Luka 18:1 - Mawu a Mulluku

¹ Yesu ahaalleella oohudderaaye niphwanaphwaniho nowaahuddiha wi enaphwanella wi evekelleke mallapo mattheene, oohitopa.

Luka 18:1 ပူးပေါင်းရင်းမြစ်များ

Akolose 4:2

Vekellani moohihiyerera, muwehereke mwaavekellaka nave mumuthokozeke Mulluku.

Aroma 12:12

Muhakallalleke ekaamba ya otiyera wanyu. Muvillelleke mwaahoosiwaka nave muvekelleke moohihiyerera.

1 Atesalonika 5:17

Vekellani moohihiyerera.

Afilipi 4:6

Muhikhupanyeke erive ello koma mumulleelleke Mulluku erive ello munapaalleenyu moovekella. Enthawi ddittheddene muvekeke ni murima woothokoza.

Aefeso 6:18

Mweereke ddenndda mu nivekello. Muvekelleke va ddirive ddaweereya, moohoollelliwa ni Munepa. Mukhalleke oowehera nave muvekelleke moohihiyerera, mwaavekellellekettho athu a Mulluku enthawi ettheene.

Yeremiya 29:12

Enthawi yeeyo muneerokiithana wi mukillapelleke nave kineerowaakhullani.

Luka 21:36

Chenjerani enthawi ddittheddene, muvekellaka wi muwore ovulluwa mu ddeko ddittheddenenndda ni wiimella vamiitthoni va mi, Mwaana a Muthu.”

Agalatiya 6:9

Sika nihitope vaweerani ddaphaama vawi enthawi eneerokwakhwana eyo nineereehu nitthukumanihe ddoohata.

Masalimo 86:3

Nyu Apwiya, keerelleni echifundo, vawi kinninllella wa nyuwaano mallapo mattheene.

Masalimo 102:17

Eneeropwatha nivekello na athwiiwa ootathilliwa, khevevulla ovekella wiwa.

2 Akorinto 4:1

Mulluku mu echifundwaaye oonivaha mutteko yoolla wi niphare, sika vano khenitathilla murima.

Akolose 4:12

Epafra, mmodda a mullokwaanyu ni oorumeyella a Khrisitu Yesu anuuvahanittho mooni. Enthawi ddittheddene annallipihella wuuvekellani, omuveka Mulluku wi aweereni oohitikheya, oowaraalla mu echikhulupililo ni oosimikiza wiiwellella yoopaalla ya Mulluku.

Yona 2:7

Vawoonani murimaaka okitthellaka o mahame, kaawupuwellani nyu Apwiya, ollapella waka wahiiweya mu Enyumbaanyu Yaweella.

Masalimo 65:2

Nyu oyo munaapella maaru mavekello, athu attheene eneeroowa wa nyuwaano

Masalimo 27:13

Kahikhulupililalleke wi koone oreera murima wa Apwiya, mu ellapo ya ookumi, kaaweere tini!

Yesaya 40:31

Koma ayo enaaroromella Apwiya, eneerewaakhella masiva anaanweene, eneerovava wonanko mpungu. Eneerekothamaka koma oohitopa, eneerekeweeta koma oohivelleveddeya.

Yesaya 62:7

Muhihiye wuupusa ophiyera emmakillettho Yerusalemu ni otthattusa muzinda oyo onaatthamalliwe ni ellapo yavatthi.

1 Samuele 1:12

Hana aavekella mwawi ddiidda wa Apwiya enthawi yoorekama Eli amuwehaka vayanoni.

Luka 11:10

Vawi attheene ayo enaveka eneerewaakhella nave ayo enaashaasha eneerophwanya nave oyo anookotha aneerohullelliwa nchiwi.