Luka 16:17 - Mawu a Mulluku

¹⁷ Nave tti ddookhweya wi oddullu ni ellapo yavatthi ddimalle ohiyana wi nlemba ning'onong'ono nimodda namalamulo nivenyihiwe.

Luka 16:17 ပူးပေါင်းရင်းမြစ်များ

Mateyu 5:18

Vawi kinimuulleellani ddawoona wi, ophiyera oddullu ni ellapo yavatthi ddimallille, khaviwa vivenyihiwa nlemba ning'onong'ono nimodda naari etthoka emodda va malamulwaalla ophiyera ddittheddene ddeeriwe.

Luka 21:33

Oddullu ni ellapo yavatthi ddineeromalla koma mawaaka khemalla. Ddaaphuwaka makukhu anaanweene munnadduwella wi ellimwe yohaatamella.

1 Petro 1:25

koma mawu a Apwiya tti oohimalla.” Mawu yaalla tti othenga waphaama oyo waallalleyiwe wa nyuwaano.

Yesaya 40:8

Manasi ennumma, malluwa ennanyaalla koma mawu a Mullukwaahu tti oohimalla.”

Aroma 3:31

Ethiyo malamulo khenna mutteko ekaamba ya echikhulupililo? Khe ddiiddo! Koma ninnasimikiza malamulwaayo.

Yesaya 51:6

Tukhullellani miitthwaanyu oddullu, wehani va ellapo yavatthi. Oddullu oneerorimeella wonanko mwiisi, ellapo yavatthi eneeromalla wonanko yoowara, athwiiwa attheene eneerokhwa wonanko engwillihi. Koma ovullusa waka onaakhalle wa enthawi yoohimalla, woopolla waka wa enthawi ddittheddene.

Yawuupullulla 21:4

Olliye aneerewaavutta miitthori m'miitthoni mwiwa. Khowattho okhalla okhwa winlla wiiwa ovoreya naari ekutho. Ddeko ddakhalle ddoovira.”

Yawuupullulla 21:1

Kahoona oddullu wanaanweene ni ellapo yavatthi yanaanweene. Oddullu ni ellapo yavatthi ddawaambanndde ddaarimeella nave enyanja kheyaariwottho.

Yawuupullulla 20:11

Nave kaamoona Mulluku akeraatthille vampandoni muullupalli waweella wa omwene. Ellapo yavatthi ni oddullu ddaathawa vamiitthoni vaye nave ddaarimeellattho.

2 Petro 3:10

Koma nllapo na Apwiya nineerophiya wonanko mullupaawiiya. Va nllapo nenno oddullu oneeromalla ni okhuwa wuullupalli ni ddeko ddooddullu ddineerewoonongiwa ni munllo. Nave ellapo yavatthi ni ddeko ddittheddene dda mwemmo ddineerewooneya.