Luka 13:27 - Mawu a Mulluku

²⁷ Aneerollotattho wi, ‘Nginuudduwellani. Munavenyera wuuwi? Mukivenyerevo, attheenenyu athu oonanara!’

Luka 13:27 ပူးပေါင်းရင်းမြစ်များ

Mateyu 25:41

“Vano miyaano kineerollota wa ayo a o nnatta noonyottho wi, ‘Venyanivoni va miyaano, nyu ootembeleliwa ni Mulluku! Khaweni o omunlloni woohimalla oyo okharihelliwe Satana ni angelwaaye.

Masalimo 6:8

Mukivenyerevo, nyu attheene oonanara vawi Apwiya ahiiwa winlla waka.

Masalimo 119:115

Nyu aweera ddoonanara kivenyerenivoni wi miyaano kithwareke malamulo a Mullukwaaka.

Luka 13:25

Vano mwaneena a enyumbeeyo aneerowalla o mullako nave amodda a nyuwaano muneerewiimella vaatte, mookothaka vanchiwini mullotaka wi, ‘Apwiya, nihullelleni.’ Olliye aneerewaakhulla wi, ‘Nginuudduwellani. Munavenyera wuuwi?’

Masalimo 1:6

Apwiya ennapwatha meetello a athu oolungama koma ettilla ya athu oochimwa eneerewoonongeya.

2 Timoteo 2:19

Koma matthipello oollipa ayo yatthipelliwe ni Mulluku khewora otikhiwa. Nave va matthipellellwaayo voolembiwa mawu awi, “Apwiya ennaadduwella ayo eri ayiwa” navettho “Arive muthu anaromolla nnddina na Apwiya ahiye ddoonanara.”

Hoseya 9:12

Naari erimaayara anamwani kineerowoononga, khekhallana naari mmodda. Eneerokhalla ni otulli kaahiya.

Masalimo 125:5

Koma athu ayo enathwara ettilla ddiwa ddookhoromana, Apwiya eneerowiikarihella nko ori athu oochimwa. Murendelle okhalle ni Israele.

Masalimo 101:8

Orive ohinase kineerekowoononga oonanara attheene amwiillaponi, waavenyiha attheene aweera ddoohikhalla ni mutteko mu muzinda wa Apwiya.

Masalimo 28:3

Muhikivenyihelle nimodda ni athu aweera ddoonanara, ayo eneera ddoolleka, ayo enallota ddamurendelle koma m'murimani mwiwa muddanlle ddawiitana.

Masalimo 5:6

Nyuwaano munnawoononga athu awoottha. Apwiya munnananariwana awiipha ni oolleka.

Agalatiya 4:9

Nave vawi munnamudduwella Mulluku apaalle killote wi vawi Mulluku annuudduwellani kaambiiwa tini munahokollweelleenyu wa minepa ddoolamulella, ddoofooka ni ddoohikhalla ni mutteko? Kaambiiwa tini munapaalleenyu okhalla akaporo wiillittho?

1 Akorinto 8:3

Koma muthu aamukondaka Mulluku, Mulluku annamudduwella olliyooyo.

Mateyu 25:12

Koma ootthelloolle ahaakhulla wi, ‘Ddawoona, kinimuulleellani wi, nginuudduwellani.’