Luka 15:17 - Mawu a Mulluku

¹⁷ “Vano aadduwella olakwa waye allota m'murimani mwaye wi, ‘Allupa mutteko oowanihu aakhalla ni ddoocha ddinchichi ddawi khenawora oddimalliha koma miyaano wuno kinimakhwa ni ettalla!

Luka 15:17 ပူးပေါင်းရင်းမြစ်များ

Ezekiele 18:28

Vawi aadduwella onanara wa machimwaaye, aahiya, aneerokhalla ni okumi nave khakhwa.

Aefeso 5:14

Vawi erive ello enuupullulliwa phaama ennakhalla mu owala. Ella sika ekaambiiwa onallotiwa wi, “Venya, mullupa ookona, nave venya wa ookhwa, nave Khrisitu aneerewuumolleella.”

Yeremiya 31:19

Vano vawi noorukunuwa, ninnamoriwa ethakaraka. Vawi noohuddera, ninnadduukutha vakhakaddani. Noowulliwa muru nave noonyaambusiwa, ekaamba ya machimwaahu naariihu asombwe.’

Mitteko 2:37

Athwaalle yiiwalliiwa ddenndda, yaahoowa m'murimani mwiwa nave yaamukoha Petro ni amurummwa amoddaayo wi, “Vano neere tini, akhwiihinyu?”

Luka 16:23

Nave muthu a eyuumoolle ahooweeye o gehena, aaweha oddullu. Wenko aamoonawo Abrahamu ari voorekamella nave Lazaroolle ari vakhwipi ni Abrahamooyo.

Luka 8:35

Athu yaakhuma wi yoone yeereyeeyo. Yaphiyalliiwa wa Yesu, yaamoona muthu oyo minepa ddoonanara ddaakhumalle mwa olliyooyo akeraatthille vakhuviru ni Yesu. Aari awanre phaama, ari ni maganizo aphaama. Nave attheenaayo yahoova.

Maliro 1:7

Va mallapo a ddookatamiha ddaye ni ohollowa waye, Yerusalemu annuupuwella ddaphaama ddittheddene nnddo aariiyena mallapo akhalle. Athwaaye yavelleelliwiiwa m'mattani mwa adani, khaarivo oomukavihera. Adanaaye yaanamuwehesesa moomunyindulla, ettheyaka omora waye.

Oollalleya 9:3

Yoonanara wunchichi mwa ddittheddene ddaweereya vatthimva tti yawi otulli omoddamoddave yoolla onnaamorella attheene. Emoddattho tti yawi mirima dda athu tti ddooddalla ni ddoonanara ni ddaanepa eri akumi nave vatulli viwa ennakhwa.

Masalimo 73:20

Nyu Apwiya, muneerewaavevulla wunchichi mwaavenyeka wonanko mmo muthu ananyemullelleeye ddoolloha avenya ohinase.

Masalimo 119:59

Kaaganizellaka ettilla ddaka, kinnarukunuwa wi kithware malamulwaanyu.

Hoseya 2:7

Aneerothamakella ezibwenzi ddaye koma khaddiphwanya. Vano aneerollota wi, ‘Kihokollweelle wa mamunaka vawi khalle kaanakhalla phaama ohiyana ni muttano.’

Luka 15:16

Musombooyo aanapaalla ochana makattha yachiwa ni ekumbannddo koma khaarivo muthu amwinnyalle makatthaayo.

Mitteko 12:11

Nave Petro aadduwella ddamweereyellennddo allota wi, “Vano koodduwella wi tti ddawoona! Apwiya yaamurumiha mungelwiiwa wi akivulluse wa Herode ni wa ddeko ddittheddene Ayuda yatiyeriiwa wi ddikeereyelle.”