Luka 15:24 - Mawu a Mulluku

²⁴ Vawi mwanakoolla aari wonanko ookhwa, vano tti mukumi. Aarimeella, vano oophwanyeya.’ Vano yahaamba ohakallalla vamachellelloni.

Luka 15:24 ပူးပေါင်းရင်းမြစ်များ

Aefeso 2:5

vawi naariihu ookhwa m'munepani voohiiwellellani aanivenyiha vamodda ni Khrisitu. Echisomo ya Mulluku sika yuuvullusalleni.

Ezekiele 34:16

Kineeroddaashaasha ddaweeteeta kineeroddihokollosa ddoohollowa, kineeroddimaka makhwatiiwa ddoophoreya, kineeroddillipiha ddoofooka koma kineeroddoononga ddooneneva ni ddamasiva. Kineeroddichiha enkhosa ddaka mwa echilungamo.”

Akolose 2:13

Enthawi yeeyo mwaari ookhwa m'munepani ekaamba ya machimwaanyu navettho kaambiiwa khamwaari athwaaye, oohikhalla ni malamulo. Koma Mulluku ahuuvenyihani wi mukhalle akumi ni Khrisitu vookhululukellani machimwaanyu mattheene.

Luka 19:10

Mi, Mwaana a Muthu, kawiille wi kiwaashaashe ni waavullusa athu oohollowa.”

Aefeso 2:1

Khalle nyuwaano mwaari ookhwa m'munepani ekaamba ya ohiiwellella wanyu ni machimwaanyu.

Luka 15:4

“Mmodda a nyuwaano akhalla ni enkhosa ddaye 100 nave emodda ehollowa, anaaweere tini? Aneerohiya ddimoddannddo 99 voochihani vaavo aya aashaashaka emodda yooholloweeyo ophiyera ayiphwanyille.

Luka 15:32

Sika onnaphwanella wi nihakallalle, vamachellelloni kaambiiwa mwanamunno aari wonanko ookhwa, vano tti mukumi. Aarimeella, vano oophwanyeya.’ ”

Aroma 6:11

Sika nyuwaanottho muddooneke wonanko tti ookhwa o masiva a machimo navettho oomurumeyella Mulluku oweella mwa Khrisitu Yesu.

Aroma 8:2

Vawi malamulo a Munepa Waweella, ayo enanivaha okumi mu eyaattano ni Khrisitu Yesu, yookittaphulla miyaano o malamulo a machimo ni okhwa.

Aroma 12:15

Amodda yaahakallallaka, muhakallallekena nimodda nave amodda yaawinllaka mwinllekena nimodda.

Yesaya 35:10

Ayo Apwiya yawooponlliiwa eneerohokollowa, eneerophiya o Ziyoni yiipaka moohakallalla. Wenko eneerohakallalla wa enthawi yoohimalla, eneerothapella ni ohakallalla, ethakaraka ni winlla ddineeromalla.

Yohane 11:25

Yesu aamulleella wi, “Mi tti oyo anaavenyiha athu wa ookhwa ni waavaha okumi. Ayo enakikhulupilila miyaano aneerokhalla ni okumi woohimalla naari ekhwille.

Aefeso 5:14

Vawi erive ello enuupullulliwa phaama ennakhalla mu owala. Ella sika ekaambiiwa onallotiwa wi, “Venya, mullupa ookona, nave venya wa ookhwa, nave Khrisitu aneerewuumolleella.”

1 Akorinto 12:26

Echiwalo ya mwiilli emodda yoona ovoreya, eziwalo ddittheddene ddinniwana ovoreya. Echiwalo emodda yavahiwa olemu, eziwalo ddittheddene ddinnahakallallana.

1 Timoteo 5:6

Koma naamukhwelle oyo anahakallalliha minkhella dda yeekha, ookhwa khalle naari ari ni okumi.

Aroma 11:15

Vawi Aisraele yakhootiwiiwa ni Mulluku athu a va ellapo yavatthi yahaattanihiwa ni olliye. Onaakhalle wawiidde Aisraele yaakhullella! Onaakhalle wonanko ovenyihiwa wa ookhwa okhalla akumi.

Aroma 6:13

Naarittho muhiivelleelle nyookha o machimo wi muphare mutteko woonanara. Koma nyuwaano muvenyihiwe wa ookhwa wi mukhalle akumi, mwiivelleelle nyookha wa Mulluku navettho mwiivelleelle wa olliyooyo wi muphare mitteko ddoolungama.

Yohane 5:21

Vawi Attiitthaaka ennaavenyiha athu ookhwa enaavaha okumi, emoddamoddave yeeyo miyaano kinnavaha okumi wa ayo kinaapaalleemi.

Mariko 8:22

Yaawa o Betisaida nave wenko athu amodda yaawaana muthu oohoona wa Yesu, emuveka wi amuttannye wi amuchirihe.

Ezekiele 34:4

Khamuddillipihalle enkhosa ddoofooka, khamuddichirihalle ddoovoriiwa, khamuddimakille makhwatiiwa ddoophoreya, khamuddihokollosille ddoohollowa nave khamuddaashaashille ddoorimella. Koma mwaanaddichiha mweekuku.

Yawuupullulla 3:1

“Omulembelle oohoollella a mpingo wa o Sarde wi, “Alla sika mawu oovenyera wa oyo anasunga minepa mitthanu ni miilli ddinamurumeyella Mulluku ni oyo akusalle etheneeri dditthanu ni piilli m'mattani mwaye awi, kinnadduwella makhallellwaanyu, epilli ddanyu tti ddawi mookhalla ni okumi naari mukhwille!

Yuda 1:12

Yaalla sika enaripiha machellellwaanyu oohakallallella eyaattano mumpingoni vawi ennikonda weekhiiwa moohiwulliwa muru. Tti wonanko mirapo ddookakhiwa ni ephevo nave ddoohimurupiha murimu. Tti wonanko miteekho ddoohimma ezipaso naari ophiyalle omamallihello wa enthawi yoohata ezipaso. Tti wonanko miteekho ddootulliwa nave ddaakhwa.

Luka 10:19

Kohuuvahani olamulello woonyingalla enowa ni anamukalizi ni ogonjiha masiva mattheene a mudanaanyu. Khavikhalla ello enuuvoreyeni.

Genesis 45:28

Sika aallota wi, “Ddawoona, mwanaka Yosefe ookhallawo. Kineeroyaawo kamoone kihinakhwe.”

Yesaya 66:11

Muneerewaamwa ni ovona ni mapelle a ddookhurumusa murima ddaye, muneerowamulla mukaka ni ohakallalla ni waata wa oriiheya waye.

Mateyu 8:22

Koma Yesu aallota wi, “Kithware nave waahiye ookhwa yaavittheke ookhwa akhwiiwa.”

Luka 9:60

Koma Yesu ahaakhulla wi, “Waahiye ookhwa yaavittheke ookhwa akhwiiwa. Koma khawe waallalleye dda omwene wa Mulluku.”

Luka 15:23

Khaweni mwayikusettho eng'ombe yooneneva mwiiphe wi niche ni ohakallalla!

Luka 15:25

“Nave mwanaye muullupalli aari omata. Vano aatamenlleeye onyumbaninko ahiiwa wiipa ni wiina.