Luka 18:43 - Mawu a Mulluku

⁴³ Enthawi yeeyo ahoona nave ahaamba omuthwara Yesu amutitimihaka Mulluku. Nave athu attheene yoonille ddenndda, yaamutitimihattho Mulluku.

Luka 18:43 ပူးပေါင်းရင်းမြစ်များ

Masalimo 146:8

ennahulla miittho a athu oohoona. Apwiya ennaawelliha athu ookitthihiwa, ennaakonda oolungama.

Agalatiya 1:24

Nave yaamutitimiha Mulluku ekaamba ya miyaano.

Mitteko 26:18

Onaphwanella wi oweerihe wi yooneke wi erukunuwe ovenyera wiipiphini ephiye mu owala navettho ovenyera mu masiva a Satana ophiyera mu masiva a Mulluku. Sika mwa echikhulupililwiiwa eneerokhululukelliwa machimo ni waakhella nipuro niwa variyari va athu a Mulluku.’

Mitteko 11:18

Yiiwalliiwa yeella, yaahiya omuhumullulla wulle nave yaamutitimiha Mulluku, ellota wi, “Vano Mulluku ohaavaha athu ayo ehiri Ayuda ekari yawi ehiye machimo nave ekhalle ni okumi woohimalla!”

Mitteko 4:21

Vano a va nthato na millatwaayo yaawoopopiha ohiyana ni vawaamba valle nave yahaattaphulla wi eroweke. Vawi kheyaadduwella wi enaallake mwawiidde kaambiiwa athu attheene yaanamutitimiha Mulluku va ddeko ddeereyillennddo.

Luka 13:17

Waakhulla wonngu wahaawulliha muru adanaaye attheene koma athu amodda attheene yaahakallalla ni ddeko ddittheddene ddoottikhiniha eerilleeye.

Luka 5:26

Attheenaayo yaattikhina nave yamutitimiha Mulluku. Moomoova yaallota wi, “Nohoona ddoottikhiniha ollello!”

Luka 4:39

Aaya iimella vakhuviru ni mutthiyanooyo nave aalamula oviha mwiillinko wi omuhiye. Nave aachirihiwa. Enthawi yeeyo aavenya aamba waarumeyella ni ddoocha.

Mateyu 21:14

Vano athu oohoona ni ookhwa meto yaawa wa olliyooyo mu enyumba ya Mullukweeyo nave olliyooyo ahaachiriha.

Mateyu 11:5

Oohoona ennoona, ooheeta enneeta, athu amakate enneellihiwa, oohiiwa enniiwa, ookhwa ennavenyihiwa navettho othenga waphaama onnallalleyiwa wa athu oohoowa.

Mateyu 9:8

Athu yoonilliiwa yeella, yahoova wunchichi emutitimiha Mulluku, ekaamba yowaavaha athu olamulello yoolla.

Yesaya 43:21

Yaayo tti athu kiiphatuselleemi, ekiipelleke machipo ookititimiha.”

Yesaya 42:16

“Kineerewaahoollella oohoona m'misewuni ehiddidduwenlliiwa, kineerewaavelleella va ettilla nnddo ehinavirekiiwa. Kineerotthattusa epiphi eri vahoollo viwa wi ekhalle owala, kineeromwaramwara phaama nipuro nookateyakateya. Nndda sika kinaaweerelleemi, ngaakhoota alliwa.

Yesaya 35:5

Vaavo miittho a oohoona eneere woona, maaru a oohiiwa eneerohulleya.

Masalimo 107:15

Yaathokoze Apwiya ekaamba ya echikondiiwa yoohisintheya, ekaamba ya ddoottikhiniha ddiwa wa athu attheene.

Masalimo 107:8

Yaathokoze Apwiya ekaamba ya echikondiiwa yoohisintheya ekaamba ya ddoottikhiniha ddiwa wa athu attheene.

Masalimo 30:2

Apwiya Mullukwaaka, kahinlla wi mukikavihere nave mwaakichiriha.

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

Luka 19:37

Aatamenlleeye o Yerusalemu, voosesereya va mwaango wa Olivi, mulloko muullupalli wa oohudderaaye yaamutitimiha Mulluku moohakallalla ni mawu oowella ekaamba ya ddeko ddoottikhiniha yoonilliiwa wi,

Luka 9:43

Athu attheene yaattikhina ni masiva muullupalli a Mulluku. Athu ettikhinaka ni ddeko ddittheddene Yesu addeereeyennddo, Yesu ahaalleella oohudderaaye wi,