Luka 13:15 - Mawu a Mulluku

¹⁵ Apwiya yahaakhulla wi, “Awoottha nyu! Khe nyuwaano munattaphulla eng'ombe ddanyu apaalle abulwaanyu vamukweeni muyaakana wowaawiryiha maaddi va nllapo na Sabata?

Luka 13:15 ပူးပေါင်းရင်းမြစ်များ

Luka 14:5

Nave ahaakohattho wi, “Ttaani a nyuwaano ari ni mwaana amorenlle apaalle eng'ombe emorenlle mwiihimeni va nllapo na Sabata, khawa amukhumihamo apaalle ayikhumihamo enthawi yeeyo va nllapo na Sabata nenno?”

Mateyu 23:28

Emoddamoddave yeeyo nyuwaano munooneya wonanko athu aweera echilungamo vamiitthoni va athu koma muwari mooddalla ni woottha ni ddoonanara.

Luka 12:1

Vano athu anchichi yatthukumanniiwa, wawi yaananyingallana, Yesu aallota vawaamba wa oohudderaaye wi, “Muchenjere ni yisiti a Afarisi,* kinaaka dda woottha wiwa.

Luka 6:42

Onawora ollota wa mukhwaawo wi, ‘Kinapaalla kimuvenyihemo mwaneello ari m'mwiitthoni mwawommo,’ weyaano ohinavenyihemo murinda ori m'mwiitthoni mwawo? Nyu awoottha! Mwaambe ovenyihamo murinda ori m'mwiitthoni mwanyu nave muneerowora woona phaama wi mumuvenyihemo mwaneello ari m'mwiitthoni mwa mukhwiinyu.”

Mateyu 23:13

“Nyu, awoottha, ahuddihi a malamulo ni Afarisi, mookhalla ni otulli! Munnawalla nchiwi na omwene wa Mulluku wi athu ehivollowemo. Nyuwaano khamunavollowamo nave munnahiiha ayo enapaalla ovollowa!”

Mateyu 15:14

Muhaapwatheke! Yaayo tti oohoollella oohoona owaahoollella akhwiiwa oohoona. Vano oohoollella oohoona amuhoollella oohoona mukhwaaye, eelli attheene eneeromorihellana munllitini.”

Mateyu 15:7

Awoottha nyu! Yesaya aallotella ddawoona dda nyuwaano eerilleeye,

Mateyu 7:5

Nyu awoottha! Mwaambe ovenyihamo murinda ori m'mwiitthoni mwanyu nave muneerowora woona phaama wi mumuvenyihemo mwaneello ari m'mwiitthoni mwa mukhwiinyu.

Yesaya 29:20

Koma eekuku eneerotthollosiwa, awaattheya akhwiiwa eneerothiima nave ookuseya murima ni ddoonanara eneerewoonongiwa.

Miyambo 11:9

Muthu oohimoova Mulluku annawoononga akhwaaye ni vayanoni vaye koma odduwella onnamvullusa oolungama.

Yobu 34:30

wi oohimoova Mulluku ahaalamulelle wi ahaamake vamusamphani.

Luka 7:13

Apwiya yamoonilliiwa mutthiyana ookhwelliwooyo yaammorella ethakaraka, ellota wi, “Maalla.”

Luka 7:19

Ahaarumiha wa Apwiya wi yamukohe wi, “Ethiyo nyuwaano tti oyo ninamutiyeraahu wi awe apaalle nimutiyereke mmodda?”