Luka 16:20 - Mawu a Mulluku

²⁰ Nave waakhallattho muthu oohoowa nnddina naye Lazaro. Aari amakhwata mwiillaaye muttheene nave aaddollweella okeraatthi vamullakoni va enyumba ya muthu a eyuumooyo nllapo ni nllapo.

Luka 16:20 ပူးပေါင်းရင်းမြစ်များ

Mitteko 3:2

Nave muthu mmodda ookhwa meto eyariwellwaaye aakuselliwawo. Olliyooyo mallapo mattheene aanakusiwa anahiyiwa vamullakoni wa enyumba ya Mulluku wooromolliwa “Mullako Wooreera” wi aavekeke makobiri athu yaavollowaka mu enyumba ya Mullukweeyo.

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.

Yakobo 1:9

Ookhulupilila oohoowa ehakallalleke vawi Mulluku annawunnuwiha.

Luka 16:21

Nave atiyera wi acheke ddoohalla ddoomora ovenyera voochella va muthu a eyuumooyo. Naari anapwa yaanawa enallandda m'makhwatanimmo.

Yobu 2:7

Sika Satana aavenyavo vamiitthoni va Apwiya. Vano aaya woomuhoosa Yobu ni etthuku ddoovoreya ovenyera omanyalloni ophiyera omuruni waye.

1 Samuele 2:8

Ennaavenyiha athu oohoowa vaddallani, yaakeraatthiha vamodda ni mamwene, ewinnya mpando woolemu. Matthipellello mattheene a ellapo yavatthi tti a Apwiya, yaakeraatthiha ellapo yavatthi va matthipellellwaayo.

Yeremiya 8:22

Ethiyo o Giliyadi khawuri murete? Ethiyo wenko khawuri allupa murete? Kaambiiwa tini makhwata a athwaaka ehinavolliiwa?

Yesaya 1:6

Ovenyera onnyalloni ophiyera omuruni khaviivo vaphaama koma viri marudda, etthuku ni makhwata makitthi. Makhwateene ttoohihuwiwa, oohimakiwa ni oohihelliwa makhura.

Masalimo 73:14

Kinnakatamihiwa nllapo nittheene, kinnallakiwa orive ohinase.

Masalimo 34:19

Athu oolungama ennoona ddoohoosa ddinchichi, koma Apwiya ennaavullusa mu ddittheddene.

Yohane 11:1

Muthu mmodda, nnddina naye Lazaro aamavoriiwa. Akhalla o Betaniya, m'muzi mmo Mariya ni mwanamunne Marita yakhalliiwa.

Mateyu 26:71

Nave akhumeeye oya omullakoni, mullupa mutteko mmodda aamutthiyana aamoona allota wa athu yaari vaavo wi, “Oyottho aari nimodda ni Yesu oovenyera o Nazareti.”

Luka 16:19

“Waakhalla muthu mmodda eeyuuma oyo awara ddoowara ddoowallamella mutengo nave nllapo ni nllapo aanakhoza machellello a ddoocha ddinchichi.