Luka 17:30 - Mawu a Mulluku

³⁰ Ddinaakhalle ddiiddo va nllapo na miyaano, Mwaana a Muthu, kawa kooneya.

Luka 17:30 ပူးပေါင်းရင်းမြစ်များ

Yawuupullulla 1:7

Ngoonani aneeroowa m'miraponi! Arive muthu aneeromoona naarittho alle yamuhomille. Malloko mattheene a va ellapo yavatthi eneeromwinllella. Sika ddinaakhalle ddiiddo!

2 Atesalonika 1:7

Nave nyuwaano munahoosiwa aneerewuuvahani wiithuuwa vamodda ni hiyaano. Aneere ddenndda Apwiya Yesu yooneya ovenyera oddullu vamodda ni angelwaaye amasiva,

1 Akorinto 1:7

Sika kheyiivo emphaso ya Mulluku muyelleelleenyu, munatiyereenyu wuupullulliwa wa Apwiihu Yesu Khrisitu yaawaaka.

1 Petro 1:13

Sika vano, maganizwaanyu ekhalle ookhozeka. Chenjerani nave mutiyerelle wunchichi va echisomo eyo enaavahiwe wa nyuwaano Yesu Khrisitu uupullulliwa.

1 Petro 1:7

Ddoolinga ddiwa tti ddawi ddisimikize wi echikhulupilwaanyu tti yawoona. Naari golide, oyo anaworeya woonongeya, anneesiwa ni munllo. Nave vano echikhulupilwaanyu eyo eri yoowallamella wunchichi omukhwaranya golide, enaphwanellattho weesiwa wi evillelle. Sika muneerewaakhella ntitimiho va nllapo nawuupullulliwa Yesu Khrisitu.

Luka 21:27

Vano mi, Mwaana a Muthu, kineerewooneya kiwaaka vamiraponi ni masiva muullupalli ni ntitimiho.

Mateyu 24:3

Vano Yesu akeraatthille va mwaango wa Olivi, oohudderaaye yaawa mwa weekhiiwa. Yaamukoha wi, “Nilleelleni ddittheddene ddenndda ddineereye niini? Nave echizindikiro ya enthawi ya owa wanyu waneepiilli ni omalla wa ellapo yavattheella enaakhalle yawiidde?”

Mateyu 16:27

Vawi mi Mwaana a Muthu kiri vakhuviru owa ni ntitimiho na Attiitthaaka ni angelo. Vano kineeromuthuva arive muthu moollikana ni mitteko ddaye.

1 Petro 4:13

Koma hakallallani mwaahoosiwaka wonanko Khrisitu. Sika wi muhakallalle wunchichi ntitimiho naye nuupullulliwa.

Mariko 13:26

Vano mi, Mwaana a Muthu, kineerewooneya kiwaaka vamiraponi ni masiva muullupalli ni ntitimiho.

Mateyu 26:64

Yesu ahaakhulla wi, “Mullotillethi nyookha. Koma kinimuulleellani attheene wi waambeella vaavo muneerokoona mi, Mwaana a Muthu, kikeraatthille o nnattanatta na Mulluku Amasiva Mattheene nave kiwaaka vamiraponi ddooddullu.”

Mateyu 24:39

Kheyaadduwenlle ello ophiyera maaddi yaasefukella ni waakusa attheene. Owa wa miyaano, Mwaana a Muthu, onaakhalle wawi ddiidda.

Mateyu 24:37

Owa wa miyaano, Mwaana a Muthu, onaakhalle wonanko mmo ddeko ddakhallelliiwa m'mallaponi a Nowa.

Luka 21:22

Vawi enaakhalle mallapo oohokollosellana wi ddittheddene ddalembiwe mu mawu a Mulluku ddikwakhwanihiwe.

Luka 17:24

Vawi nllapo na mi, Mwaana a Muthu, ninaawe wonanko ettari enasherima muddullu ovenyera wookhuma nndduwa ophiyera woovollowa nndduwa.

Luka 17:29

Koma va nllapo nno Loti akhumalleeye mu Sodomu, munllo ni malluku a sulufure ddaamora ovenyera oddullu ddiwiipha athu attheene.

1 Akorinto 1:8

Eneerewuullipihani murima ophiyera va mamallihello wi muhikhalle ni yoochimwa va Nllapo na Apwiihu Yesu Khrisitu.

Akolose 3:4

Okumaanyu tti omurumeyella Khrisitu nave ooneya, sika nanyeenettho muneerewooneya ni olliyooyo nave muneerokhalla ni ntitimiho naye.

1 Yohane 2:28

Ddawoona, anaaka, mukhallekeve mu eyaattano ni olliyooyo wi ooneya nineerokhalla oollipa murima nave khaniipittha ekaamba yoowulliwa muru vamiitthoni vaye va Nllapo anaweeye.

1 Yohane 3:2

Akhwaaka ookondiwa, vano hiyaano tti anamwani a Mulluku koma khenadduwanyeya eyo ninaakhalleehu. Koma ninnadduwella wi Khrisitu ooneya, ninaakhalle oophwanaphwana ni olliye kaambiiwa ninaamoone wonanko mmo ariiye.