Luka 15:8 - Mawu a Mulluku

⁸ “Mutthiyana ookhalla ni makobiraaye khumi nave arimeehavo nikobiri, anaaweere tini? Aneerokhariha enyalaaye, aneeroshella mpa mutthemwenemmo, aashaasha mwawiithaallella virive veko ophiyera aniphwanyille nikobirinno.

Luka 15:8 ပူးပေါင်းရင်းမြစ်များ

Ezekiele 34:12

Mmo mbusa anaashaashelleeye enkhosa ddaye ddapallalleyella wuuteete, miyaanottho kineereweera emoddamoddave yeeyo. Kineeroddivullusa orive weko nko ddapallalleyelliiwawo va enthawi ya epiphi ni ya ethapo.

Luka 19:10

Mi, Mwaana a Muthu, kawiille wi kiwaashaashe ni waavullusa athu oohollowa.”

Yohane 10:16

Nave kookhallattho ni enkhosa ddimodda ddoohikhalla dda nikhollanna. Kinaphwanella kiddikusettho ddenndda nave ddineerewiiwa mawaaka. Ddineerokhalla mulloko mmodda ni ddimoddannddo ni mbusa mmodda.

Yohane 11:52

ohiri munipuroni na mutundu yooyove komattho wi aatthukumanihe vamodda anamwani a Mulluku ayo yaapallalleyille.

Aefeso 2:17

Sika Khrisitu aawa allalleya othenga waphaama wa murendelle wa attheene, wa nyuwaano athu ayo ehiri Ayuda oorekamellana ni Mulluku nave wa Ayuda yaatamanne ni olliyooyo.

Mateyu 5:15

Khaavo muthu anakhariha enyali, ayikhuneella ni muno koma anahiya va yoohiyavo enyali, mvo enamumolleelliiwa arive muthu mpammo.

Luka 15:7

Sika kinimuulleellani wi, emoddamoddave yeeyo oddullu oneerokhalla ehakallallo ekaamba ya muthu oochimwa mmodda arukunuwa murima ohiyana ni athu 99 ayo enaganiza wi tti oolungama nave khenapaalla orukunuwa murima.

Luka 15:9

Aniphwanya, aneeroowiithaniha akhwaaye ni athu awaatamanana nave aneerollota wi, ‘Hakallallani ni miyaano vawi kooniphwanya nikobiri naka narimellenne.’

Mitteko 19:19

Anchichi a ayo yaari amasenga yaawaana mabukhwiiwa vamodda nave yoosiwa vamiitthoni va athu. Yeerengiwiiwa vamodda mutengo wa mabukhwaayo waari muullupalli.