Luka 16:22 - Mawu a Mulluku

²² “Muthu oohoowooyo aakhwa nave angelo yaawa emutukhulla yamukeraatthiha vaari Abrahamu vamachellelloni ooddullu. Nayeenettho muthu a eyuumoolle aakhwa avitthiwa.

Luka 16:22 ပူးပေါင်းရင်းမြစ်များ

1 Petro 2:24

Khrisitu mwaneena aatukhulla machimwaahu m'mwiillini mwaye oyaana vamutandani wi omuthwaahu woochimwa okhwe nave wi nikhalleke oolungama. Moochirihiwa ekaamba ya makhwataaye.

Yawuupullulla 14:13

Nave kahiiwa mawu oovenyera oddullu ellotaka wa miyaano wi, “Lemba ddenndda, oodalisiwa tti ayo waambeella ollello oya muhoollo enaakhwe eri mu eyaattano ni Apwiya!” Munepa Waweella ahaakhullella wi, “Ddawoona aakhalla ni odalisiwa! Eneerohakallalla ni wiithuuwa o mitteko ddiwa ddootopiha kaambiiwa mitteko ddiwannddo ddinnaathwara.”

Yakobo 1:11

Vawi nndduwa ninnakhuma ni oviha wiwa nave ninnuumiha ddoomella, malluwaaye ennamora navettho oreera wiwa onnamalla. Mwawi ddiiddattho muthu eeyuuma aneeronyaalla apharaka mutteko moohakallalla.

Miyambo 14:32

Athu oonanara ennatathilliwa ni ddoonanara ddiwa koma oolungama ennateteziwa ni echilungamwiiwa.

Yohane 13:23

Mmodda a oohudderaayo, oyo Yesu aamukondilleeye aakeraatthi vakhuviru ni Yesu.

Mariko 8:36

Muthu anaapindulevo tini aakhella ellapo yavatthi ettheene atathilla okumaaye?

Oollalleya 8:10

Vatulli viwa kaawoona oonanara evitthiwaka mu mahame. Alliwa khalle yaanavollowa ni okhuma m'mapuroni aweella nave m'muzindani athu yaanaatthamalla mmo yeerelliiwa ddenndda. Ddennddattho khaddinna mutteko.

Aheberi 1:14

Vano angelwaayo ttaani? Yaalla sika minepa ddinamurumeyella Mulluku nave Mulluku annaddiruma wi ddaakavihereke ayo enaavullusiwe.

Mateyu 24:31

Nave kineerewaarumiha angelwaaka ni nipallapata nuullupalli omapuroni mattheene masese a ellapo yavatthi. Nave angelwaalla eneerewaatthukumaniha ootthoolliwaaka ovenyera o mamallihello a ellapo yavatthi ophiya o mamallihellwaaye mamodda.

Mateyu 18:10

“Chenjerani wi muhimuvevulle mmodda a ang'onong'onwaalla. Vawi kinimuulleellani wi angelwiiwa ooddullu eri vamiitthoni va Attiitthaaka enthawi ddittheddene.

Yobu 21:13

Mallapwiiwa ennavira ehakallallaka, enakitthella o ellapo ya ookhwa.

Aheberi 2:14

Vawi anamwanaayo tti athu a mwiilli ni nikhame, Yesu mwaneenaaye aawa akhalla wonanko alliwa akawanana omuthwiiwa. Aheera ddenndda wi mwa okhwa waye amoononge Satana oyo arina masiva oowiiha okhwa,

Yohane 21:20

Petro arukunuwalleeye aamoona oohuddera mmodda olle Yesu aamukondilleeye, aathwaraka. Olliyoolla tti olle akeraatthille vakhuviru ni Yesu vamachellelloni nave amukoha Yesu wi, “Apwiya, ttaani oyo anuuvelleelleni wi mwiiphiwe?”

Luka 12:20

Nave Mulluku aallota wa olliyooyo wi, ‘Muthu ookarangeya we! Mahiiyu vaava okumaawo oneeromalla, ttaani anaavahiwe ddeko ddittheddene odduukellenlleewe weekha?’ ”

Mateyu 8:11

Kinimuulleellani wi anchichi eneerovenyera wookhuma nndduwa ni woovollowa nndduwa nave eneerocha ni makhollwaahu, Abrahamu, Isaki ni Yakobo, va machellello mu omwene wa Mulluku.

Yesaya 22:16

“Ethiyo eneerawo tini wuno? Ollipalle murima mwawiidde va wiikatella mahame wuno wiikatella mahame vamwaangoni ni wiisemella moovumellamo m'mallukuni?

Yesaya 14:18

Mamwene mattheene a mitundu dda athu enakona mooriiheya, arive muthu mu mahame aayeaaye.

Luka 16:21

Nave atiyera wi acheke ddoohalla ddoomora ovenyera voochella va muthu a eyuumooyo. Naari anapwa yaanawa enallandda m'makhwatanimmo.

Yohane 1:18

Khaavo muthu amoonille Mulluku koma mwaana mmoddave oyo arittho Mulluku nave oyo ari a vamurimani vaye sika amuupullullalle.