Luka 13:25 - Mawu a Mulluku

²⁵ Vano mwaneena a enyumbeeyo aneerowalla o mullako nave amodda a nyuwaano muneerewiimella vaatte, mookothaka vanchiwini mullotaka wi, ‘Apwiya, nihullelleni.’ Olliye aneerewaakhulla wi, ‘Nginuudduwellani. Munavenyera wuuwi?’

Luka 13:25 ပူးပေါင်းရင်းမြစ်များ

Luka 13:27

Aneerollotattho wi, ‘Nginuudduwellani. Munavenyera wuuwi? Mukivenyerevo, attheenenyu athu oonanara!’

Luka 6:46

“Munakiithanella tini wi, ‘Apwiya, Apwiya,’ muheeraka kinalloteemi wa nyuwaano?

Mateyu 25:41

“Vano miyaano kineerollota wa ayo a o nnatta noonyottho wi, ‘Venyanivoni va miyaano, nyu ootembeleliwa ni Mulluku! Khaweni o omunlloni woohimalla oyo okharihelliwe Satana ni angelwaaye.

Yesaya 55:6

Muwaashaashe Apwiya mvo enaphwanyeyiiwa, muvekelle wa alliwa mvo eriiwa vakhuviru.

Aheberi 12:17

Valle munnadduwella wi vatulli viwa aapaalla waakhella madaliso a attiitthinnya koma aawatteelliwa vawi kheyiivo aaweereeye wi asinthe eerilleeye khalle naari avekille moowinlla.

2 Akorinto 6:2

Vawi Mulluku anallota wi, “Enthawi kaganizalleemi ddawuukondella, kaawaakhullella, nllapo naphiyalliiwa wi kuuvulluse, kahuukavihera.” Ngiiwani! Ella sika enthawi yaphaama, ollello sika nllapo noovullusiwa!

Masalimo 32:6

Sika muthu oolungama avekelle wa nyuwaano mu enthawi eyo munaphwanyeyeenyu. Maaddi oosefukella yaphiya, khemuphwanya olliye.

Luka 3:8

Mweereke ddeko ddawooniha wi moorukunuwa murima wonanko muteekho onimma ezipaso ddaphaama. Nave muhinallotaka weekhiinyu wi, ‘Abrahamu sika nikhollo nahu.’ Kinimuulleellani wi Mulluku ttuuwora otthattusa mallukwaalla okhalla edduullu dda Abrahamu.