Luka 14:13 - Mawu a Mulluku

¹³ Waakhozaka machellello, owiithane oohoowa, oorakalla, ookhwa meto, oohoona.

Luka 14:13 ပူးပေါင်းရင်းမြစ်များ

Luka 14:21

Mullupa muttekoolle aahokollowa nave aalleella ddittheddene apwinnyaalle. Vano apwinnyaayo yaasha murima emulleella mullupa muttekoolle wi, ‘Akuva, khawe omisewuni ni o ettilla dda etawoneella nave waweena athu oohoowa, oorakalla, oohoona ni ookhwa meto.’

Yesaya 58:10

mwaawaachihaka eettalla ni waakavihera oohoowa, epiphi eyo ewaapheelleni eneerotthattuwa owala wonanko otthaana.

Miyambo 14:31

Owaanyingallella oohoowa annamweerella epewe Mullukwaaye koma ooweerella echifundo oopaneya annamutitimiha.

Yesaya 58:7

Eettalla mwaakawelleke ddoocha ddanyu nave oorama vookhalla mwaakawellekewo nipuro nanyu, oosiwa mumvaheke yoowara nave mwaakavihereke abalaanyu.

Aheberi 13:2

Muupuwelleke owaakhella phaama alleto owaninyu. Vaweerani nndda amodda yaawaakhella angelo moohidduwella.

Nehemiya 8:10

Sika aallota wi, “Khaweni mwache machellello ni omuwirya vinyo ooddiva. Mukawanena athu ayo ehinna ddookwakhwanella vawi ollello tti nllapo naweella wa Apwiya Mullukwaahu. Vano muhimoriwe ethakaraka vawi ehakallallo ya Apwiya sika masivaanyu.”

Mateyu 22:10

Sika allupa muttekwaalle yaaya omisewuni wulle yaatthukumaniha attheenaayo yaaphwanyilliiwa, oonanara naari aphaama vawi enyumba ya machellello yaaddalla ni awiithaniwa.

Deuteronomo 16:14

Muhakallalleke wunchichi va nllaponno, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi, alleto, akhwaadduni ni anaamukhwelle ayo enakhalla variyari vanyu.

1 Timoteo 5:10

Nave akhalle oovuwa ni mitteko ddaphaama, mutthiyana oyo aallenlle anaaye phaama, anawaakhella alleto phaama owaniwa, anaahapiha manyallo athu a Mulluku nave anaakavihera athu ayo eri mu ddoohoosa navettho aniivelleella va mitteko ddittheddene ddaphaama.

Deuteronomo 16:11

Sika muneerohakallalla vamiitthoni viwa, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ayo munakhalleenyuna m'muzi mwanyu, alleto, akhwaadduni ni anaamukhwelle ayo enakhalla variyari vanyu.

Deuteronomo 14:29

Yoocha yeella tti ya Alevi vawi alliwa khenna ellapo wonanko yoohallaniiwa. Navettho tti ya alleto, ya akhwaadduni ni anaamukhwelle ayo enakhalla m'muzi mwanyu. Athu yaalla eweeke ni okusa ddoorama ddiwa. Mweereke ddenndda wi Apwiya Mullukwaanyu yuudalisekeni va mitteko ddanyu ddittheddene.”

1 Timoteo 3:2

Oohoollella mpingo akhalleke oohikayikelliwa, akhalle ni mutthiyana mmodda, eezeru, awiihiiha, oovahiwa olemu, ookonda owaakhella alleto ni oowora ohuddiha.

Yobu 29:13

Muthu oyo aari vakhuviru okhwa aakidalisa, naamukhwelle kaanamwiipiha moohakallalla.

Nehemiya 8:12

Nave athu attheene yaarowa owaniwa wi yache ni owirya navettho wi yaakawelle athu amodda ddoocha wi yeereye ehakallallo yuullupalli ekaamba yawi yahiiwesesa mawu a malamulo ayo yeerengiwe wa alliwa.

2 Epilli 30:24

Hezekiya mwene a o Yuda aavelleella anankhoro eeng'ombe 1,000 ni eenkhosa 7,000 nave enduna ddaye ddaavelleella anankhoro 1,000 eeng'ombe ni eenkhosa 10,000 o mutthukumanonko. Nave allupa mukutho anchichi yaaddeelliha.

2 Samuele 6:19

Vano ahaakawella Aisraele attheene, allopwana ni atthiyana arive muthu mwitthi wa buledi, enthuli ya enama navettho keke ampesa. Vano athu attheene yaavenyawo arive muthu anaya owaniwa.

Tito 1:8

Akhalle ookonda owaakhella alleto ni ookonda ddaphaama. Akhalle awiiwehera yeekhaaye, oolungama, aweella murima ni awiihiiha.

Filemoni 1:7

Vawi mwanamunnaka, echikondaawo yookihakallalliha ni okillipiha murima wunchichi! Nave wohaallipiha mirima athu a Mulluku.

Mitteko 9:39

Vano Petro aatimulla athaananana athwaayo. Aphiyalleeye, aakusiwa aya mu echipinda yavaddullweelle, wenko anaamukhwelle attheene yaatthukumana emwaapheella yinllaka nave emoonihaka malaya ni ddoowara ddittheddene Dorika asowilleeye ari mukumi.

Luka 11:41

Koma mwaavaheke oohoowa nnddo ddiri muwari mwa makapu ni embale ddanyu sika makapwaanyu mattheene ni embale ddanyu ddittheddene ddineerokhalla ddaweella vamiitthoni va Mulluku.

Miyambo 22:9

Oyo ari ni niittho neechifundo aneerodalisiwa vawi annaakawella yoochaaye oohoowa.

Mateyu 15:30

Athu anchichi yaawa wa olliyooyo ni athu ookhwa meto, oohoona, oorakalla eziwalo, oohillota ni amodda oovoriiwa anchichi. Yahaahiya vahoollo vaye nave ahaachiriha.

Luka 14:12

Nave Yesu aallota wa muthu amwiithanillooyo wi, “Waavahaka yoocha yootthaana apaalle yamisikuwa ohiwiithaneke akhwaawo apaalle abalaawo apaalle a nlloko nawo apaalle awaatamanana eeyuuma vawi ni alliwattho eneerowiithana wi yuuhokolloselle.

Luka 14:14

Vano oneerokhalla muthu oodalisiwa kaambiiwa khewora wuuhokollosella koma Mulluku sika anuuhokolleselle va nllapo nno athu oolungama eneeriiwa evenyihiwe wa ookhwa.”