Luka 19:38 - Mawu a Mulluku

³⁸ “Oodalisiwa Mwene oyo anawa mu nnddina na Apwiya! Murendelle oddullu nave ntitimiho wa Mulluku!”

Luka 19:38 ပူးပေါင်းရင်းမြစ်များ

Luka 13:35

Vano muzindaanyu oneerohiyiwa moohikhalla ello. Kinimuulleellani wi waambeella vano ophiyera muhoollo khamuwa mukoonattho, ophiyera muneerollota wi, ‘Oodalisiwa tti oyo anawa mu nnddina na Apwiya.’ ”

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Mateyu 21:9

Athu yeeta vahoollo va Yesu ni vatulli vaye yaakhuwa wi, “Ntitimiho nikhalle wa Edduullu ya Davide! Oodalisiwa oyo anawa mu nnddina na Apwiya. Ntitimiho nikhalle wa Mulluku.”

1 Petro 1:12

Mulluku ahuupullulla wa anamallotella yaalla wi muttekwiiwa khawaari wawi epindulevo weekhiiwa koma nyuwaano. Vawi yaallota dda ddeko ddennddo mwiiwalleenyu vano ovenyera wa murummwa ayo yavuwihalle othenga waphaama ni masiva a Munepa Waweella woorumihiwa ovenyera oddullu. Nndda tti ddeko ddawi naari angelo yaapaalla wiiwesesa.

1 Timoteo 1:17

Wa Mwene oohimalla, oohikhwa ni oohooneya oyo ari Mulluku yeekhaaye, okhalle oriiheya ni ntitimiho wa enthawi yoohimalla! Amen.

Aefeso 1:12

Sika eerille ddiidda wi hiyaano naari awaamba otiyerella mwa Khrisitu, nitetheella nave nititimihe ottekweene wa Mulluku!

Mateyu 25:34

Vano miyaano, mwene, kineerollota wa ayo a o nnattanatta wi, ‘Waani wuno nyu athu oodalisiwa ni Attiitthaaka! Waani mwaakhelle omwene oyo mwaakhozelliweenyu waambeella voophatuwani va ellapo yavatthi.

Aefeso 1:6

Mulluku aheera ddenndda wi nititimihe echisomwaaye yoovahiwa wa hiyaano oweella mwa mwanaye ookondiwa.

Aroma 5:1

Vawi vano Mulluku aanilungamiha kaambiiwa ninnamukhulupilila, nookhalla vamurendelleni ni Mulluku oweella mwa Apwiihu Yesu Khrisitu.

Akolose 1:20

Oweella mwa Mwaanooyo, Mulluku aheeriha ddeko ddittheddene wi ddaattanihiwe ni olliye. Mulluku aawaana murendelle oweella mu nikhame na Mwanaye vamutandani wi ddeko ddittheddene ddaattanihiwe ni olliye, vatthimva ni oddullu wene.

Aefeso 3:21

wa olliye okhalle ntitimiho mu mpingo ni mwa Khrisitu Yesu enthawi ddittheddene, ophiyera enthawi ddoohimalla. Amen.

Aefeso 3:10

wi va enthawi yeella, oweella mu mpingo, oolamulella ni masiva ooddullu edduwelle dda ezeru ddaye ddoohiyanahiyana.

Mateyu 2:2

Vano yaakoha wi, “Ari wuuwi mwaanooyo ayariwe wi akhalle mwene a Ayuda? Hiyaano noonille etheneeri yoodduwelliha oyariwa waye ekhumalle wookhuma nndduwa, vano noowa wi nimullapelle.”

Mateyu 25:40

“Mi, mwene, kineerewaakhulla wi, ‘Ddawoona, kinimuulleellani wi kaambiiwa mwaamweerella mmodda a aakhwaaka naari ang'onong'onwaalla, mwaakeerella yeeyo miyaano.’