Luka 16:23 - Mawu a Mulluku

²³ Nave muthu a eyuumoolle ahooweeye o gehena, aaweha oddullu. Wenko aamoonawo Abrahamu ari voorekamella nave Lazaroolle ari vakhwipi ni Abrahamooyo.

Luka 16:23 ပူးပေါင်းရင်းမြစ်များ

2 Petro 2:4

Mulluku khaawalleville angelo ayo yachimwalle koma ahaavokha mu gehena, mwemmo eri oomakiwa ni onyolo mu epiphi, otiyera nllapo na echiweruzo.

Luka 16:28

wi aachenjeze asinnaka atthanu wi ehiwe onipuroni noohoosanna.’

Mateyu 23:33

“Nyu enowa nave anamwani a enowa! Munaathawe mwawiidde ollaka waye wa gehena?

Mateyu 18:9

Nave niittho nawo nuuchimwiha, onikhorokottemo nave onitathille! Tti waphaama wa weyaano wi wavollowe mu okumi woohimalla ni niittho nimodda ohiyana ni okhalla ni miittho meelli nave ovokhiwa mu munllo wa gehena.

Masalimo 9:17

Athu attheene oonanara, mitundu ddittheddene ddimutiwanlle Mulluku ddineerooya o ellapo ya ookhwa.

Yawuupullulla 20:10

Vano Satana, aallekilloolle, aavokhelliwa mu enyanja ya munllo ni sulufure, nko enama yuullupalli yawoopiha vamodda ni namallotella awoottha yavokhelliweewawo khalle nave eneerollakiwawo wa enthawi yoohimalla.

Luka 8:28

Amoonilleeye Yesu, aakhuwa akokhora vamiitthoni vaye nave aallota mookhuwa wi, “Yesu, Mwaana a Mulluku Muullupalli! Nuullikalleni tini nyuwaano? Kinimuuvekani, muhikillake miyaano!”

Mateyu 5:29

Sika niittho nawo nuuchimwiha, onikhorokottemo navettho onitathille! Tti waphaama wa weyaano wi emodda ya eziwalo ddawo evenyevo okhwaranya okhalle nimwiillaawo muttheene koma ovokhiwe mu gehena.

Mateyu 5:22

Koma miyaano kinuulleellani wi wamunanariwella mukhwaawo attekweene a millatu eneerewuuphwanya wi tti oochimwa. Wamullotella epewe mukhwaawo wi, ‘Muthu ookarangeya we’ oneerokusiwa oya wa attekweenaanyu aweeruza millatu. Navettho wamullotella epewe mukhwaawo wi, ‘Okarangeya, oohikhalla ni muttekowe,’ oneerophwanella ovokhiwa mu gehena.

Yesaya 14:15

Koma wookitthihelliwa o ellapo ya ookhwa, o nlliti noowallamella na vatthi va ellapo.”

Yesaya 14:9

“We mwene a o Babiloni, ellapo ya ookhwa wuutthukumellella okhozekella okumana ni weyaano waaphiyaka. Yohuuvenyihella minepa dda ookhwa dda oohoollella attheene akhalle a ellapo yavatthi nave ennaweeriha mamwene attheene akhalle ovenya va mipando ddiwa.

1 Akorinto 15:55

“We okhwa, opambana wawo ori wuuwi? Ethiyo okhwa, murophaawo ori wuuwi?”

Mateyu 11:23

Nave wa nyu athu a o Kaperenao, muneesa muneerowellihiwa ophiyera oddullu? Iyaayi Mulluku aneerewuukitthihani ophiya o gehena. Ddoottikhiniha ddeeriwe wa nyuwaano ddeeriweke wa athu a o Sodomu, muzinda yoolla waweerokhallavo ophiyera ollello.

Mateyu 8:29

Nave yaakhuwa wi, “Nuullikalleni tini nyuwaano, Mwaana a Mulluku? Moowa wuno wi munillake ehinakwakhwane enthawi eyo Mulluku atthoonlleeye wi athu ellakiwe?”

Miyambo 15:24

Athu eezeru ennawella ettilla yookumi wi erapelle ettilla yooya o ellapo ya ookhwa.

Miyambo 9:18

Koma khanadduwella wi ookhwa eri wenko nave wi alleto a mutthiyanooyo aaya o ellapo ya ookhwa.

Miyambo 7:27

Enyumbaaye tti ettilla ya o ellapo ya ookhwa, yookitthella o ezipinda dda okhwa.

Miyambo 5:5

Manyallwaaye ennasusella wuukhwaani nave ettilla ddaye ddinnamuphiyiha o ellapo ya ookhwa.

Masalimo 86:13

Vawi echikondaanyu yoohisintheya va miyaano tti yuullupalli nave mwahaakihera okumaaka o woowallamella wa ellapo ya ookhwa.

Masalimo 49:15

Koma Mulluku aneerewoopolla okumaaka o olamulello wa mahame, ngiwa koova vawi aneerokaakhella.

Masalimo 16:10

Miyaano oororomelleyaanyu, khamukihiya o ellapo ya ookhwa, khamwaakhullella wi kuntelle mu mahame.

Luka 16:24

Sika aakhuwa wa Abrahamu wi, ‘Attiitthaaka, mukeerelle echifundo, m'murumihe Lazaro wi atthaveye etthoka ya eyaallaaye m'maaddini nave akiriiryihena ommilloni waka vawi kinimahoowa wunchichi m'munllonimmu!’