Luka 17:12 - Mawu a Mulluku

¹² Avolloweeye m'muzi mmodda aawoona allopwana khumi athu amakate yiimenlle voorekamella.

Luka 17:12 ပူးပေါင်းရင်းမြစ်များ

Luka 5:12

Enthawi emodda Yesu aari mu etawoni mmo mwaari muthu mmodda amakate. Amoonilleeye Yesu, aamukokhorella amuveka wi, “Apwiya, mwaapaallaka, ttuuwora okeelliha!”

Luka 18:13

“Koma ookhomiha musonkhoolle ahiimella voorekamella naari khaatukhunlle ekhovaaye oweha oddullu koma aamoona odduukutha vakhakaddani vaye allotaka wi, ‘Mulluku mukeerelle echifundo, miyaano muthu oochimwa!’ ”

2 Mamwene 7:3

Enthawi yeeyo vaakhalla athu asese amakate ayo yakhalla voovollowella. Alliwaayo yahaamba okohana wi, “Kaambiiwa tini nikeraatthelleehu mva ninatiyerella okhwa?

2 Mamwene 5:27

Sika vano makate a Naamani eneerewuwanddeellella ni edduullu ddawo wa enthawi yoohimalla.” Sika Gehazi aakhuma mpammo ari ni makate awi puu wonanko ntuura.

Numeri 12:14

Koma Apwiya yaamwaakhulla Mose wi, “Attiitthinnya yaamuttaphenreke owiitthoni, ethiyo Miriyamu khaawulliwe muru wa mallapo matthanu ni meelli? Muwallelleni otte wa misasa mallapo matthanu ni meelli nave vatulli viwa ttuumuvollochihattho”

Eksodo 4:7

Vano Apwiya yaallota wi, “Nivollochihettho nnatta nawonno m'mukanjonimmo.” Olliye aanivollochihamottho koma anikhumiheeyemo naari naphaama noohikhalla ni makate, noophwanaphwana ni mwiillaaye muttheene.