Luka 18:13 - Mawu a Mulluku

¹³ “Koma ookhomiha musonkhoolle ahiimella voorekamella naari khaatukhunlle ekhovaaye oweha oddullu koma aamoona odduukutha vakhakaddani vaye allotaka wi, ‘Mulluku mukeerelle echifundo, miyaano muthu oochimwa!’ ”

Luka 18:13 ပူးပေါင်းရင်းမြစ်များ

Ezara 9:6

killota wi, “Nyu Mullukwaaka, koowulliwa muru nave nginawora otukhullella ekhovaaka wa nyuwaano Mullukwaaka vawi machimwaahu aawella muddullu okhwaranya miru ddahu nave olakwa wahu woowella ophiyera oddullu.

1 Timoteo 1:15

Mawu yaalla tti oororomelleya ni oophwanellella wi yaakhelliwe wi Khrisitu Yesu aawa va ellapo yavatthi wi aavulluse oochimwa. Miyaano kiri oonanara waakhwaranya athu attheene.

Masalimo 41:4

Vano kaallota wi, “Nyu Apwiya, keerelleni echifundo, kichiriheni vawi kohuuchimwellani.”

Luka 23:48

Athu attheene yatthukumanne wi yoonelle ddaweereyannddo yoonilliiwa ddennddo, yaarowa owaniwa edduukutha ekhakadda ekaamba yooddiiwella ethakaraka.

Aheberi 8:12

Kineerewaakhululukella machimwiiwa nave nguupuwellattho ddoonanara ddiwa.”

Mitteko 2:37

Athwaalle yiiwalliiwa ddenndda, yaahoowa m'murimani mwiwa nave yaamukoha Petro ni amurummwa amoddaayo wi, “Vano neere tini, akhwiihinyu?”

Aheberi 4:16

Sika hankoni moohikayikella naatamelle o mpando woomwene wa Mulluku nko ori echisomo wi naakhelle echifundo, echisomo ni nikavihero mu enthawi yoophwanellella.

Aroma 5:8

Koma Mulluku ahooniha echikondaaye va hiyaano kaambiiwa Khrisitu aanikhwella naariihu oochimwa.

Luka 5:8

Nave Simoni Petro oonilleeye ddeereyillennddo, aakokhora moomuvaha olemu Yesu, allota wi, “Apwiya, mukivenyerevo kaambiiwa miyaano tti muthu oochimwa!”

Yesaya 6:5

Sika kaakhuwa wi, “Otulli miyaano! Koomalla vawi kiri muthu a eyano yooripihiwa nave kinakhalla variyari va athu a eyano ddooripihiwa. Komave miitthwaaka aawoona Amwene, Apwiya Amasiva Mattheene.”

Masalimo 25:11

Nyu Apwiya, ekaamba ya nnddina nanyu, mukikhululukelle machimwaaka vawi mullatwaaka tti muullupalli.

Yobu 42:6

Sika kohiinyaambusa meekha, kinalapa vawiihellani nthupi ni ntuura.’ ”

2 Akorinto 7:11

Ngoonani nnddo mwaakhenlleenyu ovenyera mwa ddoovoriiha murima ddoovenyera wa Mulluku. Mwaakhalla antthitti, mwahiiteteza wunchichi, mwamushella murima mwanamunninyu olle achimwalle, mwaarurumuseya, mwaakikhallella munkhella wi mukoone navettho mwaapaalla wunchichi omullaka mwanamunninyu olle achimwalle. Mohooniha mu ddeko ddittheddenenndda wi khamunna yoonanara.

Masalimo 25:7

Muhinuupuwella machimo a esombwaaka ni ovudduwa waka koma mukeerelle echifundo, nyu Apwiya ekaamba ya echikondaanyu yoohisintheya vawi nyuwaano tti aphaama.

