Luka 16:3 - Mawu a Mulluku

³ Mullupa muttekoolle aallota m'murimani mwaye wi, ‘Apwiyaaka eneerokichosa mutteko. Kineere tini? Ngiwora ollima nave oveka onnakiwulliha muru.

Luka 16:3 ပူးပေါင်းရင်းမြစ်များ

2 Atesalonika 3:11

Ninallota ddenndda kaambiiwa ninniiwa wi vookhalla athu amodda oolesi variyari vanyu ayo ehinaphara ello nave enatthuperiwa ni ddaaneena.

Mitteko 3:2

Nave muthu mmodda ookhwa meto eyariwellwaaye aakuselliwawo. Olliyooyo mallapo mattheene aanakusiwa anahiyiwa vamullakoni wa enyumba ya Mulluku wooromolliwa “Mullako Wooreera” wi aavekeke makobiri athu yaavollowaka mu enyumba ya Mullukweeyo.

Yohane 9:8

Vano akhwaaye ni athu yamonne khalle wi aari oovekaveka yaallota wi, “Ethiyo khe yoolle aakeraatthi vatthi avekavekaka?”

Luka 18:4

Vaavira mallapo manchichi oweeruzoolle amukhootellaka koma omamallihello wene aallota yeekha m'murimani mwaye wi, ‘Naari nginamoova Mulluku apaalle opwatha dda athu,

Luka 16:22

“Muthu oohoowooyo aakhwa nave angelo yaawa emutukhulla yamukeraatthiha vaari Abrahamu vamachellelloni ooddullu. Nayeenettho muthu a eyuumoolle aakhwa avitthiwa.

Luka 16:20

Nave waakhallattho muthu oohoowa nnddina naye Lazaro. Aari amakhwata mwiillaaye muttheene nave aaddollweella okeraatthi vamullakoni va enyumba ya muthu a eyuumooyo nllapo ni nllapo.

Luka 12:17

Vano aallota yeekha wi, ‘Kineere tini vano vawi nginna ekhokwe yoohiyamo ddoohata ddaka?’

Mariko 10:46

Yesu ni oohudderaaye yaawa o muzinda wa Yeriko. Yavenyeewawo ni mulloko wa athu muullupallooyo, muthu ooveka oohoonooyo nnddina naye Bartimeyu, mwaana a Timeyu, aakeraatthi mukhwipi mwa musewu.

Hoseya 9:5

Ethiyo nllapo nootthoolleya na Apwiya, nllapo na ehakallallo, athu enaaweere tini?

Yeremiya 5:31

Anamallotella ennallota ddawoottha nave allupa mukutho ennakhullellana. Komave athwaaka ennakonda ddenndda. Ethiyo muneere tini voomallihella?”

Yesaya 10:3

Ethiyo muneereti va nllapo noollaka voophiyani ephevo ya namondwe yoovenyera woorekama? Ethiyo munaathawelle wa aani wi uukavihereni? Ethiyo eyuumaanyu munaahiye wuuwi?

Miyambo 29:21

Waaddollweelliha waavaha erive ello allupa muttekwaawo ovenyera enamwaniiwa, mamallihellwiiwa eneeroddeesa mwanawo oomuyara.

Miyambo 20:4

Muthu oolesi khanallima mu eyitta, annaashaasha mu ellimwe koma khanaphwanya ello.

Miyambo 19:15

Waapaalla, khalla oolesi, konaka koma oneerovolliwa ettalla.

Miyambo 18:9

Muthu oophara mutteko moolesi tti mwanamunne a awoononga.

Miyambo 15:19

Meetello a muthu oolesi tti mpanda wamiiwa koma ettilla ya awookowa murima tti musewu woovuhellelliwa phaama.

Miyambo 13:4

Muthu oolesi annakhumba koma khanaphwanya ello koma muthu a ntthitti aneerokhalla ni eyuuma.

Estere 6:6

Hamani avollowille, mwene aamukoha wi, “Ethiyo ttuumweerella tini muthu oyo mwene apaallilleeye omuvaha olemu?” Hamani aaganiza m'murimani mwaye wi, “Ethiyo ttaanittho oyo mwene anapaalleeye wi amuvahe olemu okikhwaranya miyaano?”

Mitteko 9:6

“Koma venya wi wavollowe m'muzindanimmo nave eneerewuulleella yoophwanella wi weere.”

Mateyu 20:8

“Vano misikuwa nndduwa nivollowaka mwaneena a ematoolle amulleella kapitawaaye wi, ‘Owiithane allupa mutteko wi waavahe mallivellwiiwa, waambeella ni ayo yaalembiwe moomallihella nave omallihe ni ayo yaalembiwe moowaambeella.’

Luka 16:2

Sika apwinnyaayo yaamwiithana ellota wi, ‘Kiniiweeminndda dda weyaano tti ddawoona? Kitthopoollelle dda muttekwaawo muttheene va eyuumaaka vawi khovirellella okhalla mullupa muttekwaaka.’

Luka 16:4

Vano koodduwella yawi keere wi mutteko wakimallella kikhallena akhwaaka ayo enaakaakhelle mu enyumba ddiwa.’