Luka 13:34 - Mawu a Mulluku

³⁴ “Yerusalemu, Yerusalemu! Athwaawo ennawiipha anamallotella nave ennaavokha malluku owiipha athu yarumihelliwiiwa ni Mulluku! Tti mallapo makavi kapanlleemi waakhupaarella athwaawo attheene wonanko mwanakhu anaakhupaarelleeye asaanaaye vatthi va muuphellwaaye koma nyuwaano khamwaapanlle.

Luka 13:34 ပူးပေါင်းရင်းမြစ်များ

Mitteko 7:52

Makhollwaanyu yaamuhoosa arive namallotella. Yaawiipha athu ayo khalle yallalleyille dda owa wa muthu oolungama oyo mwaamuvelleenlleenyu wi iiphiwe.

Yesaya 30:15

Sika Apwiya Mulluku, Aweella a Israele yaallota wi, “Orukunuwa murima ni ohokollowa ddinaakhalle ovullusa wanyu. Okhurumuwa murima ni ororomelleya sika ddinaakhalle masivaanyu.” Koma mwaakhoota weera ddennddo.

Luka 23:28

Koma Yesu aarukunuwa allota wi, “Nyu atthiyana a o Yerusalemu, muhinakinllellaka miyaano koma muddinllelleke nyookha ni aniinyu.

Luka 19:44

Eneerowiiphani nimodda ni aniinyu nave khavikhalla nlluku naari nimodda va nikhwaaye nihinaamorihiwe ni alliwaayo. Vawi khamwaapwathille dda enthawi eyo Mulluku awiilleeye wi uuvulluseni!”

Zekariya 1:4

Muhikhalle wonanko makhollwaanyu ayo yiiwalle mawu a anamallotella akhalle ootthopoolla othengaaka wawi, ‘Hiyani makhallellwaanyu oonanara ni oochimwa.’ Koma alliwa kheyaawiiwellelle naari vang'ono, Mi Apwiya koollota.

Hoseya 11:7

Athwaaka aawanddeellella ddookiwukila. Vano eneerewinlla ekaamba ya nigoli* nno niri va alliwa koma khaavo anaawaavenyihelle.”

Hoseya 11:2

Koma mmo kamwiithanelleemi, tti mmottho akithawelleeye, athwaaka yaanavelleella mikutho wa Abaala ni woosa lubani* wa mafano.

Yeremiya 6:16

Apwiya yaallota ni athwiiwa wi, “Imellani va makhullukano nave wehani. Mukohe nko ori ettilla ddakhalle nave nko ori ettilla yaphaama. Vano muhitathille ettilla yaphaameeyo wi mukhalle ni murendelle.” Koma mwaallota wi, “Khaniwa nithwara!”

Yeremiya 2:30

Kuullakelleni nivuddo nave khemwaahuddenrevo ello. Wonanko mukango wattalla, mwaawiipha anamallotellaanyu ni nsupada.

Masalimo 36:7

Nyu Mulluku, echikondaanyu yoohisintheya tti yoowallamella mutengo, athu ennathawella m'muuthuuchini wa muuphellwaanyu.

Rute 2:12

Apwiya yuuhokolloselle ddaphaama nnddo weerilleewe. Apwiya Mulluku a Aisraele yuuvahe emphaso yuullupalli vawi woowa wa alliwa wi yuuteteze.”

Mateyu 22:6

Amoddaalle yahaaphara allupa muttekwaalle ewuukutha nave ewiipha.

Mateyu 22:3

Ahaaruma allupa muttekwaaye wi yaalleelle awiithaniwa omachellelloni wi ewe koma kheyaapanlle owa.

Maliro 1:16

Ekaamba ya ddenndda kiniminlla, miitthwaaka ennamora miitthori, vawi ookikhurumusa murima khari vakhuviru, ookillipiha murima oorekamella. Athwaaka ehanlle weekhiiwa, vawi mudani oonigonjiha.

Yesaya 50:2

Ethiyo kaambiiwa tini kawiilleemi koma oohimphwanya muthu apaalle kiithanilleemi koma oohaakhulliwa? Ethiyo muwonwaaka tti wookhuveya wi khowora woopolla apaalle nginna masiva oovullusella? Ngoona ni ohumullulla wakeve kinnummiha enyanja, mihinje ddinnatthattuwa echipululu. Ekaamba yoorama maaddi, ehomba ddinnunkha ni okhwa ni nthona.

