Luka 15:18 - Mawu a Mulluku

¹⁸ Kineerotimulla kiye wa attiitthaaka kallote wi, Attiitthaaka, kaamuchimwella Mulluku ni nyuwaano.

Luka 15:18 ပူးပေါင်းရင်းမြစ်များ

Maliro 3:40

Hankoni niwoone ni oweesa makhallellwaahu nave nihokollweelle wa Apwiya.

Luka 15:21

Vano mwaanooyo aallota ni attiitthinnyaayo wi, ‘Attiitthaaka, kaamuchimwella Mulluku ni nyuwaano. Nginaphwanellattho oromolliwa wi mwaninyu.’

Luka 18:13

“Koma ookhomiha musonkhoolle ahiimella voorekamella naari khaatukhunlle ekhovaaye oweha oddullu koma aamoona odduukutha vakhakaddani vaye allotaka wi, ‘Mulluku mukeerelle echifundo, miyaano muthu oochimwa!’ ”

Mateyu 6:14

“Mwaakhululukella ayo yuulakwenlleni, Attiitthaanyu ooddullu eneerewuukhulukellanittho.

Yeremiya 3:19

Apwiya enallota wi, “We Israele, ddeerokiddivella wuuhiya variyari va anaaka, wi kuuvahe ellapo yaphaama, yoohallana yooreeresesa okhwaranya ellapo ya mitundu ddimodda dda athu. Kapaalla wi mukeereke attiitthi, wi khamuwa mukihiyattho miyaano.

Masalimo 25:11

Nyu Apwiya, ekaamba ya nnddina nanyu, mukikhululukelle machimwaaka vawi mullatwaaka tti muullupalli.

Mateyu 6:9

Vano muvekelleke mwawi ddiidda, Attiitthiihu ooddullu, nnddina nanyu naweella nititimihiwe,

Mateyu 3:6

Yaalapa machimwiiwa nave ahaabatiza athwaayo mu Yordani.

Yeremiya 31:20

We Efuremu, mwanaka a vamurimani, mwaana oyo kinahakallalleemina. Enthawi ddittheddene kaamuhumullullaka, kinnavirellella omuupuwella mwa echikondi vawi murimaaka onnampaallesesa, kineeromweerella echifundo.

Yesaya 63:16

Vawi nyuwaano sika attiitthiihu naari Abrahamu ahinidduwellaka navettho Israele ahinaakhullaka. Koma nyu Apwiya muri attiitthiihu, oonoopollaahu waambeella khalle.

Miyambo 23:13

Ohilepheleke omullaka mwaana vawi wamuwashulla ni ekopo khakhwa.

Mateyu 7:11

Naari muri oonanara munnadduwella waavaha aniinyu ddeko ddaphaama. Attiitthaanyu ooddullu ennavaha ddeko ddaphaama wuukhwaranyani nyuwaano wa ayo enamuveka.

2 Epilli 33:19

Nave ovekella waye ni mmottho Mulluku iiwelleeye, machimwaaye mattheene, ohiroromelleya waye ni mapuro amakilleeye oollapellamo mafano nko iimenseeye mafano a Asherimu ni mafano mamodda ahiniiyevihe, ddittheddenenndda ddoolembiwa mu nibukhu na epilli ya anamallotella.

Luka 11:2

Nave Yesu aallota wi, “Mwaavekellaka, mulloteke wi, ‘Attiitthiihu, nnddina nanyu naweella nititimihiwe, omwenaanyu owe.

Yona 3:9

Anadduwella ttaani apaalle Mulluku ttuurukunusa maganizwaaye, onikhululukella wi nitthollosiwe.’ ”

Yona 2:4

Sika kaallota ni murima wi, ‘Mookitathillella woorekama ni nyuwaano. Ethiyo kinoonettho mwawiidde enyumbaanyu yaweella?

Daniele 4:26

Amithenga yaallota wi ehiye nikoto ni misisi ddiwa sika wi muneerokhallattho mwene mwawa mwaakhullella wi Mulluku sika analamulella ellapo yavatthi.

Maliro 3:29

Apopheye ekhovaaye vanthupini, apaalle etiyerellwaaye ttuukhallavove.

Luka 15:17

“Vano aadduwella olakwa waye allota m'murimani mwaye wi, ‘Allupa mutteko oowanihu aakhalla ni ddoocha ddinchichi ddawi khenawora oddimalliha koma miyaano wuno kinimakhwa ni ettalla!

Luka 15:19

Nginaphwanellattho oromolliwa wi mwaninyu, mukaakhullelle wi kikhalle wonanko allupa muttekwaanyu.’