Luka 19:26 - Mawu a Mulluku

²⁶ Ahaakhulla wi, ‘Kinimuulleellani wi attheene erina ello, eneerewaanjereriwa ddimodda koma ayo ehinna ello naari ddooyeva eriiwanannddo eneerewaakhiwa.

Luka 19:26 ပူးပေါင်းရင်းမြစ်များ

2 Yohane 1:8

Vano muchenjere wi muhitathille eyo napharelleehu mutteko sika wi muneerothuviwa wamututha.

Luka 8:18

“Vano chenjerani ni mmo muniiwellaanyu mawu vawi muthu arina ello aneerovahiwa yawaanjerera. Koma muthu oyo ahinna ello aneerewaakhiwa naari eng'onong'ono eyo anaganizeeye wi ookhallana.”

Mateyu 21:43

Yesu ahaanjerera ollota wi, “Sika kinimuulleellani wi, omwene wa Mulluku oneerewaakhiwa wa nyuwaano nave oneerovahiwa wa athu amodda ayo eniimma ezipaso ddaphaama vaweerani echilungamo.”

Mateyu 13:12

Vawi muthu arina odduwella aneerovahiwa wawaanjerera sika aneerokhalla ni wawaata. Koma muthu oyo ahinna odduwella aneerewaakhiwa naari ong'onong'ono ariiyena.

Mariko 4:25

Vawi muthu arina ello aneerewaanjereriwa. Koma muthu oyo ahinna ello aneerewaakhiwa naari eng'onong'ono ariiyena.”

Yawuupullulla 2:3

Munnavillella, moohoowa ekaamba ya miyaano koma khamukihiyalle.

1 Samuele 15:28

Samuele aamulleella wi, “Apwiya ahaahulla omwene wa Aisraele ovenyera wa nyuwaano ollello ewuuvelleella wa mukhwiinyu aphaama wuukhwaranyani nyuwaano.

1 Samuele 2:30

Miyaano kiri Apwiya Mulluku a Aisraele. Kaalonjeza wi nibanja nawo ninaakhalleke allupa mukutho woohimalla. Koma vano kinallota wi ddennddo ddoomalla. Kinaavaha olemu ayo enakititimiha koma kinnaatembelela ayo enakivevulla.

Yawuupullulla 3:11

Koma ophiyera kiwiille, nyuwaano munaphwanella muphare moollipiha eyo muriinyuna wi ahikhallevo mmodda anawaakheni emphaswaanyu.

Luka 16:3

Mullupa muttekoolle aallota m'murimani mwaye wi, ‘Apwiyaaka eneerokichosa mutteko. Kineere tini? Ngiwora ollima nave oveka onnakiwulliha muru.

2 Samuele 7:15

Koma ngivenyiha echikondaaka yoohisintheya wa olliye wonanko kamuvenyihelleemi Saulo oyo kamukhootilleemi wi weyaano okhalle mwene.

Mitteko 1:20

“Vawi moolembiwa mu nibukhu na Masalimo wi, ‘Enyumbaaye etthaamiwe, nave muhikhalle muthu oyo anaakhallekemo.’ Moolembiwattho wi, ‘Muthu mmodda akuse muttekwaaye.’

Masalimo 109:8

Mallapwaaye ekhalle aweerengeya, mmodda akuse muttekwaaye.

Luka 19:25

Nave yaamulleella wi, ‘Apwiya ookhallana khalle makobiri khumi!’