Luka 13:19 - Mawu a Mulluku

¹⁹ Tti wonanko mmiddo wa muteekho wa masitadi oyo muthu awumiddalleeye m'matani mwaye. Wahunnuwa okhalla muteekho muullupalli nave epallame ddinnamaka emphuru ddiwa mu enthambi ddaye.”

Luka 13:19 ပူးပေါင်းရင်းမြစ်များ

Daniele 4:12

Makukhwiiwa yaari ooreera, ezipaso ddiwa ddaari ddinchichi nave ddaari ddookwakhwanella ellapo yavatthi ettheene. Enama ddamuhakani ddaanakhalla mu muuthuuchiiwa, epallame ddaanakhalla mu enthambi ddiwa nave ddoophatusiwa ddittheddene ddaanacha dda muteekhooyo.”

Daniele 4:21

Makukhwiiwa yaari ooreera, ezipaso ddiwa ddaari ddinchichi nave ddaari ddookwakhwanella ellapo yavatthi ettheene. Enama ddamuhakani ddaanakhalla mu muuthuuchiiwa nave epallame ddaanakhalla mu enthambi ddiwa.

Mitteko 4:4

Koma mwa athu yiiwalle othengooyo anchichi yaakhulupilila. Nave waata wa athu ookhulupilila wahaanjerereya ophiyera 5,000.

Mitteko 2:41

Sika athu ayo yaakhenlle mawaaye yaabatiziwa. Vaakhalla athu 3,000 ayo yaanjereriwe omullokoni wa athu ookhulupilila nllapo nenna.

Zekariya 2:11

Enthawi yeeyo athu anchichi eneeroowa wa mi Apwiya, muneerotthattuwa athwaaka nave kineerokhalla variyari vanyu.” Vano muneerodduwella wi Apwiya Amasiva Mattheene sika ekirumalle.

Ezekiele 31:6

Epallame ddaanamaka emphuru ddiwa mu enthambi dda muteekhooyo. Enama ddittheddene ddamuhakani ddaanattotthollana vatthi va enthambinnddo. Mitundu dda athu oovuwa ddittheddene ddaanatthukumana vamuuthuuchini viwa.

Yesaya 9:7

Olamulello ni murendellaaye ddineerovirellella waata, aneerokhalla va mpando wa mwene Davide, aneerokeraatthiha ni ollipiha omwenaaye, vaweerani ddoolungama ni ddaphaama waambeella enthawi yeeyo wa enthawi yoohimalla. Ni murimiiwa muttheene Apwiya Amasiva Mattheene yoosimikiza okwakhwanihella ddenndda.

Mitteko 21:20

Yiiwalliiwa, yaamutitimiha Mulluku. Nave yaallota wi, “Mwanamunnihu Paulo onnoona vano wi Ayuda anchichi tti ookhulupilila navettho attheenaayo enniivelleella voothwarani malamulo.

Mateyu 17:20

Yesu ahaakhulla wi, “Tti ekaamba yawi echikhulupilwaanyu tti yooyeva. Ddawoona, kinimuulleellani wi mwakhalla ni echikhulupililo yooyeva wonanko mmiddo wa masitadi, ttuuwora ollota wa mwaango wi, ‘Susavo mva oye valle!’ Mwaangooyo oneerosusa. Kheyiivo enaalepheliwe weeriwa ni nyuwaano.”

Yesaya 58:11

Mi Apwiya kineerewuuhoollellani enthawi ddittheddene ni wuuvonihani ddaphaama navettho kineerollipiha miilli ddanyu. Munaakhalle wonanko emata yoohellelliwa phaama wonanko neetuutu oohiwelleella.

Yesaya 53:10

Komave Apwiya yaapaalla wi emunyenye ni omuhoosa. Olliye aavelleella okumaaye wi okhalle mukutho wookhululukella machimo. Sika aneerewoona edduullu ddaye, aneerokhalla ni okumi woorekama, opaalla wa Apwiya oneereweereya mwa olliye.

Nchipo na Solomoni 6:2

Ookondiwaaka akitthenlle o emataaye, o mikhuttu dda mmiddo wawunkhella. Akelle achihe eziweto ddaye o emata, akelle arukulle malluwa ooreera.

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

Aroma 15:19

ni masiva a ezizindikiro ni ddoottikhiniha navettho ni masiva a Munepa Waweella. Sika vano koollalleya othenga waphaama wa Khrisitu ovenyera o Yerusalemu ophiya o Iliriko.

Yeremiya 31:12

Athu eneeroowa yiipaka mookhuwa va miyaango dda Ziyoni, eneerohakallalla wunchichi ekaamba ya ddaphaama ddinchichi ddoovenyera wa Apwiya. Ddaphaamanndda tti tirigu, vinyo anaanweene, makhura owaaka anamwanankhosa ni a asaanaang'ombe. Okumiiwa onaakhalle wonanko emata yoohellella, alliwa khewa emoriwa ethakaraka.

Yesaya 61:11

Wonanko mmo ethaya enamellihelliiwa mmiddo navettho wonanko mmo emata enunnuwihelliiwa ddawaalla, emoddamoddave yeeyo Apwiya Mulluku eneereweera echilungamo ni ntitimiho niwa vamiitthoni va athu attheene.

Yesaya 53:1

“Ttaani akhulupililalle othengaahu? Ethiyo ttaani uupullullelliwe masiva a Apwiya?

Nchipo na Solomoni 8:13

We ookhalla m'matani, akhwaaka aareya maaru wi yiiwe mawaawo, kaakhullelle wi kiiwena.

Nchipo na Solomoni 4:16

Venya, we ephevo ya ompoto, owe wuno, we ephevo yoomwera. Woope m'matani mwaka, wunkhellesesa wiwa okwakhwanelle viriveveko. Ookondiwaaka avollowe m'matani mwaye, ache ezipaso ddaye ddoonang'aneya.

Nchipo na Solomoni 4:12

Murokoraka, mwaaraka, tti emata ya mpanda, tti neetuutu ooteteziwa, ehime yookhuneelliwa.

Luka 17:6

Apwiya yahaakhulla wi, “Mwaakhanllekena echikhulupililo yooyeva wonanko mmiddo wa masitadi, mwaaweerollota wa muteekho wanamukuyoolla wi, ‘Otulliwe waalliwe o enyanja nave waawerowiiwellellani.’

Mariko 4:30

Yesu ahaakoha wi, “Omwene wa Mulluku niphwanaphwanihe ni tini? Ninaapharihe mutteko niphwanaphwaniho niivi wi nitthopoolle?