Luka 15:20 - Mawu a Mulluku

²⁰ Vano aatimulla ahokollweella wa attiitthinnya. “Aweeye voorekama ni owaniwanko attiitthinnyaayo yaari emonne khalle. Vano yammorella ethakaraka wunchichi emuthamakella nave yaamuvaha mooni voomukhupaarellani.

Luka 15:20 ပူးပေါင်းရင်းမြစ်များ

Masalimo 86:5

Nyu Apwiya tti aphaama ni ookhululukella, echikondaanyu yoohisintheya tti yuullupalli wa attheene ayo enawiithanani.

Masalimo 86:15

Koma nyu Apwiya, tti Mulluku eechifundo, Mulluku ooreera murima, oohaakuva osha murima, ooddalla ni echikondi yoohisintheya ni oororomelleya wunchichi.

Aefeso 2:13

Koma vano, mu eyaattano ni Khrisitu Yesu, nyuwaano ayo mwaari voorekamella ni nikhame na Khrisitu mookuselliwa vakhuviru.

Yesaya 49:15

Apwiya yahaakhulla wi, “Ethiyo mutthiyana ttuumutiwalla mwanaye awaamwa apaalle oohimweerella echifundo mwaana oomuyara yeekha? Naari amutiwanlle mwanaye, miyaano, ngiwa kuutiwallani.

Genesis 33:4

Koma Esau aathamaka aya akumanana, amukhupaarella nave aamullochella mwa echikondi nave eellaayo vamodda yaamoriha miitthori.

Aefeso 2:17

Sika Khrisitu aawa allalleya othenga waphaama wa murendelle wa attheene, wa nyuwaano athu ayo ehiri Ayuda oorekamellana ni Mulluku nave wa Ayuda yaatamanne ni olliyooyo.

Yeremiya 31:20

We Efuremu, mwanaka a vamurimani, mwaana oyo kinahakallalleemina. Enthawi ddittheddene kaamuhumullullaka, kinnavirellella omuupuwella mwa echikondi vawi murimaaka onnampaallesesa, kineeromweerella echifundo.

Yesaya 57:18

“Kahoona mmo yeerelliiwa komave kineerewaachiriha. Kineerewaahoollella ni waakhurumusa murima nave anaminlla eneerokithokoza ni eyano ddiwa.

Genesis 46:29

Yosefe ahiithaniha gareta naye, aya o Gosheni wi akumane ni Yakobo attiitthinnya. Aphiyalle vamiitthoni viwa, ahaakhupaarella munikohini nave ahinlla va enthawi yoorekama.

Genesis 45:14

Enre ddiiddo aamukhupaarella Benjamini, mung'onong'onwaayoolle, ahaambattho winlla. Nayeenettho Benjamini ahaamba winlla nngu amukhupaarelle munikohini.

Mitteko 20:37

Athu attheene yahinlla yamukhupaarelliiwa nngu ellaanyanaka.

Mitteko 2:39

Vawi olonjeza wenko tti wa nyuwaano ni wa aniinyu ni athu attheene ayo eri woorekama, attheene ayo Mulluku Apwiihu anaawiithaneeye.”

Hoseya 11:8

“We Efuremu, ethiyo kinaawuuhiye mwawiidde? We Israele, kinaawuutathille mwawiidde? Ethiyo kinaawuutthattuse mwawiidde wonanko Adima? Ethiyo ttuuwoononga mwawiidde wonanko Zeboimu? Murimaaka wookhoota, echifundwaaka tti yuullupalli va alliwa.

2 Samuele 14:33

Sika Yowabu aaya wa mwene akambirana ni mwenooyo ddennddo. Vano mwenooyo aamwiithaniha Abishalomu. Nave olliye aawa wa mwene akokhora vamiitthoni vaye. Nave mwenooyo aamwaakhella phaama voomukhupaarellani.

Luka 15:19

Nginaphwanellattho oromolliwa wi mwaninyu, mukaakhullelle wi kikhalle wonanko allupa muttekwaanyu.’

Luka 15:21

Vano mwaanooyo aallota ni attiitthinnyaayo wi, ‘Attiitthaaka, kaamuchimwella Mulluku ni nyuwaano. Nginaphwanellattho oromolliwa wi mwaninyu.’