Luka 13:24 - Mawu a Mulluku

²⁴ “Mullipihelle ovollowella va mullako mung'onong'ono kaambiiwa, kinimuulleellanithi wi athu anchichi eneereweesa ovollowellavo koma khewora.

Luka 13:24 ပူးပေါင်းရင်းမြစ်များ

2 Petro 1:10

Sika vano, asinnaka ni arokoraka, llipihellani wi wiithaniwa wanyu ni Mulluku ni wuutthoollani waye okhalle woohimalla. Mwavirellella weera ddiidda khamuwa mukwakwatuwa.

Aheberi 4:11

Vano hankoni moollipihella nivollowe mu wiithuuwanngu wi variyari vahu vihikhalle mmodda oolephela ovollowa ekaamba yoohiiwellella wonanko yenriiwa khalle.

Luka 21:36

Chenjerani enthawi ddittheddene, muvekellaka wi muwore ovulluwa mu ddeko ddittheddenenndda ni wiimella vamiitthoni va mi, Mwaana a Muthu.”

Ezekiele 33:31

Athwaaka ennatthukumana wa weyaano enakeraatthi vatthi wi yiiwe nnddo onalloteewe. Koma yaddiiwa khenaddithwara. Ddoollota ddiwa ddinnooniha echikondi koma mirima ddiwa ddiri va opindula.

Yohane 6:27

Muhiphareke mutteko wi muphwanye yoocha eyo enoonongeya koma muphareke mutteko wi muphwanye yoochave eyo enavaha okumi woohimalla. Ella sika yoocha eyo mi Mwaana a Muthu kinuuvaheemini nyuwaano kaambiiwa Mulluku, Attiitthaaka, yaakiiyaatthi echizindikiro yoosimikiza dda miyaano.”

Miyambo 21:25

Ddookhumba dda muthu oolesi ddinnamwiipha vawi mattaaye ennakhoota ophara mutteko.

Aroma 10:3

Khenadduwella mmo Mulluku anaalungamihelleeye athu vamiitthoni vaye nave enathwara ettilla yayiwayayiwa; sika vano kheyaakhullelle ettilla ya Mulluku yowaalungamiha athu.

Akolose 1:29

Wi ddenndda ddeereye, kinaphara mutteko moollipihella, voopharihani mutteko masiva uullupalli ayo enavelleelliiwa ni Khrisitu oyo anaphara mutteko mwa miyaano.

Yohane 7:34

Muneerokaashaasha koma khamukiphwanya navettho khamuwora oyaawo nko kinaakhallekeemiwo.”

Oollalleya 10:15

Muthu ookarangeya annaphara mutteko mwawiitopiha vawi khanadduwella ettilla yooya m'muzindani.

Yohane 8:21

Yesu aallotattho wi, “Kinimavenyavo miyaano nave muneerokaashaasha koma muneerokhwa ekaamba ya machimwaanyu nave khamuwora oyaawo nko kinayeemi.”

Yesaya 1:15

Mwaatukhullellaka muddullu mattaanyu voovekellani, miyaano kineerewiipitthiha ekhovaaka. Naari mwaanjerere mavekellwaanyu mwawiidde, ngipwathawo kaambiiwa mattaanyu yooddalla ni nikhame.

Mateyu 11:12

Waambeella enthawi eyo Yohane allalleyeeye ophiyera ollello omwene wa Mulluku wookhalla owukiliwaka nave athu oowukilaayo enneeseesa wi yaakhe omwenooyo.

Miyambo 14:6

Oovevulla annaashaasha ezeru oohiyiphwanya koma tti yookhweya wa awiiwesesa.

Yohane 13:33

Akhwaaka, kinaakhalle ni nyuwaano wa enthawi yooyeva. Muneerokaashaasha miyaano koma kinuulleellani vano wonanko mmo kaalleellelleemi attekweene a Ayuda* wi, ‘Khamuwora oya nko kinayeemi.’

Luka 13:23

Muthu mmodda aamukoha wi, “Apwiya, oovullusiwaayo enaakhalle athu ooyevave?” Yesu aawaakhulla wi,

Yoswa 7:3

Ehokollweelle wa Yoswa, athwaayo yaamulleella wi, “Khe woopaalleya wi attheene niyeewo. Arumeni athu 2,000 apaalle 3,000 wi yawane ekhoto ni athu a muzinda wa Ai. Muhaatopihe athu attheene wenko vawi a wenko tti aweerengeya.”