Luka 16:2 - Mawu a Mulluku

² Sika apwinnyaayo yaamwiithana ellota wi, ‘Kiniiweeminndda dda weyaano tti ddawoona? Kitthopoollelle dda muttekwaawo muttheene va eyuumaaka vawi khovirellella okhalla mullupa muttekwaaka.’

Luka 16:2 ပူးပေါင်းရင်းမြစ်များ

Yawuupullulla 20:12

Nave kaawoona ookhwa, uullupalli ni ang'onong'ono, yiimenlle vamiitthoni va mpando woomwene. Mabukhu yaahulliwa, nibukhu nimodda nahulliwe naari nibukhu na akumi. Athu ookhwaayo yaheeruziwa moollikana ni mitteko ddiwa nnddo ddalembiwe m'mabukhunimmo.

1 Petro 4:10

Arive muthu moollikana ni mmo ariiye kapitawo a emphaso dda Mulluku, amurumeyelleke mukhwaaye ni emphaso eyo aavahiweeye ni Mulluku.

1 Petro 4:5

Nave eneerewaakhulla mullatu vamiitthoni va Mulluku, oyo akhozekille oweeruza athu ookumi ni ookhweene.

1 Timoteo 5:24

Machimo a athu amodda ennooneya vaweella naari ehiniipiwe mullatu koma machimo a athu amodda ennooneya voollotani mullatu.

Oollalleya 12:14

Vallethi Mulluku aneereweeruza ddittheddene ddaweereya, ddaphaama apaalle ddoonanara naari ni ddoovittheya ddene.

1 Timoteo 4:14

Ohivevulle emphaso eri mwa weyaano, eyo yavahiwe wa weyaano oweella mwa mawu oollotella va enthawi ya wiiyaatthi wa matta a attekweene va weyaano.

2 Akorinto 5:10

Vawi hiyaano attheene ninaphwanella ophiyera vamiitthoni va Khrisitu wi neeruziwe ni olliyooyo. Arive muthu aneerothuviwa moollikana ni erive ello eerilleeye, yaphaama apaalle yoonanara.

1 Akorinto 4:5

Sika muhimweeruze arive muthu enthawi yoophwanella ehinakwakhwane, owa wa Apwiya. Eneerewooniha ddawiipittheya dda mwiipiphini nave eneerewuupullulla maganizo a athu. Nave attheene eneerewaakhella ntitimiho naye na wa Mulluku.

1 Akorinto 4:2

Ello emodda yoopaalleya tti yawi oorumeyella yaalla ekhalle oororomelleya.

1 Akorinto 1:11

Vawi athu amodda a mu nibanja na Koloe aakilleella wi vookhalla okangana variyari vanyu, asinnakanyu ni arokorakanyu.

Aroma 14:12

Sika arive muthu aneeromutakhella Mulluku ddeko eerilleeye.

Luka 12:42

Apwiya yahaakhulla wi, “Ttaani ari mullupa mutteko oororomelleya ni eezeru? Tti oyo apwinnya enaamutthoolliiwa wi aawehereke allupa mutteko attheene a mpa mwaye ni waavaha ddoocha va enthawi yaphaama.

Luka 12:20

Nave Mulluku aallota wa olliyooyo wi, ‘Muthu ookarangeya we! Mahiiyu vaava okumaawo oneeromalla, ttaani anaavahiwe ddeko ddittheddene odduukellenlleewe weekha?’ ”

Mateyu 12:36

“Kinimuulleellani wi va nllapo na echiweruzo muthu aneerewiipiwa mullatu va mawu mattheene oohikhalla ni mutteko ayo aallotilleeye.

Mateyu 20:8

“Vano misikuwa nndduwa nivollowaka mwaneena a ematoolle amulleella kapitawaaye wi, ‘Owiithane allupa mutteko wi waavahe mallivellwiiwa, waambeella ni ayo yaalembiwe moomallihella nave omallihe ni ayo yaalembiwe moowaambeella.’

Luka 16:1

Yesu aallota wa oohudderaaye wi, “Waakhalla muthu mmodda eeyuuma oyo aari ni mullupa mutteko oowehera eyuumaaye. Mullupa muttekooyo aaphwanyelliwa mullatu wawi aanoononga makobiri a apwinnya,

Luka 16:3

Mullupa muttekoolle aallota m'murimani mwaye wi, ‘Apwiyaaka eneerokichosa mutteko. Kineere tini? Ngiwora ollima nave oveka onnakiwulliha muru.