Luka 17:2 - Mawu a Mulluku

² Waaweerokhalla waphaama wi nlluku na nsillo namakellelliweke munikohini mwaye nave avokhiwe mu enyanja ohiyana ni wi muthu yoolla amweerihe mmodda a ang'onong'onwaalla ahiye okikhulupilila miyaano.

Luka 17:2 ပူးပေါင်းရင်းမြစ်များ

Mariko 9:42

Koma muthu oyo aneeriha wi mmodda a ang'onong'onwaalla ahiye okikhulupilila miyaano, waaweerokhalla waphaama wi nlluku na nsillo namakellelliweke munikohini mwaye nave avokhiwe mu enyanja.

Mateyu 18:14

Emoddamoddave yeeyo Attiitthaanyu ooddullu khenapaalla wi naari mmodda mwa ang'onong'onwaalla ahollowe.

Mateyu 18:10

“Chenjerani wi muhimuvevulle mmodda a ang'onong'onwaalla. Vawi kinimuulleellani wi angelwiiwa ooddullu eri vamiitthoni va Attiitthaaka enthawi ddittheddene.

1 Akorinto 9:22

Kakhalla variyari va athu oofooka mu echikhulupililo kinakhalla oofooka wonanko mmodda a yaayo wi kaakope alliwaayo. Sika wa athu attheene kinakhalla wonanko alliwaayo wi apaalle kaavulluse amodda a yaayo voopharihani mutteko erive ettilla.

Mateyu 26:24

Mi, Mwaana a Muthu, kineerokhwa moollikana ni ddoolembiwa mu mawu a Mulluku koma ootulli tti muthu oyo anaakivelleelle miyaano! Waaweerokhalla phaama wa muthu yooyo ahiyariweke!”

1 Akorinto 9:15

Koma ngipharihalle mutteko yoophwanella yeella naari emodda nave nginalemba ddenndda wi kuukoheni yoophwanella ya miyaano. Waaweerokhalla waphaama kaambilleke okhwa mmodda ahinaambe okillivella kaambiiwa aneerokivenyihera okotella waka woollalleya moohillivelliwa!

Yohane 21:15

Nave emanlle ocha, Yesu aamulleella Simoni Petro wi, “Simoni, mwaana a Yohane, onnakikonda miyaano ookhwaranya amoddaalla?” Ahaakhulla wi, “Ee Apwiya, munnadduwella wi kinnuukondani.” Yesu aamulleella wi, “Achiheke anamwanankhosaaka.”

Zekariya 13:7

Apwiya Amasiva Mattheene enallota wi, “We nsupada, venya, muwukile mbusaaka, mukhwaaka a vamurimani. Mukakathe mbusa nave enkhosa dda mulloko ddineeropallalleya. Kineeroddikakatha vamodda ni dding'onong'ono ddene.

Yesaya 40:11

Eneeropwatha enkhosa ddiwa wonanko mbusa, eneerewaatthukumaniha anamwanankhosa ni waakhupaarella, eneeroddihoollella phaama enkhosa ddawaamwiha.

Mateyu 17:27

Koma khaninapaalla waashiha murima athu yaalla. Sika khawe o enyanja wamedde ehomba. Ehomba yawaambeella omedda waatthamihe eyano nave muwano mwaye oneerophwanyamo makobiri ookwakhwanella okhomella musonkhwaaka ni waawo wa enyumba ya Mulluku. Waakuse nave wakhomelle misonkho ddahu.”