Luka 19:13 - Mawu a Mulluku

¹³ Ahinatimulle, aawiithana allupa muttekwaaye khumi, amuvaha arive muthu nikobiri nimodda aalleella wi, ‘Mweetellekena malonda ophiyera kiweewo.’

Luka 19:13 ပူးပေါင်းရင်းမြစ်များ

Yohane 12:26

Muthu aakirumeyellaka miyaano, akithware miyaano vawi wenko kinaakhalleemi oorumeyellaaka anaakhallettho wenko. Nave Attiitthaaka eneeromuriiha oyo anakirumeyella.

2 Petro 1:1

Ovenyera wa miyaano Simoni Petro, mullupa mutteko ni murummwa a Yesu Khrisitu. Kinalembella wa ayo evahiwe echikhulupililo yoowallamella ophwanaphwana ni yaahu oweella mu echilungamo ya Mullukwaahu ni Oovullusa Yesu Khrisitu.

Yakobo 1:1

Ovenyera wa miyaano Yakobo, oorumeyella a Mulluku ni a Apwiya Yesu Khrisitu. Kinaavaha mooni athu a Mulluku a malloko khumi ni meelli yaayo yapallalleyelle va ellapo yavatthi ettheene.

Agalatiya 1:10

Ethiyo voollotani ddenndda, kinapaalla wi athu ekaakhullelle? Khe ddiiddo! Eyo kinapaalleemi tti waakhullella wa Mulluku! Ethiyo kinapaalla waahakallalliha athu? Kakhanlleke awaahakallalliha athu ngaakhalle oorumeyella a Khrisitu.

Mateyu 25:16

Mullupa mutteko aakhenlle makobiri matthanoolle aaya eetellana malonda, aapindulavo makobiri matthanu mamodda.

Mateyu 25:20

Mullupa mutteko aakhenlle makobiri matthanoolle aawaanattho makobiri matthanu mamodda allota wi, ‘Apwiya, mwaakivaha makobiri matthanu. Ngoonani, koopindulavo makobiri matthanu mamodda.’

Mateyu 25:22

“Vano mullupa mutteko aakhenlle makobiri meelli aawa allota wi, ‘Apwiya, mwaakivaha makobiri meelli. Ngoonani, koopindulavo mamodda meelli.’

Mateyu 25:24

“Vano mullupa mutteko aakhenlle nikobiri nimodda, aawa allota wi, ‘Apwiya, kahuudduwellani wi nyuwaano tti muthu awumma murima, oohata mvo muhaallilleenyuvo ni ootthukumaniha mvo muhimiddalleenyuvo.

Luka 19:12

Yesu aallota wi, “Waakhalla muthu a mu nibanja noovuwa oyo apaalla oya o ellapo yawoorekama wi awarihiwe omwene. Nave apaallattho wi ahokollweelle owaniwa awarihiwa.

Luka 19:14

Vano athu oowaniwaalle yaanamwiita nave atimullalleeye athwaayo yaamuruma oorumiwa wi allote wi, ‘Hiyaano khaninapaalla wi muthu yoolla akhalle mwenaahu.’