Luka 16:19 - Mawu a Mulluku

¹⁹ “Waakhalla muthu mmodda eeyuuma oyo awara ddoowara ddoowallamella mutengo nave nllapo ni nllapo aanakhoza machellello a ddoocha ddinchichi.

Luka 16:19 ပူးပေါင်းရင်းမြစ်များ

Ezekiele 16:49

Ochimwa wa Sodomu ni mizi ddaye waari wawi aaniitukhulla ni eyuumaaye yinchichi nave khaapwatha oohoowa ni oopaneya.

Ezekiele 27:7

Yahuuthunyella ni ekuwo yabafuta yoopetiwa phaama yoovenyera o Iguputo sika yaari wonanko embendalaawo. Ekuwo ddoosirana enyumba ddawo ddaari ddoobiliwira ni ddooreera ddoofiira ddoovenyera o ezilumba dda Elisha.

Yawuupullulla 18:16

wi, “Otulli! Otulli! Muzinda woovuwooyo! Aaddollweella owara ekuwo ddaweellesesa, ddabululu ni ddooreera ddoofiira ni wiireeriha ni golide, malluku oohiyanahiyana oowallamella mutengo!

Yawuupullulla 18:7

M'muhoose ni omumoriha ethakaraka ddawinlliha moollikana ni eyuuma owaaka ddoohakallalliha iivahilleeye yeekha. Vawi annallota yeekha wi, ‘Vano ngakiweheni, miyaano tti mwene aamutthiyana, ngihiyo naamukhwelle ngiwa kikumana ni ddawinlliha.’

Yawuupullulla 17:4

Mutthiyana oyo awanre ddoowara ddabululu ni ddooreera ddoofiira, ahiikhuneella ni ddooreeriha dda golide ni dda malluku oowallamella mutengo ddoohiyanahiyana. M'mattani mwaye amupharelle kapu a golide ooddalla ni ddoonanara ni ddawunkha dda mitteko ddaye ddooraruwannddo.

Luka 16:1

Yesu aallota wa oohudderaaye wi, “Waakhalla muthu mmodda eeyuuma oyo aari ni mullupa mutteko oowehera eyuumaaye. Mullupa muttekooyo aaphwanyelliwa mullatu wawi aanoononga makobiri a apwinnya,

Mariko 15:17

Vano yaamuwariha Yesu mukanjo wooreera woofiira, elluwa echipewa ya miiwa emuwariha m'muruni mwaye.

Ezekiele 16:13

Waawara ddooreerihella ddagolide ni ddasiliva. Ddoowara ddawo ddaari ddabafuta, ddoowallamella mutengo ni ekuwo ddoopeta. Waanacha othu waphaama, enwi ni makhura a olivi. Wahunnuwa mooreera nave waatthattuwa wonanko mwaaramwene.

Estere 8:15

Vano Mordekai aavenyavo vamiitthoni va mwene awarille ddoowara ddoomwene ddoobiliwila ni ddaweella navettho ni enduwira yoomwene yuullupalli ya golide. Aawarattho mukanjo wabafuta woofiira nave muzinda muttheene wahaamba okhuwa moohakallalla.

Oweeruza 8:26

Endolo ddavelleelliwennddo ddaallemella makilogaramu 20, wooheerengellavo ddooreeriha dda golide, ogufu wamukohi, ddoowara ddooreera ddoofiira dda mamwene a Midiyani ni malaamba a mukohi mwa ekamira.

Luka 15:13

Viviralle mallapo ooyeva, mwaana mung'onong'onooyo aakulliha ddeko ddaye ddittheddene nave aavenyavo ni makobiraaye aya o ellapo yorekamella. Wenko ahaachella makobiraayo vaweerani makhallello oovudduwa.

Mariko 15:20

Vano yamallihalliiwa omullotella epewe, yaamurulla mukanjoolle emuwariha ddoowara ddayenndde. Nave yaamuhoolliha oyaana wi yamutthomeye olliye vamutandani.

Miyambo 31:22

Anniipangella yeekha ddawiikhuneella nave annawara ddoowara ddabafuta ni ddooreera ddoofiira.

Luka 16:18

“Arive mullopwana amuhiya mwaariye amutthella mmodda animararuwa nave mullopwana anamutthella mutthiyana oohiyiwooyo animararuwattho.

Luka 16:20

Nave waakhallattho muthu oohoowa nnddina naye Lazaro. Aari amakhwata mwiillaaye muttheene nave aaddollweella okeraatthi vamullakoni va enyumba ya muthu a eyuumooyo nllapo ni nllapo.

Miyambo 14:24

Othuviwa wa athu eezeru tti eyuuma koma okarangeya wa oolloddowa tti okarangeya.

Yesaya 3:23

magalasi awoonellavo ekhove, ddoowara ddabafuta, enduwira ddimodda navettho ekuwo dda m'mathurini.