Masalimo 91:4

Eneerewuukhuneella ni muuphellwiiwa, oneerophwanya moothawellamo m'muuphelloni, ororomelleya wiwa onnateteza wonanko echishango.

Masalimo 81:13

Athwaaka yakiiwellelleke, Aisraele yathwanreke ettilla ddaka,

Masalimo 57:1

Mukeerelle echifundo, nyu Mulluku, mukeerelle echifundo, vawi kinnathawella wa nyuwaano. Kinnathawella vatthi va muuphellwaanyu ophiyera woononga oviralle.

Nehemiya 9:30

Orive muyakha mwaanaavillella nave mwaanaachenjeza ni munepaanyu oweella mwa anamallotellaanyu komave kheyaapella maaru. Sika ekaambiiwa mwaavelleelleenyu m'mattani mwa athu a mu ellapo ddimodda.

Yeremiya 35:14

Lamulo na Yonadabu mwaana a Rekabu nno alamunleeye edduullu ddaye wi ehiwe emuwirya vinyo, alliwa aanisunga. Khenamuwirya vinyo ophiyera ollello ekaamba yawiiwellella lamulo na nikhollo niwa. Kookhalla kuuchenjezakani wiilliwiilli koma nyu khemunakiiwellella.

Yeremiya 26:23

Alliwa yaamphara Uriya o Iguputo wenko emuwaana wa mwene Yehoyakimu. Mwene aalamula wi Uriya iiphiwe nave mutembwaaye yaawuvittha o mahame a athu shisha.

Masalimo 149:2

Aisraele ehakallalle ni awaaphatusiiwa, athu a o Ziyoni ethapelle ni mweniiwa.

Nehemiya 9:26

Komave athwaanyu yahuuwukilani nave kheyaawiiwellelleni. Yahaareya etulli malamulwaanyu nave yaawiipha anamallotellaanyu ayo yaachenjezille wi erukunuwelle wa wanyuwaano koma yaavirellella wuuvevullani.

Deuteronomo 32:29

Yaariki ni ezeru yeerewiiwesesa, yeerodduwella nnddo ddinaamorelle.

Deuteronomo 5:29

Kinapaalla wi eganizeke ddennddo mallapo mattheene wi ekooveke enthawi ddittheddene nave wi yiiwellelleke malamulwaaka wi ddeko ddiweetelleke phaama alliwa ni edduullu ddiwa wa enthawi yoohimalla!

Yawuupullulla 11:8

Nave mitembo ddiwa ddineerophwanyeya ddiri m'misewuni dda muzinda muullupalli, nko Apwiiwa yatthomeyiweewawo vamutandani. Muzindooyo waromiwe wi, “Sodomu apaalle Iguputo.”

Mitteko 8:1

Nave Saulo aaniiwanana ni wiiphiwa wa Sitefanonko. Nllapo nene nenno mpingo wa o Yerusalemu wahaamba ohoosiwa wunchichi. Ookhulupilila attheene waahiya amurummwa, yaapallalleyella mu echigawo ya Yudeya ni ya Samariya.

Mitteko 7:59

Yamuvokhiiwa mallukwaayo, Sitefano aavekella wa Apwiya wi, “Apwiya Yesu, akhellani munepaaka!”

Luka 15:28

“Mwaana muullupalloolle aasha murima wawi khayiillettho onyumbani wulle nave attiitthinnya yaakhuma emuveka wi avollowe.

Yowele 2:23

Nyu athu a o Ziyoni, hakallallani thapellani ni nnddo Apwiya Mullukwaanyu eweerelleewani. Aaweerellani echifundo voomurupihani murimu eeyitta, ntthokollapallaka ni murimu awaallella.

Maliro 4:13

Ddenndda ddaheereya ekaamba ya machimo a anamallotelliiwa ni ddoonanara dda allupa mukuthwiiwa ayo yawiiphalle oolungama.

Masalimo 17:8

Mukipwathe wonanko niittho nanyu, mukikhupaarelle ni muuphellwaanyu,

Yeremiya 35:17

Sika mi Apwiya Amasiva Mattheene, Mulluku a Israele, kineerowoononga ni athu attheene a o Yuda ni a o Yerusalemu kaambiiwa kheyaakiiwellelle kaalleelleemi, kheyaakaakhunlle kawiithanilleemi.”