Luka 14:15 - Mawu a Mulluku

¹⁵ Mmodda a athu ayo yacha ni Yesu iiwalleeye mawaalla aallota ni Yesu wi, “Oodalisiwa tti muthu anaawe akhallevo vamachellelloni mu omwene wa Mulluku.”

Luka 14:15 ပူးပေါင်းရင်းမြစ်များ

Yawuupullulla 19:9

Vano mungelo aallota wa miyaano wi, “Lemba ddenndda, oodalisiwa tti ayo yiithaniwe omachellelloni a okwati wa mwaanaankhosa.” Ahoonjererattho ollotanko wi, “Yaalla sika mawu awoona a Mulluku.”

Luka 22:30

Vano muneerocha ni owirya ni miyaano mu omwenaaka nave muneerokeraatthi vampandoni woomwene wi muweeruze malloko khumi ni meelli a Israele.

Luka 13:29

Athu eneerovenyera wookhuma nndduwa ni woovollowa nndduwa, ompoto ni omwera nave eneerocha va machellello mu omwene wa Mulluku.

Mateyu 25:10

Sika ookarangeyaalle yaaya wookulla makhura mamodda nave eviralle, ootthella aaphiya. Atthanu eezeru yaakhozekillaalle yaavollowa ni olliye mu machellello a okwati. Nave nchiwi naawalliwa ookarangeyaalle ehinahokollowe.

Luka 12:37

Oodalisiwa tti allupa mutteko ayo pwiiwa aawaaka anaaphwanyeeye ehinakone, emutiyeraka! Ddawoona, kinimuulleellani wi, pwiiwooyo aneerom'makella laambaaye, aakeraatthiha voochella nave aamba waarumeyella.

Mateyu 8:11

Kinimuulleellani wi anchichi eneerovenyera wookhuma nndduwa ni woovollowa nndduwa nave eneerocha ni makhollwaahu, Abrahamu, Isaki ni Yakobo, va machellello mu omwene wa Mulluku.

Luka 22:16

Vawi kinimuulleellani, ngiwa kimuchattho ophiyera ekwakhwanihiwe mu omwene wa Mulluku.”