Luka 18:32 - Mawu a Mulluku

³² Kineerovelleelliwa wa athu ayo ehiri Ayuda, eneerokeerella epewe, eneerokuukutha nave eneerokittaphera mare.

Luka 18:32 ပူးပေါင်းရင်းမြစ်များ

Luka 23:11

Vano Herode ni akhotwaaye yaamweerella ni omullotella epewe Yesu. Yaamuwariha mukanjo woomwene, emuhokollosella wa Pilato.

Yesaya 53:3

Olliye aavevulliwa ni aakhootiwa ni athu, muthu addoovoreya, ooddollweella ddoowaawa. Aanyaambusiwa wonanko owiipitthihelliwa ekhove ni athu, hiyaano khenaamweesille wonanko muthumuthu.

Yesaya 50:6

Kaavelleella mutthanaaka wa ookuukutha, maramaaka wa ookitulla ereru. Ngaawiipitthihelle ekhove ookivevulla ni ookittaphera mare.

Mitteko 3:13

Mulluku a Abrahamu, Mulluku a Isaki ni Mulluku a Yakobo, Mulluku a makhollwaahu, aamutitimiha Oorumeyellaaye, Yesu, voomuchirihani muthoolla. Koma Yesu yoolla mwaamuvelleella wa oolamulella navettho mwaamukhoota vamiitthoni va Pilato naari Pilato apaallille wi amuttaphulle.

Mariko 14:65

Nave amodda yahaamba omuttaphera mare Yesu, emukhuneella owiitthoni waye emuukutha, ellota wi, “Llotella awuukuthalle ttaani?” Nave oowehera yaamukusa emuukuthattho.

Mateyu 26:67

Vano yaamuttaphera mare owiitthoni waye ni omuukutha. Nave amodda yamoopille makofi

Mateyu 16:21

Waambeella enthawi yeeyo oya muhoollo Yesu ahaamba waalleella oohudderaaye wi tti woophwanella wi olliyooyo aye o Yerusalemu wi ahoosiwe wunchichi ni attekweene a Ayuda,* allupa mukutho uullupalli ni ahuddihi a malamulo* nave aneerewiiphiwa koma vavira mallapo mararu aneerovenyihiwa wa ookhwa.

Mika 5:1

Nyu a o Yerusalemu, vano atthukumaniheni akhotwaanyu. Nohaapheelliwa! Eneeromuukutha ni ekopo oolamulella a Israele vanramani.

Yesaya 52:14

Anchichi voomoonani eneerorurumuwa ekaamba yawi ekhovaaye yaari enyenyeyille, vawi khaakhallattho wonanko muthu, mooneyellwaaye kheyaarittho wonanko a muthu.

Mitteko 2:23

Yesu yoolla aavelleelliwa moollikana ni opaalla wa Mulluku vawi aadduwella khalle wi mwaamutthomeya vamutandani nave mumwiipha voomuvelleellani wa athu oonanara.

Yohane 18:35

Pilato ahaakhulla wi, “Mi tti Muyuda? Mutundwaanyu ni allupa mukutho uullupalli sika yuuvelleelleni wa miyaano. Ethiyo mwenre tini?”

Yohane 18:30

Yaamwaakhulla wi, “Ahaariki ni mullatu khanaamuvelleelle wa nyuwaano.”

Yohane 18:22

Yesu aallotilleeye ella, mmodda a akhoto oyo amwaatamenlle aamuukutha, allota wi, “Onamwaakhulla mullupa mukutho muullupalli mwawi ddiidda?”

Luka 23:35

Athu yahiimella enoonella nave attekweene a Ayuda yamullotelliiwa epewe wi, “Aanaavullusa amodda, muhiyeni iivulluse yeekha, aari Mesiya ootthoolliwa ni Mulluku!”

Luka 23:1

Athu attheene a vanthatoni namillatu waatimulla omukusalle Yesu oyaana wa Pilato,

Mateyu 27:2

Yaammaka emukusa, emuvelleella wa Pilato, oolamulella a o Roma.

Yohane 18:28

Vano osaka wene ohinase Ayuda yaamukusa Yesu ovenyera wa Kayafa emuyaana o nthato namillatu na Aroma. Ayuda kheyaavollowillemo munthatonimmo wi ehiripihiwe kaambiiwa yapaalla wi yachena yoocha ya Paska

Mariko 15:1

Osaka wene ohinase allupa mukutho uullupalli, attekweene a Ayuda,* ahuddihi a malamulo* ni attekweene a millatu attheene yaakumana wi yiiwanane yaweera. Yaammaka Yesu ni onyolo, emukusa, emuvelleella wa Pilato, oolamulella a o Roma.

Mateyu 20:19

Vano eneerokivelleella wa athu ayo ehiri Ayuda, yaayo eneerokillotella epewe, ekiwashulle, ekitthomeye vamutandani koma vavira mallapo mararu kineerovenyihiwa wa ookhwa.”

Mateyu 22:6

Amoddaalle yahaaphara allupa muttekwaalle ewuukutha nave ewiipha.

Luka 18:33

Eneerokiwashulla nave eneerokiipha koma vavira mallapo mararu kineerovenya wa ookhwa.”

Yohane 18:32

Ella yaheereya wi mawu a Yesu oollota dda mmo anaakhwelleeye ekwakhwanelle.