Luka 13:31 - Mawu a Mulluku

³¹ Enthawi yeeyo Afarisi* amodda yaawa wa Yesu ellota wi, “Muvenyewo wuno muye waamodda wene kaambiiwa Herode* anapaalla awiipheni.”

Luka 13:31 ပူးပေါင်းရင်းမြစ်များ

Mateyu 14:1

Enthawi yeeyo Herode,* oolamulella a o Galileya, ahiiwa dda epilli ya Yesu.

Luka 3:1

Waari muyakha wa khumi ni mitthanu wa olamulella wa Kaisara* Tiberiyo, o Roma. Enthawi yeeyo Pontio Pilato aari oolamulella a o echigawo ya Yudeya. Herode* aari oolamulella a o echigawo ya Galileya nave mwanamunne Filipo* aari oolamulella a o echigawo ya Itureya ni ya Trakoniti. Lusaniya aari oolamulella a o echigawo ya Abilene.

Mateyu 14:3

Vawi khalle, Herode aalamula wi Yohane amakiwe nave yammaka emuhiya mundende. Aheera ddenndda ekaamba ya Herodiyasi, mwaara a mwanamunne, Filipo.*

Mateyu 14:6

Va nllapo nawuupuwella oyariwa wa Herode, olliyoolla aahakallallana mwaana aamutthiyana a Herodiyasi kaambiiwa ahinna vahoollo va athu attheene.

Luka 9:7

Vano Herode,* o Galileya, iiwalleeye ddittheddene ddeereyennddo ddaamuhalleelliha vawi athu amodda yaallota wi Yohane Oobatiza sika avenyille wa ookhwa.

Luka 23:7

Vano iiwalleeye wi Yesu anavenyera o echigawo yoolamulelliwa ni Herode,* aamurumiha wa Herode, oyo enthawi yooyo aari o Yerusalemu.