Mateyu 9:13

Khaweni mwiiwesese ottaphullella wa mawu a Mulluku awi, ‘Kinapaalla echifundo ohiri mukuthove.’ Miyaano ngiwiille wi kiwiithane athu oolungama koma athu oochimwa.”

Ezekiele 16:63

Kuukhululukella ddoonanara ddawo ddittheddene nnddo weerilleewe, oneerodduupuwella nave khokhalla ni yoollota ekaamba ya owulliwa muru wawo. Mi Apwiya Mulluku koollota.”

Yesaya 1:18

Apwiya enallota wi, “Hankoni vano nillote mullatwaanyu vawi naari machimwaanyu eri oofiiresesa, eneereweella mbee, naari efiiralle wonanko nikhame, eneereweella wonanko nthoche.

Luka 17:12

Avolloweeye m'muzi mmodda aawoona allopwana khumi athu amakate yiimenlle voorekamella.

Daniele 9:5

Hiyaano noochimwa, noheera ddoonanara ni ddoolakwa. Nohuuwukilani voohiyani malamulwaanyu ni malangizwaanyu.

Masalimo 130:7

We Israele, atiyerelle Apwiya, vawi wa Apwiya wookhalla echikondi yoohisintheya, wooddalla woopolla.

Masalimo 119:41

Apwiya, koonihelleni echikondaanyu yoohisintheya, kivulluseni moollikana ni mawaanyu.

Masalimo 106:6

Hiyaano noochimwa wonanko makhollwaahu, noheera ddoonanara, noolakwa.

Masalimo 40:12

Kohaapheelliwa ni ddookatamiha ddooheerengeya, machimwaaka aakihuruwella sika ngiwora woona, tti manchichi okhwaranya meehi a m'muruni mwaka kootathilla murima wunchichi.

2 Epilli 33:23

Vano olliye khiiyevihalle vamiitthoni va Apwiya wonanko Manase ttiitthinnya iiyevihelleeye nave aari oochimwa wunchichi waakhwaranya attiitthinnya.

2 Epilli 33:19

Nave ovekella waye ni mmottho Mulluku iiwelleeye, machimwaaye mattheene, ohiroromelleya waye ni mapuro amakilleeye oollapellamo mafano nko iimenseeye mafano a Asherimu ni mafano mamodda ahiniiyevihe, ddittheddenenndda ddoolembiwa mu nibukhu na epilli ya anamallotella.

2 Samuele 12:13

Davide aallota wa Natani wi, “Kohaachimwella Apwiya.” Natani aallota wi, “Apwiya ahuukhululukellani machimwaanyu, khamukhwa.

Yesaya 66:2

Ddeko ddittheddenenndda kaddiphatusalle tti miyaano, sika ddittheddenenndda tti ddaaka. Miyaano kinnahakallalla ni athu awiiyeviha ni oolapa, ookoova ni awiiwellella mawaaka.

Mateyu 6:5

“Mwaavekellaka, muhinaphwanaphwanaka ni awoottha! Alla ennakonda wiimella ni ovekella mu enyumba ddamavekello ni m'makhullukano wi arive muthu awooneke. Ddawoona, kinimuulleellani wi yaallathi ahaakhella khalle yoothuviwiiwa.

Mateyu 10:3

Filipo* ni Bartolomeyu, Tomasi ni Mateyu ookhomiha misonkhoolle, Yakobo mwaana a Alifeyu ni Tadeo.

Mariko 11:25

Mwaawiimellaka ni ovekella, mwaakhululukelleke athu attheene ayo yuulakwenlleni. Vano Attiitthaanyu ooddullu eneerewuukhululukellani machimwaanyu.”

Luka 22:41

Nave ahaahiya arakamella wookwakhwana ovokha nlluku, wenko aakokhora nave avekella.

Eksodo 33:10

Nave athu yoona murapooyo vamullakoni wa musasooyo, attheene yaanakokhora ni ollapella vamullakoni va misasa ddiwa.