Luka 18:3 - Mawu a Mulluku

³ Mwaakhallattho naamukhwelle mu etawoni yeeyo oyo aweesa wa aweeruzoolle amuvekaka wi, ‘Mukeeruzelle mullatwaaka wi okeetelle phaama ohiyana ni mudanaaka.’

Luka 18:3 ပူးပေါင်းရင်းမြစ်များ

Yesaya 1:17

nave hudderani weera ddaphaama. Ashaashani echilungamo, akavihereni oopaniwa, atetezeni akhwaadduni ni owiimellella vamullatuni anaamukhwelle.”

Deuteronomo 27:19

“ ‘Atembeleliwe arive muthu aweeruza moohilungama alleto, akhwaadduni ni anaamukhwelle.’ “Nave athu attheene yaakhulle wi, ‘Amen!’

Yeremiya 5:28

Yooneneva nave miilli ddiwa tti ddoosalala. Ennavirellella weera mitteko ddiwa ddoonanara, kheneeruza mweechilungamo millatu dda akhwaadduni ni oohoowa wi ddeete phaama.

Yobu 29:13

Muthu oyo aari vakhuviru okhwa aakidalisa, naamukhwelle kaanamwiipiha moohakallalla.

Yobu 22:9

Anaamukhwelle waawiikara mattave, akhwaadduni wahaanyingallella.

Mateyu 5:25

“Muthu uukusella vanthatoni namillatu amba weeseesa waattana ni oyo uusumenlle mwawaakuva. Waaheera ddiiddo aneerewuuvelleella wa aweeruza nave ooweeruzooyo aneerewuuvelleella wa akhoto wi akhotooyo uuhiye mundende.

Luka 18:2

Ahaalleella wi, “Mu etawoni emodda mwaakhalla muthu aweeruza millatu oyo ahimoova Mulluku naari opwatha dda muthu.

Luka 18:4

Vaavira mallapo manchichi oweeruzoolle amukhootellaka koma omamallihello wene aallota yeekha m'murimani mwaye wi, ‘Naari nginamoova Mulluku apaalle opwatha dda athu,

Luka 18:5

kineeromweeruzella mullatwaaye vawi naamukhwelloolla animakihoosa. Kaaheera ddiiddo aneerekowaave nave aneerokitopiha!’ ”