Luka 16:9 - Mawu a Mulluku

⁹ Yesu aallotave wi, “Kinimuulleellani wi, mwiiphwanyelle akhwiinyu voopharihani mutteko eyuuma ya va ellapo yavatthi wi yamalla mwaakhelliwa owaani woohimalla, oddullu.

Luka 16:9 ပူးပေါင်းရင်းမြစ်များ

Mateyu 19:21

Yesu aallota wi, “Wapaalla okhalla aphaama wunchichi, khawe wakullihe ddeko oriiwena nave makobiraayo waavahe athu oohoowa nave oneerothuviwa oddullu. Weera ddiiddo owe okithware.”

Mateyu 6:24

“Khaavo mullupa mutteko anawora waarumeyella apwiya eelli vawi aneeromwiita mmoddooyo nave aneeromukonda mmoddooyo apaalle aneeromwiiwellella mmoddooyo nave aneeromuvevulla mmoddooyo. Emoddamoddave yeeyo khamuwora omurumeyella Mulluku ni orumeyella eyuuma.

Daniele 4:27

Nyu amwene, ekaamba ya yeella, thwarani malangizwaaka. Hiyani machimwaanyu, mweereke ddoolungama vooweerellani echifundo oohoowa wi apaalle enthawi ya murendellaanyu erekame.”

Luka 16:11

Vano muriinyu oohiroromelleya voopharihani mutteko eyuuma ya va ellapo yavatthi, ttaani anuuvaheni eyuuma yawoona?

Miyambo 19:17

Wamuvaha muthu oohoowa waakongolihalle Apwiya nave eneerewuuhokollosella ddaweera ddawo.

Luka 14:14

Vano oneerokhalla muthu oodalisiwa kaambiiwa khewora wuuhokollosella koma Mulluku sika anuuhokolleselle va nllapo nno athu oolungama eneeriiwa evenyihiwe wa ookhwa.”

Luka 12:33

Kullihani ddeko ddanyu ddittheddene nave makobiraayo mwaavahe oohoowa. Mwiiphwanyelle mathumba a eyuuma ayo ehinaahuwa ni wiisungella eyuuma oddullu nko ehinayevawiiwa kaambiiwa allupaawiiya khenaphiyawo naari enjenjete khaddinoononga.

Luka 11:41

Koma mwaavaheke oohoowa nnddo ddiri muwari mwa makapu ni embale ddanyu sika makapwaanyu mattheene ni embale ddanyu ddittheddene ddineerokhalla ddaweella vamiitthoni va Mulluku.

2 Akorinto 4:17

Nave ddookatamiha dding'onong'ono ninooneehu mvanndda ddineeroniphwanyella ntitimiho nuullupalli ni noohimalla, nookhwaranya ddookatahihannddo.

Luka 16:13

“Khaavo mullupa mutteko anawora waarumeyella apwiya eelli vawi aneeromwiita mmoddooyo nave amukonda mmoddooyo apaalle aneeromwiiwellella mmoddooyo nave aneeromuvevulla mmoddooyo. Emoddamoddave yeeyo khamuwora omurumeyella Mulluku ni orumeyella eyuuma.”

Mitteko 10:31

nave allota wi, ‘Korineliyo! Mavekellwaawo ahiiweya navettho waakavihera wawo oohoowa wohaakhullelliwa ni Mulluku wonanko mukutho.

Mateyu 6:19

“Muhiitthukumanihelleke eyuuma va ellapo yavatthimva, mvo enjenjete ni murawa ddinnoonongiiwa navettho mvo allupaawiiya ennakhuvulla enyumba ni wiiya.

Yuda 1:21

Mukhalleke mu echikondi ya Mulluku, mwaatiyeraka okumi woohimalla oyo Apwiya Yesu Khrisitu eneeriiwa yuuvaheni mwa echifundwiiwa.

Mitteko 10:4

Olliye aamuweha mungeloolle oovaka akoha wi, “Apwiya, tti waphaama?” Mungeloolle ahaakhulla wi, “Mavekellwaawo navettho waakavihera wawo oohoowa ddohaakhullelliwa ni Mulluku wonanko mukutho.

Oollalleya 11:1

Vokha ddoocha ddawo vamaaddini oneeroddiphwanya vamalla mallapo manchichi.

Miyambo 23:5

Onawehella tini eyo ehiiwo? Vawi eyuuma ennamella muuphello wonanko mpungu onavava muddullu.

Yesaya 57:16

Ngihumullulla wa enthawi yoohimalla apaalle ovirellella waashella murima wi munepa wa muthu ohingomowe vamiitthoni vaka, mpweya woovaha okumi oyo kawuphatusalleemi.

Masalimo 73:26

Naari mwiillaaka ni murimaaka ddifookille mwawiidde, Mulluku sika masiva a murimaaka, sika yoohallanaaka wa enthawi yoohimalla.

Luka 16:4

Vano koodduwella yawi keere wi mutteko wakimallella kikhallena akhwaaka ayo enaakaakhelle mu enyumba ddiwa.’

Miyambo 14:24

Othuviwa wa athu eezeru tti eyuuma koma okarangeya wa oolloddowa tti okarangeya.