Luka 18:11 - Mawu a Mulluku

¹¹ “Mufarisooyo ahiimella vayeekhaaye avekella wi, ‘Mulluku kinimuuthokozani vawi ngiri wonanko athu amoddaalla ayo eri a nrima, oohikhalla ni echilungamo, ooraruwa apaalle wonanko ookhomiha musonkhoolla.

Luka 18:11 ပူးပေါင်းရင်းမြစ်များ

Mateyu 6:5

“Mwaavekellaka, muhinaphwanaphwanaka ni awoottha! Alla ennakonda wiimella ni ovekella mu enyumba ddamavekello ni m'makhullukano wi arive muthu awooneke. Ddawoona, kinimuulleellani wi yaallathi ahaakhella khalle yoothuviwiiwa.

Yawuupullulla 3:17

Vawi munallota wi, ‘Nookhalla ni eyuuma, khannapaalla ello,’ koma khamunadduwella wi munnamoriha ethakaraka, athu oohoowa, oohiwara ni oohoonattho.

Yesaya 65:5

Nave ennaalleella amodda wi, ‘Venyanivoni, muhinaatamelle kaambiiwa hiyaano tti oopatuleya.’ Miyaano ngiwora ovillella ni athu yaalla vawi owallaaka va alliwa tti wonanko munllo woohithiima.

Yeremiya 2:35

munallota wi, ‘Hi khenichimwalle, vano owalli wa Apwiya wooriirya.’ Mi kineerowiipanive mullatu ekaamba yoollota wi khemuchimwalle.

Mariko 11:25

Mwaawiimellaka ni ovekella, mwaakhululukelleke athu attheene ayo yuulakwenlleni. Vano Attiitthaanyu ooddullu eneerewuukhululukellani machimwaanyu.”

Agalatiya 3:10

Ayo enakhulupilila wiiwellella malamulo tti ootembeleliwa. Vawi mawu a Mulluku enallota wi, “Muthu ahiniiwellella erive ello yoolembiwa mu nibukhu na malamulo tti ootembeleliwa!”

Luka 20:47

Ennaachella anaamukhwelle ni waakusella katundwiiwa naari enyumba ddiwa ddene, vawaamarani athu muyeepe owiitthoni ni mavekello oorekama. Ollakiwa wiwa oneerokhalla wuullupalli waakhwaranya athu amodda!”

Mika 3:11

Oohoollella kheneeruza vaahikhalla ddamukaphwani, allupa mukutho khenahuddiha vaahikhalla mallivello navettho anamallotella khenallotella vaahikhalla makobiri. Komave enahameella va Apwiya voollotani wi, “Ethiyo Apwiya kheri variyari vahu? Kheyiivo yookatamiha enaanimorelle!”

Ezekiele 33:31

Athwaaka ennatthukumana wa weyaano enakeraatthi vatthi wi yiiwe nnddo onalloteewe. Koma yaddiiwa khenaddithwara. Ddoollota ddiwa ddinnooniha echikondi koma mirima ddiwa ddiri va opindula.

Yeremiya 2:28

“Ethiyo vano milluku ddanyu nndde mwiipangelleenyu ddiri wuuwi? Ddivenyethi vano dduuvulluseni va enthawi ya ddoohoosanndda. Nyu athu a o Yuda, milluku ddanyu tti ddinchichi wonanko mizinda ddanyu.

Yesaya 58:2

Ennakaashaasha nllapo ni nllapo voopaallani wi edduwelle ettilla ddaka. Wonanko mutundu waweera ddoolungama oohihiya malangizo a Mullukwiiwa, alliwa ennakiveka malangizo oolungama nave ennahakallalla okaatamella miyaano Mullukwiiwa.”

Masalimo 135:2

nyu oorumeyella mu enyumba ya Apwiya, m'mathatoni a enyumba ya Mullukwaahu!

Masalimo 134:1

Nyu attheene oorumeyella a Apwiya, awiimella mu enyumbiiwa a mahiiyu, waawoni, atitimiheni!

Afilipi 3:6

Nave kaakhalla awaakuva wunchichi voohoosani mpingo. Moollikana ni echilungamo yoophwanyeya vawiiwellellani malamulo, miyaano ngaachimwalle.

Yesaya 1:15

Mwaatukhullellaka muddullu mattaanyu voovekellani, miyaano kineerewiipitthiha ekhovaaka. Naari mwaanjerere mavekellwaanyu mwawiidde, ngipwathawo kaambiiwa mattaanyu yooddalla ni nikhame.

Miyambo 20:6

Athu anchichi ennallalleya dda oreera murima wiwa koma ttaani anaamuphwanye oororomelleya?

Miyambo 30:12

Vookhalla amodda enaddeesa aweella koma khenavenyihe ddoonanara ddiwa.

Mateyu 5:20

Kaambiiwa kinimuulleellani wi, munaavollowe mu omwene wa Mulluku mwalungama wunchichi waakhwaranya ahuddihi a malamulo* ni Afarisi* vaweerani nnddo anapaalla Mulluku.

Mateyu 10:3

Filipo* ni Bartolomeyu, Tomasi ni Mateyu ookhomiha misonkhoolle, Yakobo mwaana a Alifeyu ni Tadeo.

Luka 22:41

Nave ahaahiya arakamella wookwakhwana ovokha nlluku, wenko aakokhora nave avekella.