Luka 19:17 - Mawu a Mulluku

¹⁷ Mwenoolle aallota wi, ‘Woheera phaama, we mullupa mutteko aphaama! Kaambiiwa waaroromelleya va ddeko dding'onong'ono, oneerokolamulella mizinda khumi.’

Luka 19:17 ပူးပေါင်းရင်းမြစ်များ

Luka 16:10

Athu attheene enaroromelleya va ddeko ddooyeva ennaroromelleya va ddeko ddawaata navettho ayo ehinaroromelleya va ddeko ddooyeva khenaroromelleya va ddeko ddawaata.

Mateyu 25:21

Apwinnyaalle yaallota wi, ‘Woheera phaama, we mullupa mutteko aphaama ni oororomelleya. Waaroromelleya va ddeko dding'onong'ono, sika kineerewuutthoolla wi owehereke ddeko ddaka ddittheddene. Waawo ohakallalle ni miyaano, apwiiyo!’

1 Petro 1:7

Ddoolinga ddiwa tti ddawi ddisimikize wi echikhulupilwaanyu tti yawoona. Naari golide, oyo anaworeya woonongeya, anneesiwa ni munllo. Nave vano echikhulupilwaanyu eyo eri yoowallamella wunchichi omukhwaranya golide, enaphwanellattho weesiwa wi evillelle. Sika muneerewaakhella ntitimiho va nllapo nawuupullulliwa Yesu Khrisitu.

1 Samuele 2:30

Miyaano kiri Apwiya Mulluku a Aisraele. Kaalonjeza wi nibanja nawo ninaakhalleke allupa mukutho woohimalla. Koma vano kinallota wi ddennddo ddoomalla. Kinaavaha olemu ayo enakititimiha koma kinnaatembelela ayo enakivevulla.

1 Akorinto 4:5

Sika muhimweeruze arive muthu enthawi yoophwanella ehinakwakhwane, owa wa Apwiya. Eneerewooniha ddawiipittheya dda mwiipiphini nave eneerewuupullulla maganizo a athu. Nave attheene eneerewaakhella ntitimiho naye na wa Mulluku.

Genesis 39:4

Sika Potifara aahakallalla ni Yosefe. Nave aamutthattusa kaporwaaye navettho oowehera ddittheddene dda mpammo.

1 Petro 5:4

Nave mbusa muullupalli ooneya, muneerewaakhella emphaso yantitimiho yoohinyaalla.

2 Timoteo 2:10

sika kinnavillella ddittheddene ekaamba ya athu ootthoolliwa a Mulluku wi naalliwattho yaphwanye ovullusiwa onaweella mwa Khrisitu Yesu vamodda ni waakhella ntitimiho naye noohimalla.

Aroma 2:29

Koma Muyuda awoona tti muthu oyo ari Muyuda muwari, oophaddiwa m'murimani mwaye. Nave ella eneereya ni Munepa a Mulluku, ohiri ni malamulo oolembiwa. Muthu yooyo annatetheelliwa ni Mulluku, ohiri ni athu.

Luka 22:30

Vano muneerocha ni owirya ni miyaano mu omwenaaka nave muneerokeraatthi vampandoni woomwene wi muweeruze malloko khumi ni meelli a Israele.

Miyambo 27:18

Oyo anawehera muteekho wanamukuyu aneerocha ezipaso ddiwa. Oyo anaapwatha apwinnya aneerovahiwa olemu.

Luka 19:16

Awaamboolle aawa allota wi, ‘Apwiya, koopindulavo makobiri khumi va nikobiri mwakinnyalleenyunne.’

Luka 19:18

Mullupa mutteko aneepiilli aawattho allota wi, ‘Apwiya, koopindulavo makobiri matthanu va nimodda mwakinnyalleenyunne.’