Luka 15:29 - Mawu a Mulluku

²⁹ Koma olliyooyo aawaakhulla attiitthinnyaayo wi, ‘Miyakha ddittheddenenndda kohuupharellani mutteko wonanko kaporo nave ngihiyalle wiiwellella malamulwaanyu. Koma khamwaakinnyalle naari mwanapuri wi kihakallalle ni akhwaaka!

Luka 15:29 ပူးပေါင်းရင်းမြစ်များ

Yawuupullulla 3:17

Vawi munallota wi, ‘Nookhalla ni eyuuma, khannapaalla ello,’ koma khamunadduwella wi munnamoriha ethakaraka, athu oohoowa, oohiwara ni oohoonattho.

Yawuupullulla 2:17

“Ngiiwani vano mwaarina maaru awiiwana ddinallota Munepa Waweella wa mipingo! “Wa ayo enaapambane kineerewaavaha mana mmodda oovittheya. Kineerowaavahattho nlluku naweella noolembiwa nnddina nanaanweene noohidduwelliwa ni muthu mmodda koma yooyove aakhenllooyo.

Aroma 10:3

Khenadduwella mmo Mulluku anaalungamihelleeye athu vamiitthoni vaye nave enathwara ettilla yayiwayayiwa; sika vano kheyaakhullelle ettilla ya Mulluku yowaalungamiha athu.

Aroma 7:9

Khalle kaanakhalla mukumi malamulo ehiiwo koma malamulo yawiilliiwa, machimo yaakhalla ni masiva,

Luka 19:21

Kaamawoovani kaambiiwa nyuwaano tti muthu awumma murima, munakusa eyo ehiri yaanyu navettho munahata nnddo muhaallilleenyu.’

Luka 18:9

Yesu ahaalleella niphwanaphwaniho athu ayo yiikhulupilila weekhiiwa wi tti oolungama yaavevullaka athu attheene.

Luka 17:10

Nyuwaanottho, mweera mulamulelliweenyu wi mweere, mulloteke wi, ‘Hiyaano niri mullupa mutteko oohiphwanella othokoziwa, neenre ninaphwanellaahu weera wonanko allupa mutteko.’ ”

Luka 15:7

Sika kinimuulleellani wi, emoddamoddave yeeyo oddullu oneerokhalla ehakallallo ekaamba ya muthu oochimwa mmodda arukunuwa murima ohiyana ni athu 99 ayo enaganiza wi tti oolungama nave khenapaalla orukunuwa murima.

Mateyu 20:12

Yaallota wi, ‘Athu alla yaalembiwe moomallihella yaphanre mutteko enthawi yooyeva koma hiyaano naavillella mutteko wa nllapo nittheene ni oviha wa nndduwa nave mohaallivella moophwanaphwana ni mmo muniillivenlleenyu.’

Malaki 3:14

Moollota wi, ‘Tti ddoohikhalla ni mutteko omurumeyella Mulluku. Ethiyo ttuuphuravo tini voothwarani malamulo a Apwiya Apwiya Amasiva Mattheene apaalle vawoonihani ethakaraka vamiitthoni viwa?

Zekariya 7:3

Yapaallattho wi yaakohe allupa mukutho a o enyumba ya Apwiya Amasiva Mattheene ni anamallotella wi, “Ethiyo hiyaano ninlleke ni ohalla ocha* va mweeri waneetthanu wonanko mmo neerelleehu wa miyakha ddinchichi?”

Yesaya 65:5

Nave ennaalleella amodda wi, ‘Venyanivoni, muhinaatamelle kaambiiwa hiyaano tti oopatuleya.’ Miyaano ngiwora ovillella ni athu yaalla vawi owallaaka va alliwa tti wonanko munllo woohithiima.

Aroma 3:27

Vano ninitukhullelle tini? Khayiivo! Nave kaambiiwa tini? Apaalle tti kaambiiwa ninniiwellella malamulo? Khe ddiiddo! Koma tti kaambiiwa ninnakhulupilila.

Aroma 3:20

Vawi Mulluku khaamulungamihalle arive muthu vamiitthoni vaye ekaamba ya wiiwellella malamulo. Malamulo enakhulla moona waadduwelliha athu wi aachimwa.

Luka 15:28

“Mwaana muullupalloolle aasha murima wawi khayiillettho onyumbani wulle nave attiitthinnya yaakhuma emuveka wi avollowe.

Luka 15:30

Mwaninyoolla ohoononga eyuumaanyu ettheene ni atthiyana ooraruwa. Nave ahokollowilleeye, moomwiiphella eng'ombe yooneneva!’