Luka 18:16 - Mawu a Mulluku

¹⁶ Koma Yesu aawiithana anamwanaayo allota wa oohudderaayo wi, “Ahiyeni anamwanaayo ewe wa miyaano, muhaahiihe kaambiiwa omwene wa Mulluku tti wa athu ookhalla wonanko anamwanaalla.

Luka 18:16 ပူးပေါင်းရင်းမြစ်များ

1 Akorinto 14:20

Asinnaka ni arokoraka, muhinaganizaka wonanko anamwani. Mukhalleke wonanko anamwani ehinadduwella ello va yoonanara nave mukhalleke oowaraalla m'maganizoni mwanyu.

1 Akorinto 7:14

Vawi mullopwana oyo ahiri ookhulupilila annaakhullelliwa wa Mulluku voopataanani ni mwaariye nave mutthiyana oyo ahiri ookhulupilila annaakhullelliwa wa Mulluku voopataanani ni mamune. Waahikhanlleke ddiidda, aniiwa yaaweerokhalla wonanko anamwani ayo ehiri ookhulupilila koma vawi ddiri ddiidda, ennaakhullelliwa wa Mulluku.

1 Petro 2:2

Mukhalleke wonanko anamwani awaamwa, enthawi ddittheddene mukhalleke ni nthona na mukaka waphaama wa Munepa wi mwawirya muneerewunnuwa nave muneerovullusiwa.

Deuteronomo 31:12

Mwaatthukumanihe attheene allopwana, atthiyana, anamwani ni alleto ookhalla variyari vanyu wi arive muthu addiiwelle yeekha nave ahuddere owoova Apwiya Mullukwaanyu ni wiiwellella mawiiwa moororomelleya.

Mitteko 2:39

Vawi olonjeza wenko tti wa nyuwaano ni wa aniinyu ni athu attheene ayo eri woorekama, attheene ayo Mulluku Apwiihu anaawiithaneeye.”

Genesis 21:4

Abrahamu aamuphadda mwaanooyo ari ni mallapo matthanu ni mararu moollikana ni mmo Mulluku alamulelleeye.

Deuteronomo 29:11

aniinyu, awarinyu ni alleto ayo eri variyari vanyu nave ayo enuutthallellani ekhuni ni wuurikellani maaddi.

2 Epilli 20:13

Enthawi yeeyo athu a o Yuda yahiimella vamiitthoni va Apwiya vamodda ni awariwa, aniiwa ni ang'onong'onweene.

Yeremiya 32:39

Kineerewaavaha murima mmodda ni meetello mamodda wi ekooveke enthawi ddittheddene. Sika alliwa ni aniiwa ddeko ddineerekoweetella phaama.

Mateyu 19:14

Koma Yesu aallota wi, “Ahiyeni anamwanaayo ewe wa miyaano, muhaahiihe kaambiiwa omwene wa Mulluku tti wa athu ookhalla wonanko anamwanaalla.”

Luka 18:15

Athu amodda yaawaana aniiwa wa Yesu wi iiyaatthi mattaaye va alliwaayo wi aadalise. Koma oohuddera vawoonani ddenndda yahaahumullulla athwaayo.

Luka 18:17

Ddawoona, kinimuulleellani wi, muthu oohaakhullella omwene wa Mulluku wonanko mwaana aneerelleeye khavollowamo.”