Luka 12:48 - Mawu a Mulluku

⁴⁸ Koma mullupa mutteko oyo ahinadduwella ello apwinnya enapaalliiwa wi eere nave eera ddoophwanella ollakiwana, aneerewuukuthiwa vang'ono. Nave muthu avahiwe ddeko ddinchichi aneerohokollosa ddinchichi nave muthu avahiwe ddawaatesesa aneerohokollosa ddawaatesesa.”

Luka 12:48 ပူးပေါင်းရင်းမြစ်များ

Yakobo 3:1

Asinnaka ni arokoraka, anchichi a nyuwaano muhikhalle ahuddihi kaambiiwa hiyaano ahuddihi nineereweeruziwa mookhwaranya athu amodda.

Levitiko 5:17

“Muthu achimwa vaweerani moohidduwella ello yoovaanyihiwa ni malamulo a Apwiya, muthu yooyo oochimwa nave tti oophwanella ollakiwa.

Yohane 15:22

Kaari kihiwe ni ollota ni alliwa, kheyaakhallena millatu. Koma vano khenna ello yookhootella machimwiiwa.

Mateyu 13:12

Vawi muthu arina odduwella aneerovahiwa wawaanjerera sika aneerokhalla ni wawaata. Koma muthu oyo ahinna odduwella aneerewaakhiwa naari ong'onong'ono ariiyena.

1 Timoteo 1:13

naari khalle kaanamullotella epewe, kaanamuvevulla ni omuhoosa. Nave Mulluku aakeerella echifundo kaambiiwa ngaamukhulupililalle olliyooyo sika ngaadduwella eyo keereemi.

Mitteko 17:30

Mulluku khalle ahaahiya athu oohaallaka vawi kheyaamudduwella koma vano annaalamulella athu attheene orive weko wi erukunuwe murima.

1 Timoteo 1:11

Ehuddiho yeeyo eri mu othenga waphaama wa ntitimiho ni oriiheya wa Mulluku oyo aakivahilleeye.

Luka 16:2

Sika apwinnyaayo yaamwiithana ellota wi, ‘Kiniiweeminndda dda weyaano tti ddawoona? Kitthopoollelle dda muttekwaawo muttheene va eyuumaaka vawi khovirellella okhalla mullupa muttekwaaka.’

1 Timoteo 6:20

Timoteo, wehera phaama eyo ohiyeriweewe. Ohiiwelle miyaha ddoohikhalla ni mutteko ni ddoohikhalla ni omulluku, nnddo mwawoottha, ddineeriwa odduwella.

Tito 1:3

Va enthawi yoophwanellella Mulluku, Oovullusaahu, ahuupullulla yeeyo mu othengaaye. Aakivaha yeella nave kinnallalleya moollikana ni olamula wa Mulluku oonivullusaahu.

Numeri 15:27

“Muthu mmodda achimwa moohidduwella, avelleelle epuri yaamutthiyana ya muyakha mmodda wi ekhalle mukutho woopepesella machimo.

Deuteronomo 25:2

Oolakwa aphwanella owashulliwa, aweeruzooyo alamule wi akonaatthi vatthi vamiitthoni vaye nave awashulliwe moollikana ni olakwa waye.

Luka 12:41

Petro aallota wa Yesu wi, “Apwiya niphwanaphwanihonna munallota wa hiyaano apaalle wa athu attheene?”

Luka 12:49

Yesu aallotattho wi, “Kawiille wi kikharihe munllo va ellapo yavatthi nave kaawerohakallalla wakharihiweke khalle.