaakonda mawaaye wunchichi sika kheyaapaalla ohiyanana.

Luka 20:19

Ahuddihi a malamulo ni allupa mukutho uullupalli enthawi yeeyo yaapaalla wi emmake Yesu kaambiiwa yaadduwella wi ahaalleella niphwanaphwaniho nowaavaanyiha. Koma yawoova athwaayo.