Luka 14:21 - Mawu a Mulluku

²¹ Mullupa muttekoolle aahokollowa nave aalleella ddittheddene apwinnyaalle. Vano apwinnyaayo yaasha murima emulleella mullupa muttekoolle wi, ‘Akuva, khawe omisewuni ni o ettilla dda etawoneella nave waweena athu oohoowa, oorakalla, oohoona ni ookhwa meto.’

Luka 14:21 ပူးပေါင်းရင်းမြစ်များ

Luka 14:13

Waakhozaka machellello, owiithane oohoowa, oorakalla, ookhwa meto, oohoona.

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.

Mateyu 11:5

Oohoona ennoona, ooheeta enneeta, athu amakate enneellihiwa, oohiiwa enniiwa, ookhwa ennavenyihiwa navettho othenga waphaama onnallalleyiwa wa athu oohoowa.

Yohane 9:39

Yesu aallota wi, “Kaawa mu ellapo yavattheella wi keeruze wi ayo ehinoona yoone nave ayo enoona ekhalle oohoona.”

Luka 14:24

Kinimuulleellani wi khaavo naari mmodda awiithaniwaalle oyo anaallawihe machellellwaakaalla.’ ”

Yesaya 35:6

Oorakalla eneerollupha wonanko mphoyo, oohillota eneerewiipa moohakallalla. Aneetuutu eneerotuuwa muchipululuni, mihinje ddineereweeta mu ellapo yawumma.

Aheberi 2:3

Vano, ninaavulluwe mwawiidde navevulla yoovullusa yuullupalleella? Apwiya mwaneena sika yaambille ollalleya yoovullusa yeella nave ayo yawiiwalle yaanilleella wi tti ddawoona.

1 Samuele 2:8

Ennaavenyiha athu oohoowa vaddallani, yaakeraatthiha vamodda ni mamwene, ewinnya mpando woolemu. Matthipellello mattheene a ellapo yavatthi tti a Apwiya, yaakeraatthiha ellapo yavatthi va matthipellellwaayo.

Yawuupullulla 22:17

Munepa Waweella vamodda ni Ootthelliwa eni, “Waani!” Arive muthu oyo aniiwa, anaphwanellattho ollota wi, “Waani!” Arive muthu arina nthona awe, oyo anapaalla, aakhelle maaddi ookumi moohillivella.

Yawuupullulla 19:15

Nsupada nawiisha naanooneya nikhumellelle otte ovenyera muwano mwaye ni nenna aneerewaallakella athu a va ellapo yavatthi. Aneerewaalamulella ni ekopo ya mukoko nave aneerovota mpesa mu yoovotella ya osha murima wawoopiha wa Mulluku Amasiva Mattheene.

Aheberi 13:17

Muwiiwellelleke oohoollellaanyu ni waagonjera vawi alliwa ennawehera mirima ddanyu enthawi ettheene vawi eneerotthopoolla mitteko ddiwa vamiitthoni va Mulluku. Mwawiiwellella eneerekophara muttekwiiwa moohakallalla. Mwaaheera ddiiddo, eneerokhumuwa nave kheyuukaviherani nyuwaano.

Luka 24:47

Nave mu nnddina naye ollalleyiwe othenga woorukunusa murima ni okhululukiwa wa machimo wa athu attheene, waambeella mu Yerusalemu.

Mateyu 11:28

“Waani wa miyaano attheenenyu ootopa ni oollemelliwa m'murimani mwanyu, miyaano kineerowiithuuwihani.

Yesaya 33:23

Mikwe dda ekallawa dda adanaahu ddoottaphuwa wawi khaddiwora ollipiha mulongotiiwa nave embenderiiwa khettaphuruwa. Sika ddawaakha ddahu ddineerewaata wunchichi wawi vookawanani naari oorakalla eneerototavo ello.

Luka 9:10

Vano amurummwa a Yesu yahokollowilliiwa yaamulleella Yesu ddittheddene yenriiwa. Ahaakusa attheenaayo ayaana wa weekhiiwa o etawoni yooromolliwa Betisaida.

Mateyu 18:31

Vano allupa mutteko amoddaayo yoonilliiwa yaweereyeeyo yahaapheella muru nave yaaya wa mwenoolle yamulleella ddittheddenenndde.

Mateyu 15:12

Vano oohudderaalle yaawa wa olliye ellota wi, “Munnadduwella wi Afarisaalle yaasha murima ni nnddo mwaallotilleenyu?”

Zekariya 11:11

Sika echipanganweeyo yaamalla nllapo nenno nave ookulliha enkhosa ayo yakiwehesesa yaadduwella wi ddittheddene keereemi ddaari ddoovenyera wa Apwiya.

Zekariya 11:7

Vano kahaamba owehera enkhosa ddooya wawiiphiwanndde. Kaakusa ekopo piilli yawaamba kaayiromolla Echisomo nave yaneepiilli Mwiiwanano. Sika kaawuwehera phaama mulloko wa enkhosoolle.

Yeremiya 5:1

Thamakani nngu ni nngu m'misewuni dda Yerusalemu, muddoonelle nyookha. Ashaashani o mathatwaaye wi mumphwanyewo aweera ddoolungama, owaashaasha yawoona wi kimukhululukelle Yerusalemu.

1 Samuele 25:12

Vano athwaayo yaarukunuwa eya yamulleella Davide mawu mattheenaalla.

Masalimo 38:7

Mwiillaaka muttheene wooviha, virive veko vinnakivoreya.

Masalimo 2:12

Mukokhorelleni moomugonjella mwanaye, wi ahuunanariwelleni, wi muhoonongeye, vawi khanallekella osha murima. Oodalisiwa tti ayo enathawella wa olliye.

Luka 14:20

Mmoddooyottho aallota wi, ‘Ttuutthella wene, sika ekaamba ya yeeyo ngiwora owa.’

Luka 14:22

Nave mullupa muttekooyo awiithanille athwaayo aallota wi, ‘Apwiya, mwaakilamulalleenyu koheera koma enyumbeeyo kheddanlle.’

Mateyu 20:7

Vano yahaakhulla wi, ‘Khaavo anilembille mutteko.’ Ahaalleella wi, ‘Khaweni nyuwaano mwapharettho mutteko m'matani mwaka.’