Luka 18:14 - Mawu a Mulluku

¹⁴ Yesu aallotave wi kinimuulleellani wi, “Ookhomiha musonkhoolla aaya owaniwa alungamihiwe koma ohiri Mufarisoolle. Vawi attheene enaddunnuwiha weekhiiwa eneeroyevihiwa nave ayo eniiyeviha weekhiiwa eneerewunnuwihiwa.”

Luka 18:14 ပူးပေါင်းရင်းမြစ်များ

Luka 14:11

Vawi attheene enaddunnuwiha weekhiiwa eneeroyevihiwa nave ayo eniiyeviha weekhiiwa eneerewunnuwihiwa.”

Luka 16:15

Koma Yesu aallota wi, “Nyu munaddooniha nyookha wonanko athu oolungama vamiitthoni va athu koma Mulluku annadduwella murimaanyu. Vawi ddeko ddinooneya ddoopaalleya wunchichi vamiitthoni va athu khe ello vamiitthoni va Mulluku.

Yakobo 4:10

Mwiiyevihe nyookha vamiitthoni va Apwiya nave eneerowunnuwihani.

Mateyu 23:12

Koma anaddinnuwiha yeekhaaye aneeroyevihiwa nave aniiyeviha yeekhaaye aneerewuunnuwihiwa.

Miyambo 29:23

Wiitukhulla onnamuyeviha muthu koma a murima wawiiyeviha annariihiwa.

Yakobo 4:6

Koma echisomo ya Mulluku tti yuullupalli wunchichi. Sika mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

Luka 1:52

Ohaavenyiha mamwene vamipandoni ddiwa dda omwene, koma athu oovevuwa ohaawelliha.

Masalimo 138:6

Naari Apwiya tti avaddullu ennaapwatha athu oovevuwa, ennaadduwella athu awiitukhulla eri vuutete.

Mateyu 5:3

“Oodalisiwa tti ayo eri oohoowa m'munepani, vawi ennahakallalla ni madaliso a omwene wa Mulluku!

Yesaya 57:15

Muullupalli ni Amasiva Mattheene oyo arivo enthawi ddittheddene nave nnddina naye tti Aweella anallota wi, “Kinakhalla va nipuro navaddullu ni naweella, kinnakhallattho vamodda ni athu awiiyeviha ni oolapa wi killipihe munepa wa awiiyeviha ni ohihimulla murima wa oolapaayo.

Miyambo 3:34

Alliwa ennaavevulla athu oovevulla koma annaweerella echifundo athu awiiyeviha.

Yobu 25:4

Ethiyo muthu ttuulungama mwawiidde vamiitthoni va Mulluku? Ethiyo ooyariwa mwa mutthiyana aneelle mwawiidde?

Agalatiya 2:16

Nave ninnadduwella wi muthu analungamihiwa ni Mulluku oweella mu echikhulupililove mwa Yesu Khrisitu, ohiri vawiiwellellani malamulo. Sika nookhulupilila mwa Khrisitu Yesu wi neeriwe aphaama ni Mulluku oweella mu echikhulupililo mwa Khrisitu nave ohiri vawiiwellellani malamulo. Vawi khaavo muthu aneeriwa oolungama vawiiwellellani malamulo.

Aroma 4:5

Koma oyo ahinakhulupilila mitteko ddaye koma Mulluku oyo anaalungamiha athu oochimwa, aneerewaakhullelliwa wi tti oolungama ekaamba ya echikhulupililwaaye.

Aroma 3:20

Vawi Mulluku khaamulungamihalle arive muthu vamiitthoni vaye ekaamba ya wiiwellella malamulo. Malamulo enakhulla moona waadduwelliha athu wi aachimwa.

Luka 10:29

Voopaallani oddoonihella yeekha wi anneera echilungamo aamukoha Yesu wi, “Mukhwaakooyo ttaani?”

Miyambo 18:12

Okota onnahoollella woonongeya koma wiiyeviha onnakhwaranya olemu.

Miyambo 15:33

Owoova Apwiya tti ohuddera ezeru nave wiiyeviha onnakhwaranya olemu.

Yobu 22:29

Vawi Mulluku annaakitthiha awiitukhulla, koma annaavullusa awiiyeviha.

1 Samuele 1:18

Vano Hana aallota wi, “Mukeerelleve echifundo mi mullupa muttekwaanyu aamutthiyana” Vano mutthiyanooyo aavenyavo aya acha yoochaaye. Ovenyera vaavo khaakhupanyattho.

Eksodo 18:11

Vano kinnadduwella wi Apwiya tti uullupalli okhwaranya milluku ddimodda ddittheddene kaambiiwa yahaavullusa Aisraele wa Aiguputo, mvo Aiguputwaayo yaanyaambusiiwa.”

Aroma 8:33

Ttaani anaawiipe mullatu athu ootthoolliwa a Mulluku? Mulluku mwaneena sika anawoona wi khenna mullatu!

Aroma 5:1

Vawi vano Mulluku aanilungamiha kaambiiwa ninnamukhulupilila, nookhalla vamurendelleni ni Mulluku oweella mwa Apwiihu Yesu Khrisitu.

Daniele 4:37

“Sika mi Nebukadinezara kinnamutthamalla Mulluku, kinnamuthokoza ni omutitimiha mwene Ooddullu. Ddaweera ddaye ddittheddene tti ddaphaama nave ettilla ddaye ddittheddene tti ddoolungama. Olliye annamuyeviha arive muthu awiitukhulla.”

Yesaya 53:11

Wamalla ohoowa wayenko, aneerokwakhwanihiwa ni mphurwaaye. Mweezeru, oorumeyellaaka oolungama aneerewiireya machimo a athu attheene wi anchichi eneerolungamihiwa.

Yesaya 45:25

Mwa mi Apwiya edduullu dda Israele ddineerolungamihiwa ni ohakallallihiwa.”

Yobu 9:20

Naari kiri oohilakwa, eyanwaaka eneerokivaanyiha, eneerokiphwanya ni yoolakwa naari kihipahunlle ello.

Habakuku 2:4

Ngoonani, oyo ahinna murima woolungama khavulluwa koma oolungama eneerokhalla ni okumi ekaamba ya echikhulupililwiiwa.”

Oollalleya 9:7

Vano khawe wache yoochaawo moohakallalla nave wamuwirye vinywaawo ni murima woohakallalla vawi Mulluku ohaakhullella khalle ddaweera ddawonnddo.

Masalimo 143:2

Muhinakiipa mullatu mi oorumeyellaanyu vawi khaavo muthu mukumi oyo ari oolungama vamiitthoni vanyu.

Yesaya 66:2

Ddeko ddittheddenenndda kaddiphatusalle tti miyaano, sika ddittheddenenndda tti ddaaka. Miyaano kinnahakallalla ni athu awiiyeviha ni oolapa, ookoova ni awiiwellella mawaaka.

Miyambo 25:7

Tti waphaama olleelliwa wi okeraatthi voowella okhwaranya okitthihiwa vamiitthoni va enduna. Nnddo woonilleewe,